Исламистичката Худа-пар ќе го поддржи Ердоган на претседателските избори
Курдската исламистичка партија Худа-пар соопшти дека на претседателските избори во Турција ќе го поддржи претседателот Реџеп Тајип Ердоган, јави турската телевизија НТВ.
На 24 јуни во Турција ќе се одржат предвремени претседателски, но и парламентарни избори на кои сунитската исламистичка партија Худа- пар ќе учестува со свои кандидати и свое лого.
Високата изборна комисија на Турција дозволи учество на изборите на вкупно 11 партии.