Новости за 09.03.2019

БIаьргаш Iовжон газ а хецна, шайн бакъонаш къовса арабевлла феминистхой дIасалаьхкина Туркойчоьнан полицино Истанбулехь. Туркойн зорбанаша бо цунах хаам. ХIора шарахь жигархоша акци дIахьочу коьртачу Истиклял урамна тIе вуьгу некъаш дIакъевлинера ши эзар сов полисхоша, чIагIдо бараман декъашхоша. Масех декъашхочун ка яьллера, дуьхьалонех чекхвала, амма полисхоша бIаьргаш Iовжон газ а хецна, къахкийра уьш а. Протестхоша дийцарехь, зударшна тIехь ницкъбар сацаде аьлла, кхайкхамаш бар а доцург,... Читать дальше...

Шелковск кIоштарчу Парабоч эвлахь меттигера  вахархочуьнгара наркотикаш яьхна шаьш аьлла, хаамбина Нохчийчуьрчу Талламан Комитето. 55 шо долчу стеган дегIах хьоьвсича, цуьнан кисанара 120 грамм йозаллица, канабисан хьожа йолу тIоьрмиг баьккхина ницкъахоша. Кхи дIа талламаш беш бу лаьцначунна гонах, цуьнгара баьккхина тIоьрмиг экспертизе дIахьажийна.

Масех телеграм-канало, шайлахь "CHECHNYA" а, "Спросите у Расула" а йолуш, зорбане даьккхина талламчас Арсакаевс куьйгъяздина кехат бохуш, яздо "Кавказ Пост" интернет- гIирсо. Цу тIехь яздо, блогер Абдурахманов Тумсо, Шемахь тIеман дакъошца хиларх, объективе тоьшаллаш дац, оцу бахьанашца цунна дуьхьал айдина гIуллакх дижийтина аьлла. Телеграм-каналаша чIагIдарца, инстаграман онлайн-эфирехь Нохчийчоьнан парламентан спикеро Даудов Мохьмада гайтина и кехат-тоьшалла. Абдурахманов Тумсо гоьваьлла блогер ву. Читать дальше...

Оьрсийчоьнан къинхьегаман министралло таллам дIабаьхьна, муьлхачу корматалло таро ло катоьхна белхан меттиг карон. ХIотийначу рейтинган хьалхарчу могIарехь бу медицинан белхахой. Ишта министраллан зерашца, пачхьалкхехь лоьрийн къоьлла лаьтта. Царна тIаьхьа богIу гIишлошъярхой. Ишта оьшуш бу кхачанан, дечиг-пхьолин, кIади ден, бедарш тегаран белхахой. Электротехникан, электроникан говзанчашна а хала дац болх каро. ХIоттийначу тептаран кхоалгIачу меттигехь дIатарбелла хадархой. Ишта билгалдаьккхина талламчаша... Читать дальше...

КъахIирехь вайна лору гIалгIайн студент Дугиев Хизир карийна, ГIалгIайчоьнан омбудсмено Оздоев Джамбулата бинчу хаамца. Оьрсийн дипломаташкара кхаьчначу информацица, КъахIирерчу набахтехь латтош ву иза. Яхначу аьхкенан Марсхьокху-баттахь вайчхьана цхьана а кепара кост дацара цуьнгара. Цуьнца цхьана къайлаваьккхинера ГIалгIайчуьра кхин а виъ дешархо. Уьш берриш а Мисарарчу ал-Азхаран университетехь доьшуш хиллера. Мисаран я полицино а, я прокуратурано кегийрхойх жоп ца лора Оьрсийчоьнан официалан векалшна а... Читать дальше...