ترکي رسنۍ: استانبول کې د افغانستان سولې کنفرانس د اپرېل ۲۶مې ته وځنډول شو
د ترکیې خبري رسنیو د خپل هېواد د بهرنیو چارو وزارت د سرچینو په قول ویلي، وروسته له دې چې طالبانو وویل چې د اپرېل په ۱۶مه د استانبول په غونډه کې ګډون نهشي کولای، د دې کنفرانس لپاره پر نوې نېټې غور وشو چې غالباً به د اپرېل ۲۶مه وي.
ترکیې تېره میاشت وروسته له دې د افغانستان د سولې د کنفرانس کوربهتوب ته تیاری وښوده چې د امریکا د بهرنیو چارو وزیر انتوني بلېنکن ورڅخه د یوې داسې غونډې د جوړېدو غوښتنه وکړه.
په همدې حال کې د امریکا او ترکیې د بهرنیو چارو وزیرانو د افغانستان د سولې په اړه ټیلیفوني خبرې کړې دي.
د ترکیې د بهرنیو چارو وزیر مولود چاووش اوغلو پر خپله ټویټرپاڼه کښلي چې له خپل امریکايي ساري انتوني بلېنکن سرهیې په دوه اړخیزو اړیکو، د افغانستان د سولې پر پروسې او په دې برخه کې په استانبول کې د دایرېدونکي کنفرانس په باب ګټورې خبرې کړې دي.
د افغانستان حکومت په دې کنفرانس کې ګډون ته چمتووالی اعلان کړی، خو طالبانو ویلي چې لا یې پرېکړه نهده کړې.