Новости за 08.05.2018

Өкмөт бейтапканалардагы кезек күтүүлөр көйгөйүн чечүү үчүн “электрондук кезек” долбоорун ишке ашырууда. Бул тууралуу “Азаттык” радиосуна вице-премьер-министр Алтынай Өмүрбекова билдирди. Учурда Бишкектин №8 бейтапканасында пилоттук программа ишке ашырылап жатат. Доктурга электрондук каттоо аркылуу белгиленген убакытта тоскоолдуксуз кирүү шартын түзүү үчүн электрондук каттоо долбоору андан кийин Ысык-Көл облусунун үч районунда иштей баштайт. Тажрыйба ийгиликтүү өтсө бардык республикага жайылтылат. Читать дальше...

Кыргызстанда Улуу Жеңиш күнүнө арналган иш-чаралар жүрүп жатат. Эртең Бишкекте “Өлбөс полк” жөө жүрүшү өтөт. Шаардык милиция бул иш-чарага катышуу үчүн келгендердин баары тыкыр текшерүүдөн өтөөрүн билдирди. Бул күнү борбор калаадагы айрым көчөлөр убактылуу жабык болот. Эмгек жана социалдык өнүктүрүү министрлигинин маалыматына караганда, бүгүнкү күндө Кыргызстанда согуш ардагерлеринин саны 475 адамды түзөт. Алардын 128 майыптар, 299у катышуучулар. (RK)

Борбордук мамлекеттик архив Жеңиш күнүн утурлай “Фронттон келген каттар” деп аталган виртуалдык көргөзмөсүн жаңы экспонаттар менен толуктады. Мекеменин маалыматына караганда, согуштун катышуучуларынын мамлекеттик архивде сакталып жаткан, өз колу менен жазган каттары коюлду. Маселен, ал жерден Советтер Союзунун баатыры Дайыр Асановдун, Эл акыны, жазуучу Аалы Токомбаевдин каттарын көрсө болот. Бул виртуалдык ресурс 2015-жылы түзүлгөн. (RK)

Владимир Путин Орусия президенттигине кезектеги алты жылдык мөөнөткө расмий киришип «элге кызмат кылуу» менен «улуу жеңиштердин жана эрдиктердин өлкөсүндө жашоону жакшыртуу үчүн аракетимди уланта берем" деп билдирди. Инаугурация салатаны кечээ Кремлде өттү. Быйыл 18-марттагы шайлоодо Путин шайлоочулардын 76,69% добушун алган. 65 жаштагы Путин 1999-жылы бийлик башына келген. 5-майда Орусиянын он чакты шаарында “Ал бизге падыша эмес” аттуу нааразылык акциялары өтүп, кармалган адамдардын саны 1600дөн ашканы жарыяланды. Читать дальше...