ცნობილია ევრო 2020-ზე საქართველოს ნაკრების პოტენციურ მეტოქეთა ვინაობა
საქართველოს ეროვნული საფეხბურთო ნაკრები ევროპის 2020 წლის ჩემპიონატის ფინალურ ეტაპზე გასვლის შემთხვევაში C ჯგუფში მოხვდება და ჰოლანდიის, უკრაინისა და ავსტრიის ნაკრებებს დაუპირისპირდება. ევროპირველობის ფინალური ეტაპის წილისყრა ბუქარესტში დღეს გაიმართა და ჯგუფებიც თითქმის სრულად დაკომპლექტდა. ტურნირის მონაწილე ოცდაოთხი ნაკრებიდან ოცის ვინაობა უკვე ცნობილია, დარჩენილი ოთხი საგზურისთვის ბრძოლა კი უეფას ერთა ლიგის ოთხ დივიზიონში გრძელდება. საქართველოს ნაკრები D დივიზიონის ნახევარფინალშია და 2020 წლის 26 მარტს ბელორუსიის ნაკრებს უმასპინძლებს. Читать дальше...