Ердоган повика граѓаните девизите да ги променат во лири
Турскиот претседател Реџеп Таип Ердоган ги повика граѓаните своите заштеди во девизи да ги променат во лири, во обид да ја поддржат националната валута.
„Моите браќа, кои имаат долари или евра под перниците, да одат и да ги заменат во лири. Заедно можеме да се бориме против овој заговор“, рече Ердоган на митингот во источниот град Ерзурум на 26-ти мај.
Говорот беше дел од изборниот митинг пред предвремените парламентарни и претседателски избори закажани за 24 јуни.
Турската валута загуби околу 16 отсто во однос на доларот во изминатиот месец. Но итните чекори на централната банка на 23 мај помогнаа да се поврати одредена вредност на валутата.
Турските власти рекоа дека падот на лирата е „заговор“ од неименувани странски сили за да се ослабне земјата.