Kiev метта Kyiv яздан сацам бина Iамерко
Цунах лаьцна шен фейсбукерчу агIонехь хаам бина Украинин Вашингтонерчу векалалло. Цу хаамехь билгадоккхуш ду, цу хьокъехь дехар дина хилар Украинин векло Чалый Валерийс. И сацам ницкъ болуш хир бу Мангалан-беттан 17-чохь дуьйна.
Цул тIаьхьа хийцадала мега Украинин коьртачу гIалан цIе язъяр Iамеркехь санна йозанаш яздар бухе диллинчу вовшахтохараллашкахь а. Ша аьлча, юьйцурш йолчух тера ду дуьненаюкъара аэропорташ.
Украино дехар динера кхечу пачхьалкхашкарчу дуьненаюкъарчу вовшахтохараллашка а, пачхьалкхашка а шайн меттанашкахь украинахой меттан фонетика лелор, оьрсийн меттаца йоьзнарг а ца лелош. Ингалсан матахь и компани дIахьош ю #KyivNotKiev аьлла.