Новости за 25.09.2020

Вазорати корҳои хориҷии Эрон ба пахши филми “Хиёнат” дар телевизионҳои давлатии Тоҷикистон “шадидан эътироз” кардааст. Ин вазорат бо нашри изҳороти расмӣ дар сомонааш гуфт, рӯзи 25-уми сентябр сафири Тоҷикистонро дар Теҳрон эҳзор кард ва эътирозашро “нисбат ба иттиҳомоти беасоси ворида ва рафтори ғайримасъулонаи телевизионҳои давлатии Тоҷикистон” баён намуд. Мақомоти Тоҷикистон ҳанӯз ин масъаларо шарҳ надодаанд ва дар сурати рӯшан шудани мавқеи онҳо дар ин хабар изофа хоҳад шуд. Филми “Хиёнат”... Читать дальше...

Дастаи “Химки” дар пайи қатъи шартнома бо сармураббӣ Дмитрий Гунко хабар дод, ки Игор Черевченко сармураббии нави тим таъйин гардид

Сафорати Амрико дар Душанбе барои муқобила бо бемории коронавируси нав ба Горди миллии Тоҷикистон 169 ҳазор сомонӣ, муодили тақрибан 17 ҳазор доллар, ёрӣ кард. Дафтари матбуоти сафорат рӯзи 25-уми сентябр навишт, ёриҳо аз васоили муҳофизатӣ, аз ҷумла ниқоби тиббиву айнак ва ҳароратсанҷу маҳлулҳои беҳдоштӣ иборат аст. Ҷон Марк Поммершайм, сафири Амрико дар Тоҷикистон гуфт, “ҳукумати Иёлоти Муттаҳида ва мардуми Амрико барои муқобила бо COVID-19 ба Тоҷикистон ба маблағи беш аз 5 миллион доллар кумак кардаанд.” Сафир афзуд... Читать дальше...

Бино ба омори расмӣ, шумори гирифторони СОVID-19 дар Тоҷикистон тайи ду ҳафтаи ахир беш аз даҳ дарсад афзудааст. Агар дар миёнаҳои моҳи сентябр дар як рӯз бемории то 39 кас тасдиқ мешуд, ҳоло то 45 маврид расидааст.

Дар Лаҳистон (Полша) як созмони дифоъ аз ҳуқуқи инсонро таъсис доданд, ки ба номи вакили зиндонии тоҷик Бузургмеҳр Ёров гузошта шудааст. Ҷамшед Ёров, бародари Бузургмеҳр Ёров, рӯзи 25-уми сентябр ба Радиои Озодӣ гуфт, дар ҳайати созмон 10 нафар ҳастанд ва "ба масъалаи маҳбусони сиёсӣ ва сарнавишти маҳбусони, ба истилоҳ, виҷдон, аз ҷумла хабарнигори зиндонӣ Далер Шарифов машғул хоҳанд шуд." Ёров афзуд, "Бунёди Бузургмеҳр" дар назар дорад, дар оянда натанҳо кумаки ҳуқуқӣ кунад, балки ба наздикони маҳбусони... Читать дальше...

Владимир Путин, президенти Русия  ба ИМА пешниҳоди табодули “замонати адами мудохила ба умури якдигарӣ, аз ҷумла ба ҷараёнҳои интихоботӣ”-ро кардааст. Изҳороти мазкур рӯзи 25-уми сентябр дар вебсайти Кремлин нашр шуд ва матни онро тавассути видео вазири хориҷа Сергей Лавров қироат кард. Дар меҳвари изҳороти Путин – пешниҳоди ташкили барномаи  барқарор кардани робитаҳои Русия ва ИМА дар бахши амнияти иттиллоти байналмилалӣ мебошад. Лавров дар қироати ин санад гуфт: “Яке аз чолишҳои стратегии замони имрӯз ... Читать дальше...

Нахуствазири Косово Абдулло Ҳотӣ аз фикри ба номи президенти ИМА Доналд Трамп номгузорӣ  шудани кӯле дар марз бо Сербия пуштибонӣ кард. Ин кӯлро сербҳо Газивода ва косовагиҳо Уйман ном мебаранд. Номи ин кӯл яке аз чандин масоили мавриди ихтилофи назарҳои миёни сербҳову косовогиҳо мебошад. Рӯзи  4-уми сентябр бо миёнҷигии ИМА ин ду кишвар созишномаи оддисозии равобити иқтисодиро  имзо карданд. Дар идомаи ин музокираҳо, Ричард Греннел, фиристодаи вижаи президенти ИМА дар музокироти сулҳи  сербҳову... Читать дальше...

Дар Қандаҳори Афғонистон аввалин толори варзишӣ барои занон ифтитоҳ ёфт.

Муҳоҷирони бандмонда мунтазири боз шудани роҳи оҳан ҳастанд.

Ниқобпӯшии маҷбурӣ дар донишгоҳҳои Тоҷикистон.

ИМА, Бритониё ва Канада эҳтимолан базудӣ нисбати мақомоти Беларус, ки дар саркӯби хушунатбори эътирозгарони натиҷаҳои интихоботи президентии 9-уми август гунаҳгоранд, таҳримҳо ҷорӣ кунанд.  Reuters гуфт, ки таҳримҳо рӯзи 25-уми сентябр, ду рӯз баъди маросими пинҳонии савгандёдкунии Александр Лукашенко  эълон мешаванд. Бисёр раҳбарони ғарбӣ ин маросимро “як тақаллубкорӣ” номиданд. Вазири хориҷаи Бритониё Доминик Рааб рӯзи 24-уми сентябр гуфт, баъди он ки ИА баъди таҳрими Қибрис натавонист Беларусро таҳрим кунад... Читать дальше...

Садҳо қонунгузор аз Аврупо ва Амрикои Шимолӣ  дар номае ба унвонии Александр Лукашенко талаб карданд, ки зиндониҳои сиёсӣ озод карда шаванд. Саркӯбҳои хушунатбори эътирозгарон ва ҳабси садҳо нафар дар паи изҳори норизоияти онҳо бо натиҷаҳои интихоботи президентии 9-уми август, ки дар он Александр Лукашенкоро баранда эълон карданд,  мавриди маҳкумияти Ғарб шуд. 270 қонунгузор аз 29 кишвар дар робита бо боздошти Мария Колесникова ва ду узви дигари Шӯрои ҳамоҳангсоз, ки барои муколама бо ҳукумат ба хотири интиқоли сулҳомези қудрат ташкил шуда буд... Читать дальше...

Аксар раҳбарони ҷаҳон, ки дар ҷаласаи солона ё Маҷмаи кулли Созмони Милал иштирок мекунанд, ба зарурати дастрас шудани ваксинаи зидди коронавируси нав ҳамчун масъалаи ҳаётан муҳим таъкид мекунанд.

Хабаргузориҳои Русия дар бораи занозанӣ дар бинои сафорати Тоҷикистон дар Маскав гузориш додаанд, ҳаёт дар шаҳраки муҳоҷирони бандмонда дар марзҳои Русия, ниқобпӯшии маҷбурӣ дар донишгоҳҳои Тоҷикистон, аввалин толори варзишии занона дар Афғонистон ва матолиби дигар.

Бино ба хабарҳо, як шаҳрванди 37-солаи Тоҷикистон дар дохили бинои сафорати кишвар дар Маскав ду нафарро задааст. Ҳодиса рӯзи 24-уми сентябр рух додааст. Мақомоти Тоҷикистон қазияро шарҳ надоданд. Хабаргузории ТАСС рӯзи 25-уми сентябр бо такя ба манобеаш хабар дод, ки ҳамлавар дастгир шудааст ва ӯро ба вайрон кардани қоидаи будубош дар ҳудуди Русия муттаҳам мекунанд. Оҷонси хабарии Маскав навишт, мутахассиси пешбари сафорат ва ронандаи ӯ, ки масунияти дипломатӣ надоштанд, мавриди ҳамла қарор гирифтанд. Читать дальше...

Дар паи маросими ногаҳонии савгандёдкунии Александр Лукашенко раиси сиёсати хориҷии ИА батакрор гуфт, ки ин ниҳод ӯро ба ҳайси президенти Беларус эътироф намекунад. Дар ҳоле, ки дар Беларус намоишҳои эътирозии сартосарӣ аз натиҷаҳои интихоботи рӯзи 9-уми август идома дошт, ки Лукашенкоро баъди 26 соли раёсатҷумҳурӣ бори шашум президент номид, Лукашенко дар Минск маросими аз пеш эълоннашудаи савгандёдкуниро барпо кард. Аз он замон то кунун ҳама эътирозҳо саркӯб шуда, ҳазорҳо нафар боздошт, садҳо нафар... Читать дальше...

Дар паи он ки мунаққиди Кремлин Алексей Навалний дар баҳси додгоҳии марбут ба тӯҳмат нисбати як соҳибкори наздик ба президент Владимир Путин мағлуб шуд, судиҷрочиҳо дар Русия хонаи ӯро дар Маскав ҳабс карданд. Дар ин бора Кира Ярмиш, сухангӯи Навалний рӯзи 24-ми сентябр дар Твиттер хабар дод. Ӯ гуфт, замоне, ки Навалний дар ҳолати кома дар беморхона буд, судиҷрочиҳо бо қарори худ хонаи ӯро аз ҳақи фурӯш, тақдим ва амалиёти дигари молӣ маҳрум карданд. Навалний ҳанӯз ҳақ дорад, ки дар ин хона зиндагӣ кунад. Читать дальше...

Имрӯз дар бораи фоҷиаи як модари тоҷик суҳбат мекунем, ки марги ӯ мушкилоти зиёдеро дар зиндагии сокинони биноҳои баландошёна дар Душанбе аён кард. Дар як бинои 16-табақа дар Душанбе рӯзи 14-уми сентябр як зани 49-сола дар дохили лифти вайрона афтода, ҳалок шуд. Гузориш дар бораи фалокат баҳси дарозеро дар саҳифаи Радиои Озодӣ дар Инстаграм ва Фейсбук ба вуҷуд овард ва даҳҳо нафар гуфтаанд, ки лифти биноҳои истиқоматии онҳо низ аҳволи хубе надоранд. Аз ҷумла корбаре ба номи «Алик-малик» дар зери гузориши Радиои Озодӣ чунин навиштааст... Читать дальше...

Имрӯз дар бораи фоҷиаи як модари тоҷик суҳбат мекунем, ки марги ӯ як мушкили бузург дар зиндагии сокинони биноҳои баландошёна дар Душанберо аён кард.

Созмони ҳомии ҳуқуқи инсон Amnesty International дар гузориши наваш мегӯяд, дар Қирғизистон дар давраи пандемияи коронавирус кормандони тибро маҷбур мекарданд соатҳои тӯлонӣ сари кор бошанд, аксар вақт барои соатҳои изофии корӣ пул намедоданд ва ҳатто гоҳо маошашонро кам  мекарданд ва дар шароити монанд ба зиндонӣ дар маҳбас нигаҳ медоштанд. Гузорише, ки рӯзи 25-уми сентябр нашр шуд, бо такя ба манобеи ғайрирасмӣ мегӯяд, ки дар моҳҳои март то июл дар Қирғизистон бар асари пандемия 40 корманди тиб ҷон дод... Читать дальше...

Дар паи изҳороти президент Доналд Трамп, ки гуфт, эҳтимолан натиҷаҳои интихоботи рӯзи 3-юми ноябрро эътироф нахоҳад кард, аъзои аршади ҳизби ҷумҳурихоҳи ИМА гуфтанд, ки ҳама натиҷаҳоро қабул хоҳанд кард. Трамп баъди он ки рӯзи 23-юми сентябр гуфт, дар сурати мағлубияташ дар интихобот интиқоли сулҳомези қудратро қабул намекунад, дар ҳарду ҳизби сиёсӣ баҳсу ғавғо эҷод кард. Чанд сенатори ҷумҳурихоҳ баъди ин гуфтанд, ки мутобиқи конститутсияи ИМА интиқоли сулҳомези қудрат таъмин хоҳад шуд ва на Трамп... Читать дальше...

Ҳангоми сафари раиси ҷумҳурии Тоҷикистон ба вилояти Хатлон як духтари ҷавон дар фурудгоҳи шаҳри Бохтар аз ӯ ёрӣ хост ва ин баҳсро доғ кард, ки то куҷо чунин мададхоҳӣ табииву ногаҳонӣ аст ва то куҷо сохта.

Дар шимоли Қазоқистон ҳафт минтақаи дигари аҳолинишинро ба далели зукоми паранда карантин карданд. Аз имрӯз ба баъд даромаду баромад аз маҳаллаҳои Қарақамис, Екатериновка, Архангелское, Красний Яр, Пресновка, Налобино ва Белоградовка манъ карда шудааст. Ҳамин тариқ шумораи минтақаҳои аҳолинишине, ки даромаду баромад аз онҳо манъ шудааст, ба 18 расид. Бино ба омори расмӣ, то ба имрӯз дар Қазоқистон 108 ҳазор сар мурғ аз зукоми паранда фавтидааст. Барои наҷоти мурғҳои боқӣ ваксингузаронии дастаҷамъӣ эълом шудааст. Читать дальше...

Дастаи мунтахаби наврасони то 16-солаи футболи Тоҷикистон дар бозии дувуми дӯстона аз мунтахаби наврасони Узбекистон (U-16) бо ҳисоби 1:2 шикаст хӯрд. Бозии дувуми дӯстона миёни дастаҳои мунтахаби наврасони то 16-солаи Тоҷикистон ва Узбекистон рӯзи панҷшанбе, 24-уми сентябр, дар варзишгоҳи «20-солагии Истиқлолияти Тоҷикистон»-и Хуҷанд баргузор шуд. Ҳисобро дар ин дидор Шаҳзод Акрамов, бозигари меҳмонон, дар дақиқаи 5-ум кушод. Хуршед Давлатзода, бозигари мизбонон, дар дақиқаи 42-юм аз пеналтӣ ҳисобро баробар кард. Читать дальше...

Дар дақиқаи 56-уми бозӣ довари асосӣ баро хатоӣ зарбаи 11-метра ба дарвозаи дастаи “Файзканд” таъйин накард, қайд мекунад хадамоти матбуотӣ