Новости за 11.07.2018

Шефот на германската дипломатија Хајко Мас денеска реагираше на критиката на американскиот претседател Доналд Трамп дека Берлин е „заробеник“ на Русија, нагласувајќи оти Германците не се заробеници ниту на Москва ниту на Вашингтон. „Ние не сме заробеници ниту на Русија ниту на САД. Ние сме еден од гарантите на слободниот свет и тоа така ќе остане,“ истакна Мас на маргините на Самитот на НАТО во Брисел. Тој додаде и дека Берлин планира да ги зголеми расходите за одбраната за 80 проценти до 2024 година... Читать дальше...

„Радувај се Македонијо! Портите за нашето полноправно членство во НАТО се отворени,“ порача премиерот Зоран Заев на својот ФБ профил во врска со одлуката, која ја донесоа денеска на првиот ден од Самитот на НАТО во Брисел, лидерите на земјите-членки да ја поканат Македонија да ги почне преговорите за пристапување. „Попладнево, земјите членки на НАТО одлучија да ни упатат покана Република Македонија да го започне пристапниот процес за членство во Алијансата. Нашите партнери и пријатели денеска ни оддадоа признание. Читать дальше...

Турскиот претседател Реџеп Тајип Ердоган денеска најави дека раководството врз армијата може да биде доверено на министерот за одбрана, генералот Хулуси Акар. Најавата на Ердоган, дадена за телевизијата Си-Ен-Ен Турк, доаѓа откако тој го распушти Врховниот совет на одбраната. Критичарите на Ердоган за овој чекор оценија дека може да води до директна контрола на претседателот врз вооружените сили. Една од најважните функции што претседателот ги презема од Врховниот совет се унапредувањата на офицерите. Читать дальше...

Ученици од Куманово, но и лица со попречености учествуваа на осмиот Детски ликовен камп во кумановското село Пелинце.

Францускиот претседател Емануел Макрон ќе се сретне в недела со рускиот колега Владимир Путин за време на финалниот натпревар на Светското фудбалско првенство во Москва, соопшти денеска Елисејската палата. Средбата меѓу Макрон и Путин била договорена синоќа за време на краткиот телефонски разговор меѓу двајцата лидери. Францускиот претседател синоќа присуствуваше на полуфиналниот натпревар меѓу Франција и Белгија во Санкт Петербург, во кој француската репрезентација победи со 1:0.

НАТО официјало ја покани Македонија да почне пристапни преговори за прием во Алијансата. Во заклучокот од самитот во Брисел е поздравен договорот Атина – Скопје без чија целосна примена нема завршување на пристапниот процес.

Во Србија се регистрирани 11 случаи на заболени од западнонилска треска, од кои девет се потврдени, информираа од Институтот за јавно здравје на Србија. Според податоците на Институтот, од потврдените случаеви на заболени, четворица се регистрирани во Белград, пет во Јужен Банат, и по еден во Јужна Бачка и во Подунавскиот округ, или осум мажи и три жени на возраст од 43 до 83 години. Од 29 локации во Србија на кои се собрани комарци кои го носат вирусот Западе Нил, 20 локации се во Белград, седум во Панчево и селата Јабука и Глогоњ... Читать дальше...

Генералниот секретар на НАТО, Јенс Столтенберг, соопшти дека Алијансата се согласила да ѝ даде на Mакедонија покана за пристапни преговори за членство. „Го поздравуваме договорот помеѓу Атина и Скопје и се согласивме да ја поканиме Владата во Скопје да започне пристапни преговори, откако ќе бидат заоркужени сите внатрешни процедури за да се финализира договорот земјата ќе влезе во НАТО како 30-та членка“, изјави генералниот секретар Јенс Столтенберг на прес-конференцијата по првата сесија на северноатлантскиот совет на Самитот на НАТО.

Основното јавно обвинителсто Скопје презема истражни дејствија за утврдување на релевантните факти во врска со претепувањето до смрт на младиот Никола Саздовски. “Јавното обвинителство презема истражни дејствија за утврдување на факти”, потврдуваат за МИА од Обвинителството. Двајцата од напаѓачите на Саздовски се во притвор во затворот „Шутка“, а по третиот полицијата се уште трага. Тројцата се осомничени дека на 29 јуни брутално го претепале младиот Никола Саздовски на автобуска постојка во скопската населба Автокоманда. Читать дальше...

Разрешница за ДИК е одлуката на политичките партии да излезат од оние услови што ги поставуваат во однос на обврските што ги имаат преземено, изјави денеска претседателот на парламентот Талат Џафери. “Тоа е обврска на политичките партии по онаа процедура што е предвидена во Собранието, да ја иницираат. Немам потреба да чекам никого. Не е мој проблем што бара ВМРО-ДПМНЕ. Собранието има соодветна процедура. Партиите се обврзале на таков метод и со таков начин со измените на Изборниот законик да го вратат методот на избор на ДИК. Читать дальше...

Британецот Чарли Роули кој на 30-ти јуни беше отруен, повеќе не се наоѓа во критична состојба, објавија два дена откако неговата партнерка почина во болницата Салсбури. Двајцата британски граѓани беа пронајдени во несвесна состојба, а неколку дена покасно полицијата соопшти дека биле изложени на истата супстанција со која беа отруени и рускиот шпион Сергеј Скрипал и неговата ќерка Јулија. Британската полиција денеска информираше дека разговарале со Роули во обид да дознаат на кој начин тој и неговата... Читать дальше...

Словачка денеска најави дека ќе купи 14 борбени авиони Ф-16 од САД, со кои ќе ги замени руските летала Миг-29. Најавата на словачкото министерство за одбрана доаѓа за време на самитот на НАТО во Брисел, каде американскиот претседател Доналд Трамп директно побара од сојузничките држави да ги зголемат одбранбените расходи до најмалку два проценти од нивниот бруто домашен производ. Словачка имала понуда за борбени авиони и од Шведска, но се решила за американските, изјави министерот за одбрана Петер Гајдош.

Португалската полиција уапси десетици членови на бандата „Ангели на пеколот“, кои според властите се „исклучително насилни“. Во полициската акција вклучени се 400 полицајци, кои извршија претрес во околу 80 објекти. Полициската акција е преземена за ликвидирање на криминалната група. „Ангели на пеколот“, релативно нова банда во Португалија. Против криминалната група се преземени операции во Германија и во Холандија.

На обвинувањата од американскиот претседател Доналд Трамп дека Германија е под контрола и заложник на Русија, германската канцеларка Англеа Меркел одговори со тоа што се присети на својата младост во Источна Германија, кога таа беше под руска управа, и со констатација дека Германија денеска е независна во своите политички избори, објави новинската агенција Ројтерс. „Имам искуство како е да се живее во делот од германија кој беше контролиран од Советскиот сојуз. Многу сум среќна што денеска сме... Читать дальше...

Насилството претставува чин за кој нема и не треба да има никакво оправдување и затоа даваме целосна поддршка за расчистување на случајот со починатиот Никола Саздовски, и без никаква задршка, изведување на виновниците пред лицето на правдата, соопшти денеска ДУИ. „Демократската унија за интеграција изразува длабоко сочувство до родителите, фамилијата и блиските на починатиот Никола Саздовски. Загубата на млад и невин живот, особено на насилен начин, каков што беше овој немил настан, претстава... Читать дальше...

Во Преспа пред три недели Ципрас и Каменос признаа македонска националност и јазик за Скопје, а денес во Брисел ја отвораат вратата за интеграција во НАТО, изјави претседателот на Нова демократија, Кирјакос Мицотакис. Тој во изјавата за Самитот на НАТО, остро ја критикуваше грчката Влада и рече дека за предавството што го направиле „народот наскоро ќе им пресуди“. „Тие го предаваат најсилното преговарачко оружје што го имаше Грција и беше национална линија во последните 27 години. Коалициските... Читать дальше...

Случајот со стечајот на Еурокомпозит може да заврши со задржување на вработените и продолжување на работата на капацитетот, како што беше со ФЕНИ, најави вицепремиерот Кочо Анѓушев. „Тој модел на ФЕНИ ќе се обидеме да го примениме и на Еурокомпозит, наместо долгиот процес за приватизација. Еурокомпозит долги години е блокиран, но му помогнавме да продолжи со работа што не е, ниту смее да биде трајно решение. Компанијата треба да се приватизира, но во транспарентна постапка, а за тоа има два начина... Читать дальше...

Сојузот на стопанските комори и УЈП денеска поспишаа Меморандум за соработката за справување со сивата економија и нелојалната конкуренција. „Штетите од работата на нерегистрираните фирми за државниот Буџет се огромни, а само по продукт од ИТ индустријата изнесуваат шест милиони евра. Оштетени се и компанииите кои работат легално во секторот затоа што увезуваат производи и мора да ги сертифицираат, а на ризик се изложени и граѓаните кои  ги купуваат“, рече Данела Арсовска, претседателка на Сојузот на стопанските комори... Читать дальше...

Вицепремиерот за економски прашања Кочо Анѓушев денеска изјави дека „не може 'Еко Герила' или која било друга организација да кажува дали некоја компанија ќе работи или не“. „Никој не може да биде над институциите на дражвата. Јасен е ставот на Владата - 'Југохром' не може да проработи ако не ги задоволи еколошките стандарди“, рече Анѓушев , одговарајќи на новинарски прашања по потпишувањето на првиот проект за Зелениот климатски фонд. Анѓушев додаде дека „Југохром“ веќе ги поставува филтрите... Читать дальше...

Генерални секретар на НАТО Јенс Столтенберг пред денешниот самит на НАТО во Брисел изјави дека Алијансата овој пат нема да ja покани Босна и Херцеговина да биде членка на Алијансата. „Босна и Херцеговина е наш партнер и тоа многу важен партнер. Не очекувам земјите членки на овој самит да разговараат за активирање на Акциски план за членство за Босна и Херцеговина. Исто така, не можам да ви кажам кога таа расправа ќе се најде на нашиот дневен ред“, рече Столтенберг.

Грција ја информираше Русија на 6 јули дека планира да  протера  руски дипломати од земјата заради нелегални активности поврзани со митинзите против договорот со Македонија, објави агенцијата Ројтерс, повикувајќи се на свој грчки дипломатски извор. "Пред извесно време ги известивме руските власти дека издадовме предупредувања за четврица дипломати и цивили, а во петокот тоа беше и официјализирано, давајќи им разумен период од неколку дена да ја напуштат земјата", изјавил изворот за Ројтерс. Протерувањето... Читать дальше...

Нацрт-заклучоците на Самитот на НАТО предвидуваат дека Македонија денеска добива покана за старт на преговори за членство во Алијансата и зачленување по заокружување на сите внатрешни проедури, објави МИА. „Во 2008 одлучивме дека НАТО ќе и додели покана на ПЈРМ за влез во Алијансата штом се изнајде заеднички прифатливо решение за името во рамките на ОН. Го поздравуваме историскиот договор помеѓу Атина и Скопје за решение за спорот за името. Во согласност со нашата политика решивме да ја поканиме... Читать дальше...

Партија „Единствена Македонија“, која се залага за сојуз со Русија место со НАТО, ја обвини Владата дека „го лаже македонскиот народ и дека Македонија нема да добие покана за членство во Алијансата“. „Ова е една голема лага, бидејќи, Република Македонија во Брисел добива само обично ветување дека во некоја иднина ќе добие покана за членство во НАТО, иако таквото ветување само по себе е неизвесен факт, необврзувачка изјава и претпоставка, за која уште сега може да потврдиме дека во иднина и навистина нема да се оствари“... Читать дальше...

Билансот на загинатите во големите поплави во јапонија се искачи на 179, а десетици се водат како исчезнати, објави АП. Јапонската Влада информираше дека издвоила 64,8 милиони долари за помош во справувањето со последиците од големите поплави што беа предизвикани од обилни дождови што ја погодија Јапонија минатата недела. Ова е најголемата ваква природна непогода во јапонија од 1953 година, кога во поплави загинале над 750 луѓе.

Германската министерка за одбрана, Урсула Вон Дер Лејен изјави дека е уврена дека  Македонија денеска ќе ја добие поканата за НАТО и најави дека планира да ја посети Македонија наесен. „Германија силно го поддржува добивањето покана за влез во НАТО за нашите македонски пријатели, и многу сум сигурна дека тоа ќе биде резултатот на Самитот и со нетрпение очекувам да ја посетам вашата прекрасна држава, во септември мислам“, рече Лејен за МИА. Шефицата на германската одбрана е уверена дека добро ќе помине и референдумот за името. Читать дальше...