Новости за 11.05.2018

Кикбокс боюнча чоңдор арасындагы Азия чемпионаты 8-11-май күндөрү Ысык-Көл облусунун Чолпон-Ата шаарында өттү. Ага 14 өлкөнүн 200дөй спортчусу катышты. Кыргызстандын намысын 40тан ашык кикбоксчу коргоду.

Биринчи орунду 59 медаль Иран ээледи.

Жогорку Кеңеш кечээ ТЭЦти модернизациялоо долбоорун иликтеген депутаттык комиссиянын чыгарган корутундусун карашты. Анда Бишкек Жылуулук электр борборун жаңылоо келишимине байланыштуу ага кол койгон бардык министрлердин, ТВЕА компаниясынын чакыруусу менен Кытайга барган депутаттардын ишине саясий баа берүү, укуктук жоопкерчилигин кароо маселеси кабыргасынан коюлуп, тиешелүү аткаминерлер парламентке чакыртылды. Белгилей кетсек, депутаттык комиссия Кытайдын ТВЕА компаниясы менен сүйлөшүү […]

Көзү азиз активист Темирлан Ормуков бүгүн абактан чыкты. Бул тууралуу жарандык активисттер билдиришти.  Темирлан Ормуков 29-мартта Бишкек шаардык ички иштер башкармалыгына чакырылып, камакка алынганы жатканда ичин устара менен тилип жиберген. Ал мындай кадамга өзүн куугунтуктоого каршылык иретинде барганын билдирген. Кийин ал “Кыргыз темир жолу” ишканасынын атайын ооруканасынын кардиология бөлүмүнө жеткирилген. Бишкек шаардык ички иштер башкармалыгынын кызматкерлери 5-апрелде аны ооруканада жаткан жеринен колуна кишен салып алып кетип... Читать дальше...

КРдин Волейбол федерациясынын мүчөсү, курама команданын чабуулчусу Талгат Чалмашбеков оюндун жүрүшүндө балдар жакшы ачыла албай койгондугун айтты.

Ысык-Көл райондук аймактык оорукананын инфекциялык бөлүмүнө уулануу белгилери менен кайрылган 24 кишинин он алтысы бейтапканадан чыга элек. Алардын абалдары канааттандыраарлык. Саламаттык сактоо министрлиги билдиргендей, ооруканадан чыгарылган сегиз кишинин жетөө Иран, Ирак, Бириккен Араб Эмирлигинен келген спортчулар, бирөө "Аврора" санаторийинин кызматкери.    Ууланууга байланыштуу Ысык-Көл аймактык ооруканасынын башкы дарыгерине, санаторийдин директору баштаган жооптуу кызматкерлерге айыппул салынды. Читать дальше...

WEF уюмунун оор салмактагы чемпиону Тилек Жээнбеков максаты UFC уюмунда Орто Азиядагы эркектерден биринчи болуп күч сынашуу экенин айтты.

КРдин волейбол федерациясынын башкы катчысы Кылыч Сарбагышев командага атайын жаш балдар кошулгандыгын айтты.

Коомдук ишмер Рустам Маманов менен ишкер Рустам Воиновдун кармалышынын чоо-жайы ачык айтылбай жатат.

Кыргызстандык Назгүл Аилчинова Орусиянын ТНТ каналындагы "Comedy баттл" берүүсүнө катышып, жарым финалына өттү. Назгүл Аилчинова Бишкектеги стендаперлер арасындагы жалгыз аял, үч баланын энеси. Ал "Comedy баттл" күйөөсү, балдары, үй оокаты, аял түйшүгү тууралуу тамаша жазып, юмор ышкыбоздоруна тартуулайт.

"Азаттык+" прграммасынын бул жолку чыгарылышы ийгиликтүү жаш ишкерлерге арналат. Алар бизнестерин 14 жашында башташкан. 20 жашында болсо "биринчи миллион" сомун табышкан. Алар тобокелчиликке баруудан коркушкан эмес. Ар бир жеңилүү аларды кайра чыйралткан. Алар кыялданып гана тим болбостон, ошол кыялдарын ишке ашыруунун жолун мыкты билишет. Алар бир нече ишкана ачып , көптөгөн адамдарды иш менен камсыз кылган. Алар мунун баарына кантип жетишти? Алар кимдер? Биздин программадан көрүңүздөр.

АКШ жана Түндүк Корея лидерлеринин “тарыхый” деп мүнөздөлгөн жолугушуусу келерки айда Сингапурда өтө турган болду. Малайзияда 92 жаштагы Махатхир Мухамад 15 жылдан кийин кайрадан премьер-министр болуп бекитилди. Орусиянын президенти Владимир Путин режиссер Кирилл Серебренниковду бошотуп, Канн кинофестивалине барууга мүмкүнчүлүк берүү чакырыктарын четке какты.

WEF уюмунун вице-президенти Эмил Токтогонов алардын максаты келечектүү мушкерлердин эл аралык аренага чыгуусуна көмөктөшүү экендигин айтты.

Кыргызстандын экс-президенти Роза Отунбаева Малайзиядагы акыркы бийлик алмашуу боюнча “Азаттыкка” маек курду. Ал 92 жаштагы Махатхир Мохамаддын бийлик башына келишин жалпы дүйнө үчүн сабак алчу окуя катары баалап, өз байкоолору менен бөлүштү. Ошондой эле Кыргызстандагы акыркы коомдук саясий абал боюнча пикирин билдирди.

Кыргызстандык балбан Бакдаулет Эгембердиев ушул күндөрү Өзбекстандын Ташкент шаарында өтүп жаткан спорттук күрөш боюнча уландар жана кыздар (кадеттер) арасындагы Азия чемпионатында алтын байге үчүн күрөшөт. "Биргелешкен күрөш дүйнөсү" (UWW) уюмунун расмий сайтындагы маалыматка таянсак бүгүн, 11-майда грек-рим күрөшүнөн жана кыздар арасында эркин күрөштөн бештен салмакта байгелер ойнотулду. Бакдаулет Эгембердиев грек-рим күрөшүнөн 65 килограммга чейинки салмакта күч сынашып, чейрек финалда түштүк кореялык Минвуук Ванды 9:2... Читать дальше...

Жалал-Абаддын Кара-Көл шаарынын тургуну Токтакан Чокоева эки бутунан ажыраганына карабай мугалимдик кесибин таштаган эмес. Акыркы 10 жылдан бери үйүндө окуучуларга кол өнөрчүлүк боюнча сабак өтүп келет. Эжейдин билимканасы жана бир күндүк жумушу менен кабарчыбыз Руслан Калматов таанышып келди.

Өзбек бийлиги өлкөдө студенттерди жана бюджеттик ишканаларда эмгектенгендерди мажбурлап ишке салууну азайтууга буйрук берди.  Дүйнөдөгү эң көп пахта өндүргөн өлкөлөрдүн бири болуп эсептелген Өзбекстанда мажбурлап ишке салууну токтотуу үчүн эл аралык коомчулуктун басымы 2015-жылдан бери уланып келатат.   10-майда өзбек өкмөтү мамлекеттик мекемелерде иштегендерди, мугалимдерди, дарыгерлерди жана студенттерди көчө тазалоого же пахта терүүгө салууну токтотуу жөнүндө буйрук чыгарды. Ошондой эле... Читать дальше...

Балыкчы-Чолпон-Ата-Каракол автожолунун Бактуу-Долоноту айылынан Корумду айылына чейинки бөлүгү 12-майда саат 9:00дөн 16:00гө чейин жети саатка жабылат. Жол кыймыл коопсуздугун камсыздоо башкармалыгынын  маалыматына караганда, жол кыймылын чектөө "Run the Silk Road" эл аралык марафону менен байланыштуу. Мекеме элге бул убакта Балыкчы-Бөкөнбаев-Каракол жолу менен каттап турууну сунуш кылды.  12-майда Ысык-Көлдө жөө жүлүк Сатымкул Жуманазаровдун элесине арналган эл аралык жетинчи марафон өтөт. Ага... Читать дальше...

АКШ менен Түндүк Кореянын лидерлеринин “тарыхый” деп мүнөздөлгөн жолугушуусу келерки айда Сингапурда өтө турган болду. Саммитти утурлай Вашингтон Пхеньяндын камагынан өзүнүн үч жаранын бошотууга жетишти. АКШ өзү жана Түндүк Кореянын жакынкы коңшулары да алдыдагы саммит Корей жарым аралынын өзөктүк куралдан арылышына алып барат деп үмүт артууда.

Кыргызстанда 12-майдан тартып 16-майга чейин туруксуз аба ырайы күтүлөт.   12-майда түнкүсүн жаан-чачын болбойт. Күндүз Чүй, Талас, Ош, Жалал-Абад, Баткен облустарында жаан жаап, күн күркүрөйт, бийик тоолуу райондорго кар жаайт. Ысык-Көл, Нарын облустарында жаан-чачын жок. Батыштан соккон шамалдын ылдамдыгы секундуна 4-9 метрден, күндүз Чүй, Талас жана Нарын облустарында 17-22 метрге жетет. Абанын температурасы:  Чүй өрөөнүндө түнкүсүн 14...19, күндүз 22...27; Таласта түнкүсүн 14...19... Читать дальше...

Мамлекеттик бажы кызматынын жетекчиси Кубанычбек Кулматов Улуттук коопсуздук боюнча мамлекеттик комитетке (УКМК) эки жарым сааттан ашык сурак берип чыкты. Сурактан кийин ал журналисттерге атайын кызмат кайсы маселе боюнча чакырганын айтып берди:  - Суроо мен Бишкек мэри болуп иштеп турган кезде TBEA компаниясы мектеп курулушу үчүн берген гранттык каражатты кымырууга байланыштуу болду. Ушул гана суроо. Биз ТВЕА​ компаниясынын грантына Калыс-Ордо жаңы конушунда мектеп курдук. Бүт баары мыйзамдуу болгон, мектеп турат. Читать дальше...

Вашингтон Иранга каршы санкцияларды кеңейтти. Тиешелүү документ АКШнын Финансы министрлигинин сайтына жарыяланды. Тизмеге Ислам революциясынын сакчылары корпусуна тиешеси бар алты киши жана үч компания киргизилген. Кошмо Штаттардын президенти Дональд Трамп Вашингтон Тегерандын өзөктүк программасы боюнча эл аралык көп тараптуу келишимден чыгаарын жарыялоо менен бирге Иранга каршы экономикалык санкциялар жаңыланарын эскерткен. Ал тапта Ак үйдүн расмий өкүлдөрү Трамптын чечимине карабай Вашингтон... Читать дальше...

Ашхабадда "Эркин Европа/Азаттык" радиосунун түркмөн кызматынын кабарчысы Солтан Ачиловага дагы бир жолу кол салуу болду. 9-майда 68 жаштагы Ачилова борбор шаардын четиндеги өчпөс отко гүл коюу салтанатын сүрөткө тартканы барганда кара костюмчан төрт киши аны кармап, сүрөттөрдүн бардыгын жок кылууну талап кылган. Болбосо "баңгизат сатып алганы" үчүн кармашаарын айтып коркутушкан. Кабарчы баш тартканда, камерасын күчкө салып тартып алып, сүрөттөрдү жок кылышкан. Журналистти эки сааттай кармап, "Азатлык"... Читать дальше...

Кыргызстандын дарыканаларында онкологиялык дартка чалдыккандарга айрым дарылар рецепти жок сатылары атайын жыйында айтылды.

КСДП партиясы 11-майда мурдагы премьер-министр Сапар Исаковдун Бишкек Жылуулук электр борборуна (ЖЭБ) байланышкан чуу боюнча комментарийин таратты.  Анда Исаков "парламенттеги кечээги талкуу - элди адаштыруу жана ЖЭБдеги авариянын чыныгы күнөөкөрлөрүнүн жоопкерчиликтен качуу аракети" деп билдирген. ​Мындан тышкары ал быйыл январдагы авария үчүн ЖЭБдин ошол кездеги директору Нурлан Өмүркул уулунан тартып Сооронбай Жээнбеков жана өзү да жооп бериши керек деп эсептейт.  - Мен билип туруп эле авария учурунда Сооронбай Шариповичти коргодум. Читать дальше...