Новости за 15.05.2018

Талас облусунун жаштары шаардыктарга акысыз курма жана Орозо айынын календарын таркатты. Акциянын уюштуруучуларынын бири Заирбек Камалдиновдун айтымында, мындай саамалык облуста жаштардын демилгеси менен биринчи жолу өтүп жатат. Максаты - коомду кайрымдуулукка үндөө.  Кыргызстандын Аалымдар кеңешинин чечими менен 17-май орозонун алгачкы күнү катары белгиленди. Кыргызстан мусулмандар дин башкармалыгынын адиси Орозали Адыраковдун “Азаттыкка” билдиргенине караганда, 16-майдан 17-майга караган түнү саат 3:34тө ооз бекилет. Читать дальше...

Кошмо Штаттардын биринчи айымы Мелания Трамп бөйрөгүнөн операция болду. Бул тууралуу 14-майдын кечинде АКШ президентинин жубайынын басма сөз кызматы кабарлады. Залалсыз шишикти алуу боюнча операция Мэриленд штатындагы Уолтер Рид атындагы аскердик-медициналык борбордо ийгиликтүү өткөнү кабарланды. Дарыгерлердин айтымында, биринчи айымдын абалы жакшы жана ал ооруканда бир жумадай жатат. Президент Трамп бул маалда Ак үйдө болду. Соңку отуз жыл ичинде АКШнын биринчи айымдарынын бирине да мындай олуттуу операция жасалган эмес. Читать дальше...

Sputnik Кыргызстан маалымат агенттиги эрендердин эрегишкен таймашынан сүрөт түрмөк тартуулайт.

Ош шаарынын Озгур айылында асынып өлгөн 23 жаштагы жигиттин өлүмүнүн себептерин аныктоо боюнча иликтөө иштери башталды. Бул тууралуу Ош шаардык ички иштер башкармалыгынын басма сөз катчысы Райхан Абдразакова "Азаттыкка" билдирди. Анын айтымында, маркум Аскар Касымбеков өз үйүнүн бүтө элек бөлмөсүндө жип менен асынып өлгөн. Ал ошол күнү Жалал-Абад шаарына тойго барып келгени, эч кандай кат жазып калтырбаганы такталды. Жигит өз жанын кыйган учурда апасы үйдө болгон эмес. Туугандары маркумдун сөөгүн экспертизага бергенден баш тартып... Читать дальше...

Бишкектин Биринчи май райондук сотундагы Мамлекеттик мүлк фондунун мурдагы жетекчиси, экс вице-премьер-министр Дүйшөнбек Зилалиевдин иши боюнча отурум 25-майга калды. Бул тууралуу Жогорку соттун басма сөз катчысы Сюита Соурбаева “Азаттыкка” билдирди. Отурумдун жылдырылышына ишти караган сот Эмилбек Каиповдун ооруп, келбей калганы себеп болду. Зилалиевге президент Сооронбай Жээнбековдун былтыр 24-ноябрда болгон инаугурациясынан кийин Кылмыш-жаза кодексинин 228-беренеси менен ("Террорчулук жөнүндө... Читать дальше...

Казакстанда саясатчылар менен аткаминерлердин арасындагы аялдардын үлүшү 10 пайыздын гана тегерегинде. Жогорку кызматты ээлегендери андан да аз.

“Центерра Голд” ("Centerra Gold Inc.") компаниясы 2018-жылдын биринчи кварталында Кумтөр кенинен 116919 унций же 3 тонна 64 кг алтын өндүрдү. Бул тууралуу ишкананын жылдын биринчи чейреги үчүн берген отчетунда жарыяланды. Бул былтыркы жылдын ушул мөөнөтүнө караганда азыраак. Өндүрүмдүн аздыгын компания Сары-Төр участкасында курамында алтын азыраак камтылган казылмалар табылганы менен түшүндүрөт. Мындан ишкана 153 млн. доллар киреше тапты. Ошондой эле компания жылдын башынан бери 1,97 млрд. сом... Читать дальше...

Токтогул районундагы “Нарын ГЭС” ачык акционердик коомунун 50дөй кызматкери 2014-жылдан бери айлык акысын толук ала албай келгенин айтып, 15-майда нааразылык акциясына чыгышты. Алардын бири Эркин Суванкулов мекемеде 1997-жылдан бери иштеп келгенин айтып, жумушчулардын алды 500 миң сом, аркасы 100 миңге чейин аласасы бар экенин билдирди:  - “Нарын ГЭС” ишканасы салыкка сегиз миллион сом, электрге 40 миллион сомдой карыз экен. Кыштан бери үч жолу митинг уюштурдук. Каракөл шаарынын депутаттары менен да жолуктук, бирок эч майнап чыккан жок. Читать дальше...

Ак-Талаа районундагы төрт айыл жана Казарман району байланышсыз калды. Анткени бул айылдарга каттаган жолго салынган Казарман Акталчат унаа жолундагы көпүрөнү суу жууп кетти.

Ооганстандын батышындагы Фарах провинциясында «Талибан» кыймылынын жоочуларынын кол салуусунан ондогон киши курман болду. Бул тууралуу жергиликтүү бийлик өкүлдөрү кабарлашты. Алардын маалыматына караганда, Иран менен чектеш аймакта жайгашкан провинцияда 15-майга караган түнү талибдер бир катар текшерүү-өткөрмө бекеттерин басып алып, коопсуздук күчтөрү менен согушкерлердин ортосунда айыгышкан кагылышуулар болгон. Бул тууралуу аймактык кеңештин башчысы Фаред Бахтавер кабарлады. Ал ооган армиясынын 30дай аскери өлтүрүлгөнүн кошумчалады. Читать дальше...

WEF уюмунун Global лигасында кыздар биринчи жолу кармашкан.

Гавайи аралынын бийлиги эки жумадан бери тынбай атылып жаткан Килауэа жанар тоосунан улам миңдеген тургундарды коопсуз жайларга көчүрүүнү караштырып жатат. Соңку маалыматка ылайык, жанар тоодон агылган ысык лава бери дегенде 40тай үйдү кыйраткан. Автожолдордо жаракалар көбөйдү. Ушундан улам тургундарды көчүрүү кыйынчылык жаратышы мүмкүн экени да айтылууда. Өткөн аптада Леилани-Эстейтс аймагынан эки миңден ашуун киши чыгарылган.  Кошмо Штаттардын Геология кызматы кабарлагандай, учурда жанар тоодогу 20дай жаракадан лава агып жатат. Читать дальше...

Лейлекте селден зыян тарткан айылдарда утурумдук жол каттамдары ачылды. Мындай маалыматты өкмөттүн Баткен облусундагы өкүлчүлүгү 15-майда “Азаттыкка” билдирди. 13-май күнү кечке жуук жүргөн селден Лейлек району тарткан чыгым эсептелип жатат. Жол каттамдары, электр энергиясы, таза суу жок калган айылдарга утурумдук жол каттамдары ачылып, электр зымдары тартылып бүттү. Учурда ондон ашык атайын техника сугат суу жеткирүүчү, ички чарбалык каналдарды тазалоо иштерин жүрүзүп жатат. Баштапкы эсеп боюнча селден 27 менчик үйгө... Читать дальше...

Кыргызстандын Аалымдар кеңешинин чечими менен 17-май Орозонун алгачкы күнү катары белгиленди. Бул тууралуу Кыргызстан мусулмандар дин башкармалыгынын адиси Орозали Адыраков “Азаттыкка” билдирди. 16-майдан 17-майга караган түнү саат 3:34 ооз бекилет. Анын айтымында, айдын жаңырышына жараша ыйык Рамазан айынын алгачкы күнү бир күн эрте да башталышы мүмкүн.

Жогорку Кеңеште балдарды жаштайынан өнүктүрүүгө байланыштуу атайын комитет түзүш керек. Бул тууралуу Кыргызстандын экс-президенти Роза Отунбаева мектепке чейинки балдарды өнүктүрүүгө багытталган Бишкектеги улуттук форумда билдирди. - Балдарды жаштайынан өнүктүрүү маселесин мамлекет негизги багыт катары карашы керек. Жакырчылыкты жоюунун бир жолу - балдарды эрте куракта, мектепке чейинки убакта өнүктүрүү болуп эсептелет. Учурда балдардын 30 пайызы гана бала бакчага барат,-деди Отунбаева. Мектепке... Читать дальше...

Бүгүн Кыргызстандын мектеп бүтүрүүчүлөрү жалпы республикалык тест тапшыра башташты. Бул тууралуу “Азаттыкка” Билим берүү жана илим министрлигинин билимди баалоо жана окутуу усулдары борборунун басма сөз өкүлү Чынара Батыракеева билдирди. Анын айтымында, тестке негизги каттоо 2018-жылдын 15-февралынан 6-апрелине чейин жүргөн. Ал аралыкта 42491 бүтүрүүчү катталып, азыр алар тест тапшырып жатышат. Тест эки этапта болот. Биринчи күнү бүтүрүүчүлөр жалпы тест тапшырышса, эртең алар предметтик тесттерди тапшырышат. Читать дальше...

Каракол шаарындагы №35 жол иштетүү башкармалыгынын (ЖИБ) жооптуу кызматкерлери жолду оңдоого бөлүнгөн акчаны мыйзамсыз иштетип жибергени аныкталды. Бул тууралуу Башкы прокуратуранын басма сөз кызматы билдирди. Анда айтылгандай, Транспорт жана жолдор министрлигине караштуу бул Караколдогу ишкана 2017-жылы шаардагы көчөлөрдүн бирин оңдоого мамлекеттик бюджеттин эсебинен 25 млн. 299 миң сомдук тендер жарыялаган. Анын жыйынтыгында сынак комиссиясы эң аз, 20 млн. 877 миң сомдук кызмат сунуш кылган “З.П.”... Читать дальше...

Кыргызстанда саясий куугунтук жана "саясий туткундар" боюнча маселе күн тартибине чыкты. Мурдагы президент Алмзабек Атамбаевге оппозициядагы күчтөр "саясий туткундарга" боштондук берүү талабы менен форум өткөрсө, Атамбаевдин үзөңгүлөштөрүнүн бири Сапар Исаков саясий куугунтук башталганын жарыялады. Саясий чөйрөдөгү мындай кырдаал эмнеден кабар берет? Талкууга Жогорку Кеңештин мурдагы депутаты Равшан Жээнбеков, мурдагы элчи, публицист Кубан Мамбеталиев, “Сереп” иликтөө институтунун директору Искендер... Читать дальше...

Президенттик аппараттын соттук реформа жана мыйзамдуулук бөлүмүнүн башчысы Манасбек Арабаев кызматынан бошотулду. Бул тууралуу жарлыкка президент Сооронбай Жээнбеков кол койду. Президенттик аппараттын маалыматтык саясат бөлүмү кабарлагандай, Арабаев ээлеген кызматынан “Мамлекеттик жарандык кызмат жана муниципалдык кызмат жөнүндө” мыйзамдын 47-беренесинин 3-бөлүгүнүн 2-пунктунун негизинде бошотулду.  Буга чейин Манасбек Арабаев бир катар соттук иштерге киришери басма сөздө айтылып келген. Мурдагы... Читать дальше...

"Булан" институту жарыялаган баяндамада Кыргыз Республикасынын мугалимдеринин айлыгы 2011-жылдан бери эки жолу көтөрүлгөнү менен алардын абалы оор экени, аларга каралган социалдык кепилдиктер мамлекет тарабынан аткарылбай келгени айтылат. Баяндамада мугалимдердин маянасы кандайча эсептелери чечмеленген. Изилдөө учурунда суроолорго жооп берген көпчүлүк мугалимдер айлык жогорулап, бирок кайра эки ай ичинде эле кескин азайып калганын, айлыктын өлчөмүндө анча өзгөрүү болбогонун баса белгилешет. “Биринчиден... Читать дальше...

Туруктуу элдик кеңеш 14-майда Бишкекте жыйын өткөрдү. Бул тууралуу Туруктуу элдик кеңештин төрагасы, мурдагы башкы прокурор Азимбек Бекназаров “Азаттыкка” билдирди. Анын айтымында, жыйында Баш мыйзамды өзгөртүү боюнча референдум өткөрүү талабы айтылды. Негизинен, үч сунуш - Элдик курултай институтун бийликти көзөмөлдөөчү орган катары бекитүү, Жогорку Кеңеш депутаттарын шайлоону өзгөртүү, сот системасын жакшыртуу маселесин Конституцияга киргизүү боюнча иш-аракеттерди көрүү чечими кабыл алынды.  - Биринчиси... Читать дальше...

Дүйшөмбүдө Иерусалимде Кошмо Штаттардын элчилиги расмий ачылды. Ачылыш аземин утурлай Газа тилкесиндеги кагылышуудан кеминде 51 палестиналык жаран мерт болгону кабарланды. Израил армиясынын огунан жараат алгандардын саны миңден ашканын жергиликтүү бийлик өкүлдөрү маалымдашты.

Кубанычбек Кулматовдун Мамлекеттик бажы кызматынын жетекчисинин кызматынан кеткен себеби бүдөмүк бойдон калды.

Жардам чогултуу жана аны Тажикстандагы кыргыздар көп жашаган Жерге-Тал жана Мургаб райондоруна жеткирүү боюнча уюштуруу тобу түзүлгөн. Анын курамына ишкерлер, журналисттер кирген. Уюштуруу тобунун мүчөсү, журналист Жолдош Турдубаев билдиргендей, негизинен Тажикстандагы кыргыздар билим алган мектептерге жардам бериш үчүн китеп жана башка окуу куралдары топтолду. 10-15 кишиден турган топ Тажикстанга бүгүн жол тартат.  (NT)

Жалал-Абад облусунун Аксы районундагы Ак-Жол, Райкомол, Кечүү, Тегене айылдарында селден ички чарбалык автожолдор зыянга учурады. Өзгөчө кырдаалдар министрлиги билдиргендей, бул айылдарда 100гө жакын үйдүн короолорун суу каптады. Кош-Дөбө айыл аймагындагы Мундуз-Сай дарыясынан да суу ашып, Атала айылында 20 үйдүн короолоруна кирген. Азыр Өзгөчө кырдаалдар министрлигинин райондук ыкчам тобу менен жарандык коргонуу комиссиясы сел болгон аймакта тактоо иштерин жүргүзүүдө. Кыргызстанда 12-майдан бери катуу жаан жаап жатат. Читать дальше...