"Мемориалан" Нохчийчуьрчу декъан куьйгалхо Титиев Оюб лаьцна латтон хан яхъярца боьзна сацам нийса лаьрра Нохчийчоьнан Лаккхарчу кхело. Цу кепара суьдо тIечIагIбина Шелан гIалан кхело кху беттан 10-чу дийнахь бина сацам. Цуьнца а догIуш, Титиев талламан изоляторехь латтор ву кхин а 3 баттахь. Нохчийчуьра бакъоналаръярхо бехке веш ву боккхачу барамехь наркотикаш лелорна.
Парижехь, Венехь, Стокголмехь гуламаш хIиттийра Мисарахь лаьцначу 5 гIалгIайн студентна орцахбевлачу вайнаха.
Пономарева Аля Маршо Радио, оьрсийн сервис КIира ду Оьрсийчохь вевзаш волчу акхарой караIаморхочунна Запашный Эдгардний, миллиардерна Гуцериев Микаилний юкъа дов доьлла. Шина вешех ЗапашныйгIарех – Москох Йоккхачу циркан директор волчу Эдгарда – Кремлехь йоьдучу културан, искусствон кхеташонехь арз дира президенте Путине Гуцериев Микаилна. МаьIна иштта дара: Сколковохь, «Амфион» цIе а йолуш, концертан зал еш ву бизнесхо. Читать дальше...
Парижехь а, Венехь а, Стокголмехь а Мисаран векалаллашна хьалха митингаш вовшахтоьхна вайн наха, цу мехкан Iедалша лаьцна волу ГIалгIайчуьра 5 студент дIахецар доьхуш. КъахIире деша бахана гIалгIайн кегийрхой лецна латтош бу дIабаханчу баттахь дуьйна. ХIетахь дуьйнна уьш болу меттиг къайлаяьхьна ю аьлла, хаам бинера "Кавказский узеле" цу студентех цхьаьнан йишас. Студентийн кхоллам къасто Мисара бахана бу гергарнаш. Хьалхо Мисарахь лецна латтийна, маьршабаьхначу кегийчу наха дийцина хиллера, шаьш а... Читать дальше...
Челябинскан кIоштарчу Копейскехь суьде хьажийна Нохчийчуьрчу 4 талорхочунна дуьхьал толлуш хилла бехктакхаман гIуллакх. Уьш бехке беш бу меттигерчу вахархочуьнгара машен яккхарна. Талламхоша дийцарехь, герзаца хиллачу веа стаганна Чиллан-беттан 2-чохь ларамаза хезна хилла шен «Ниссан Либерти» машен йохка гIерташ волчу стага телефонехула къамел деш. Цунна тIе а бахана, машен эца лууш дара шаьш, муха йоьду хьажийта аьлла, юьстахваьккхина цара иза. Челябинскан кIоштан прокуроран гIоьнчо Мамаева Натальяс бинчу хааца... Читать дальше...
Бохам хилла «Астрахань-Элиста-Ставрополь» некъа тIехь дIадаханчу шотдийнахь. Болчу хаамца, «ВАЗ-21104» машен дуьхьалтоьхна «Мерседес» микроавтобусна. И бахьана долуш, Жигули чохь хилла 3 стаг циггахь вийна. Уьш берш некъахой бу. Кхин цхьа некъахо а, ВАЗ машенна урхалла деш хилла стаг а дIакхачийна дарбанан хIусаме. «Мерседесан» машенлелорхо, Нохчийчуьра вахархо ца лазош кIелхьарваьлла. Некъахьовзам хуьлуш микроавтобусна чохь некъахой ца хилла. Ставрополан мехкайистан некъан полицино къастош ду хилларг.
Оьрсийчоьнан президент хIотта я федералан урхаллан куьйгалхо хила план яц шен аьлла, дIахьедар дина Нохчийчоьнан куьйгалхочо Кадыров Рамзана. Оьрсийчоьнан Iедалехь ур-атталла уггаре гIийла федералан урхаллана куьйгалла дан тIегIанера стаг вац ша, аьлла цо "Москва 24" телеканалан эфирехь. Шен карьера регионан куьйгалхочуьнан даржехь дIаерзо лууш ву ша, боху Нохчийчоьнан куьйгалхочо. Кадыров Рамзан Нохчийн Республикана коьртехь ву 2007-чу шарахь дуьйна. Парламенто юха а цу даржехь тIечIагIвира иза 2011-чу шарахь а... Читать дальше...
Соьлж-ГIалара Джидде кема лелийтарх лаьцна хаттар дийцаре дина Нохчийчоьнан Iедалан декъашхоша а, СаIудийн Iаьрбийн Пачхьалкхан векалша а. Цуьнах лаьцна хаам бина Нохчийчоьнан куьйгалхочо Кадыров Рамзана. Шина а агIоно лаам гайтира Соьлж-ГIалана а, Джиддана а юкъахь кеман рейс схьаеллар хьокъехь, аьлла яздина Кадыровс "ВКонтакте". Цо дийцарехь, паччахьан цӀийнан администрацин хьехамча, принц СаIуд Турки коьртехь волу делегаци еанера Нохчийчу кIиранан дийнахь, СаIудийн паччахь хир волчу принца СаIуд Мохьммада дина омра кхочуш деш.
Мы не навязываем Вам своё видение, мы даём Вам объективный срез событий дня без цензуры и без купюр. Новости, какие они есть — онлайн (с поминутным архивом по всем городам и регионам России, Украины, Белоруссии и Абхазии).
123ru.net — живые новости в прямом эфире!
В любую минуту Вы можете добавить свою новость мгновенно — здесь.