Новости за 23.07.2018

Институтот за јавно здравје објави дека во дебарско има епидемија на мали сипаници со регистрирани 17 случаи. „Сите заболени во епидемијата се во меѓусебна епидемиолошка врска и сите се жители на Дебар, со исклучок на една жена која е жител на Охрид, но секојдневно патува во Дебар каде што работи. Во однос на возраста, 11 од заболените се над 30 години, три лица се на возраст од 20-29 години, и по едно лице припаѓа на возрасните групи: од 15-19 години, од 1-4 години и под една година“, објави ИЈЗ на својата веб страница. Читать дальше...

Косовскиот весник „Коха Диторе“ денеска објави дека „прифаќањето на дебатата со Белград од страна на косовската страна за поделба на Косово или за размена на територии, во рамките на опциите за постигнување законски обврзувачки договор, ќе има тешки последици“. Во изјава за весникот, косовски аналитичари, велат дека „иако не е јавно и официјално кажано, територијалната поделба цело време е дел од калкулациите на српската страна“. Според политикологот Бељул Беќај, Србија настојува до поделбата... Читать дальше...

Министерот за здравство Венко Филипче, на денешната прес-конференција, информирање дека „поради пoстоење одредени неправилности во документацијата на што укажала првичната евалуација, Министерството одлучило тендерската постапка за набавка на тестови и реагенси за биохемиски, имунолошки, хематолошки и гасни анализи да ја прекине“. „Во следниот период ќе продолжиме со имплементација на планот за централизација, а со тоа и обезбедување на големи заштеди во овој дел од набавките“, рече Филипче. ... Читать дальше...

„Старите не ги осудија, туку си продолжија, им се виде слатко“, гласи еден од коментарите на нашите читатели по информациите за владините тендери, во кои се прозвани Министерството за здравство и вицепремиерот Анѓушев.

Руските дипломати кои што Грција ги протера поради илегално мешање во попречување на Договорот со Македонија, не само што се обиделе да поткупат претставници на црквата и на локалните власти во обид да го поткопаат договорот, туку и се обиделе да се инфилтрираат во Грчката разузнавачка служба и во вооружените сили на земјата, објави грчкиот весник Катимерини. Според весникот, протераните се обиделе да поткупат поранешен разузнавач и претставници на армијата. Според владини извори, на кои се повикува катимерини... Читать дальше...

Израелскиот премиер Бенјамин Нетанјаху изјави дека Израел помогнал во евакуацијата на стотина сириски спасувачи од југозападна Сирија на молба на американскиот претседател Доналд Трамп и други западни лидери. „Пред неколку денови претседателот Трамп ми се јави, како и премиерот на Канада Џастин Трудо кои ме замолија за евакуирање на Белите шлемови од Сирија“, е наведено во соопштението од кабинетот на Нетанјаху. Белите шлемови се доброволци кои помагаат во спасувањето на сиријци ранети во напади во подрачја кои се под контрола на бунтовниците.

Собранието на Македонија ќе ја продолжи 53. седница на која на дневен ред се повеќе закони, но и измените на Изборниот законик, по скратена постапка. Седницата треба да продолжи со Предлогот за разрешување на претседателот и членовите на Државната комисија за одлучување во управна постапка и постапка од работен однос во втор степен, што започна во четвртокот, завршната сметка на Буџетот за 2017, дополнет предлог на закон за изменување и дополнување на Законот за превоз во патниот сообраќај, во второ читање и други. Читать дальше...

Групата 20 индустриски развиени земји оцени дека глобалниот стопански пораст е силен, но на краткорочно ниво е под ризик поради растечките трговски и геополитички тензии. Министрите за финансии на Г20 на состанокот во Буенос Аириес заклучија дека „постои потреба од јакнење на дијалогот и акција за да се намалат ризиците и да зајакне довербата“. Европскиот комесар за економски прашања Пјер Московиси изјави дека ЕУ и натаму е за дијалог со САД и оти се очекува наскоро двете страни да разговараат за трговските тензии.

Вооружен маж пукал синоќа во Торонто при што ранил десетина луѓе, од кои една жена починала. Канадската полиција соопшти дека вооруженото лице потоа се самоубило. Во нападот во таканаречениот Грчки кварт во Торонто било рането и едно девојче кое се уште било во критична состојба. Полицијата вели дека се уште е рано да се каже дали станува збор за терористички напад.

Државниот министер надлежен за Европа во германското Министерство за надворешни работи Михаел Рот од Тирана упати апел до албанските политичари да ја превземат одговорноста која им припаѓа и да не го попречуваат членството во ЕУ. Рот по средбата со неговиот домаќин министерот Дитмир Бушати, посочи дека во Албанија престојува за да и честита на земјата за успехот, нагласувајќи дека таа е на добар пат кон ЕУ. Тој посебно го поздрави текот на процесот на прочистување на правосудните институции и полицијата во Албанија... Читать дальше...

Претседателот на САД Доналд Трамп го предупреди иранскиот претседател Хасан Рохани на Твитер за "никогаш повеќе" да не се им заканува со САД. Претходно Рохани му порача на Вашингтон да не си игра „со опашот на лавот“. Во меѓувреме американскиот државен секретар Мајк Помпео ја нападна иранската владејачка елита за користење на нејзината позиција за да ги наполни своите џебови.

Американскиот државен секретар Мајк Помпео ја нападна иранската владејачка елита, како и верските лидери за користење на нивната позиција за да ги наполнат своите џебови, додека просечните граѓани „плачат за работа, реформи и можности“. Помпео го нарече иранскиот врховен лидер Ајатолах Али Хаменеи, како и другите верски лидери во теократската влада „лицемерни свети луѓе“ кои трупаат стотици милиони долари од тоа што се на власт. Тој додаде дека „режимот во Иран бил „кошмар за иранскиот народ“.

За денеска во 9 часот во Клубот на пратениците премиерот и лидер на СДСМ Зоран Заев закажа лидерска средба на која ги поканил претседателите на ВМРО-ДПМНЕ, ДУИ и Беса, Христијан Мицкоски, Али Ахмети и Биљал Касами. Последната нивна средба се одржа во четвртокот и тогаш најавија нова која би се одржала во недела или понеделник. По средбата Заев и Мицкоски рекоа дека за дел прашања постигнале приближување во ставовите, а за дел не, но не прецизираа за кои конкретно. На средбата главни теми се очекува... Читать дальше...

Во Македонија ќе биде променливо облачно, од попладне нестабилно со локален пороен дожд, грмежи и засилен северозападен ветер. Локално се можни поитнезивни процеси, особено во западните и јужните делови. Дневната температура ќе се движи од 21 до 35 степени. Во Скопје и околина слично време со температура до 33 степени.