Новости за 18.03.2019

Шеларчу кхело Титиев Оюбана 4 шо тоьхна колонехь (колония-поселение) даккха, цо талламан изоляторехь яьккхина хан чоьте а оьцуш. "Мемориалан" Нохчийчуьрчу декъан куьйгалхо бехке вина наркотикаш лелорна. Прокуроро дехнера Титиевна 4 шо колонехь даккха хан а, гIуда а тохар. Бакъонашларъярхочуьнан адвокато Дубровина Маринас суьдехь хиллачу пренешкахь билгалдаьккхара, Титиевн наркотикашца цхьа а юкъаметтигаш ца хилар.

Осмаев Адам – Кадыров Ахьмадца хиллачу хийцамах а, нохчаша Маршо къуьйсуш схьабохьучу новкъах а Украинерчу нохчийн тIемалойн-лаамхойн буьйранчина Осмаев Адамна масех кIело йина кху шерашкахь. Ши шо хьалха йийра цуьнан хIусамнана Окуева Амина. Цо шен тергонехь кхобу блогеран Абдурахманов Тумсонний, "кадыровхойнний" онлайн-дебаташ. "Кавказ.Реалица" къамелдеш Осмаевс дийцира, стенна емалво ша Кадыров Ахьмад, хIунда тоьлу Путин Владимир Кадыров Рамзанал. Къам доьхкинчех а, турпалхойх а –​ Ичкерин агIор лаьттачу хьоьга хаттар нийса дацахь а... Читать дальше...

Оьшу я ца оьшу Къилбаседа Кавказехь блокпосташ латто? Дийцаредо и хаттар тахана а. Оцу хьокъехь шена хетарг довзийтина деношкахь Нохчийчоьнан Юкъараллин палатин куьйгалхочо Денильханов ИсмаьIала. Некъаш тIехь ницкъхоша дечу зераша нах сийсазбо, боху цо. Масал далош ша хьахийначу Черменерчу блокпостах "низамах маьрша территори" аьлла цо. Некъа тIехь латточу хаша тIебаьхкинчу нехан бIаьргаш чохь эрчайоккху регион, новкъарло йо Къилбаседа Кавказах юкъара туризман кластер ян, аьлла Денильхановс. "Харцонна тIекарло йийраш" бу... Читать дальше...

50 стаг а вуьйш, маьждигашна тIелатаро Iадийна Керла Зеланди меттайогIуш ю. Бухарчу маори къоман ламастехь долу хака-хелхар дира студенташа.

Нохчийчуьрчу вахархочо 15 эзар сом лачкъйна Камчаткерчу яхархочуьнан картана тIера, хаам бо Kam24 сайто. Цу зудчо дийцарехь, цуьнга банкера ву ша аьлла телафон тоьхна хилла цхьана стага, картан реквизиташ а хоттуш. Зудчо уьш дIаелла. Цул тIаьхьа цу тIера дIадаьлла 15 эзар сом. Телефонан номер хилла Нохчийчуьра. Хилларг бахьана долуш, таллам дIахьош ю Оьрсийчоьнан талламан комитетан Камчаткехула йолу урхалла. Бехктакхаман гIуллакх долийна бозбунчалла лелийна аьлла.

Оьрсийчоьно Украинерчу ГIирмина аннекси йина де даздира. Кремло иза яр а, Донбассера сепаратисташ тIекIабар а бахьанехь Малхбалено тоьхна санкцеш ловш ду Оьрсийчоьнан халкъ. Амма и де даздеш дара Оьрсийчуьра Iедал. Цуьнан декъахь яра кIирандийнахь Соьлж-ГIала а.

Цхьана баттахь -- Чиллан-беттан 16-чохь дуьйна Зазадоккху-беттан 15-чу дийне кхаччалц -- 23 машенаш ечу компанино Оьрсийчохь хийцина шайн моделийн мехаш. Цунах лаьцна хаам бо «Цена Авто» сайтан аналитикаш. Царах дукхачара тIетоьхна шаьш Оьрсийчохь юхкучу машенийн мехаш. Уггар алсам мах хьалабаьккхина шен цхьайолчу моделашна Audi-но (А4, А4 Avant, А5, А5 Sportback) – 180 - 217 эзар сом. Уггар лахара мах тIетоьхнарг ю Renault – 14 эзар сом.

Оьрсчийчохь долу федералан некъаш блокпостех маьрша хила деза аьлла, дIахьедар дина Оьрсийчоьнан а, Нохчийчоьнан а Юкъараллин Чоьнийн декъашхочо Солтаев Мансура. Къилбаседа Кавказерчу регионашна юкъара блокпосташ дIаяха еза аьлла хета цунна. Нагахь цхьа кхерам бу аьлла шайна хетахь, республикаша ГАИ-н посташ хIитто мегар ду шайн дозанехь, амма федералан трассаш маьрша хила деза, боху Солтаевс. Хьалхо цу тайппа дIахьедар динера Нохчийчоьнан куьйгалхочо Кадыров Рамзана. Республикехь туризм кхиарна новкъарло бохура Кадыровс... Читать дальше...

EA2 цIе йолу йоккха астероид уллехула ера ю Лаьттана 300-304 эзар километар гергахь, хаам бо ТАСС. И юкъ йоца ю Лаьттана а, Баттана а юкъахь йолчул а. Цунах лаьцна хаам бина Iамеркерчу NASA-ан стигалара дакъош толлучу центро (Пасадена, Калифорния штат). Цу центран сайтана тIехь билгалдоккхуш ду астероид 18-40 метр шуьйра хилар. Латтана тIейогIучу цуьнан чехкалла ю 5 километр секундехь. Вайн планетана улле йогIур ю астероид кху беттан 22-чу дийнахь 8 сахьт 53 минот яьлча. Дагадоуьйту Лаьттана а, Беттана а юкъахь 384 эзар километр юкъ хилар. Читать дальше...

"Мемориалан" Соьлж-ГIаларчу декъан куьйгалхо Титиев Оюб дIакхачийна Шеларчу гIалин кхеле. Цигахь дIакхайкхош бу цуьнан гIуллакхехула болу сацам. Прокуроро дехна Титиевна 4 шо колонехь даккха хан а, гIуда тохар. Бакъонашларъярхочуьнан адвокато Дубровина Маринас суьдехь хиллачу пренешкахь билгалдаьккхира, Титиевн наркотикашца цхьа а юкъаметтигаш ца хилар.

Керлачу Зеландера Крайстчёрч гIалахь терроран тIелатар дарна кхело бехккховдийнарг, цкъачунна болчу хаамца, ша цхьаъ хилла и зулам динарг. Иштта хаам баржийна полицино. Цуьнца цхьаьна хилла аьлла шеко йолуш лаьцна хилла кхин а кхо стаг, дакъалоцуш ца хилла адамаш дайарехь. Шина маьждигехь 50 стаг вийна терроран тIелатардинарг кхелана хьалха хIоттийна шотдийнахь. 28 шо долу Австралин махкахочунна Таррант Брентонна ха деш вара герзаца волу ши полисхо. Кхелехь цуьнга адамаш дайарна бехк кховдийра. Читать дальше...

Шеларчу кхелехь, ладегIарехь, кхел кхайкхор ю Титиев Оюбан гIуллакхехула. "Мемориалан" Нохчийчуьрчу декъан куьйгалхо бехке веш ву наркотикаш лелорна. Прокуроро дехна Титиевна 4 шо колонехь даккха хан а, гIуда тохар. Бакъонашларъярхочуьнан адвокато Дубровина Маринас суьдехь хиллачу пренешкахь билгалдаьккхира, Титиевн наркотикашца цхьа а юкъаметтигаш ца хилар.