Новости за 19.12.2018

Венехь лулара йоI йийна аьлла, бехкевинчу К. Робертан кхелан процесс йолаелла аьлла, хаамбо "Кавказ.Реалиин" корреспонденто. Леринчу полисхойн декъан белхахоша гоне а верзийна, гIагIанца чIагIдина духар а долуш кхеле хIоьттина вара ша кIант. Цунна тIелатар дарна кхоьру Iедалхой. ВорхI шо долу йоI ша йийна аьлла, тIелаьцна Роберта. Цо ма-дарра охьадийцина, Стигалкъекъа-беттан 11 чохь хиллачух. Цо бахарехь, Хадижат са чохь яцара, лулара Рафаэль цIе йолу кIант хIара волчу хьошалгIа веача. Хиллачух кхетта иза, кхеравеллера. Читать дальше...

Оьрсийчоьнан футболан юкъараллан президентан (РФС) дарж охьадиллина Мутко Виталийс. Организацин комитетан кхеташонехь бина и хаам. Керла президент хоржур ву карадогIучу шарахь Чиллан-беттан 22-чохь. ХIетталц президентан декхарш кхочушдийр ду Прядкин Сергейс, дуьйцу Чемпионат.com хьостано. ГIадужу-баттахь дийца даьккхира Мутко кхи дIа а цу даржехь вуьсур ву бохуш.  2005-чу шарера 2009-чу шаре кхаччалц а, цул тIаьхьа 2015-чу шарера 2017 шеран ГIуран бутт тIекхаччалц вара иза президент. Социалан машанашкахь видео яьржира... Читать дальше...

Туаев Мохьмад "Къийсалолаш оьрсийн къоман маршонехьа. Оьрсий маьрша хилахь, маьрша хир ду вай а" Гоьваьлла историк, яздархо, политолог, дерриг а шен дахарехь советан Iедалца къийсалуш ваьхна нохчо Авторханов Iабдурахьман кхелхина 18 шо даьлча, юха а, дихкина Оьрсийчоьно цуьнан "Кремлан импери: советийн колониализме боьду некъ" жайна арахеца а, деша а. Дехка сацам бинарг ю Мещанский кхел (Москох). Оцу хьокъехь "Кавказ.Реалиица" къамел динчу эксперташна гарехь, бехкам боьзна Дуьненан ШолгIа тIом... Читать дальше...

ГIалгIайчуьра схьаваьлла 39 шо долу Акиев Руслан бехке вац аьлла, сацамбина Киеверчу апелляцин кхело. Цунна бехкедиллинера бакъо йоцуш герз лелор. "Кавказ.Реалии" портале бина и хаам ша Акиевс. "Оцу цхьана артиклца бехк биллинера суна. ХIинца сан бехк цахилар тIечIагIдина", - аьлла цо. Адвокато Симоненко Златас а тIечIагIдина, Акиев бехказвоккхуш кхелахойн сацам хилар. 2017-чу шеран гурахь Днепровскан кхело герз лелийна аьлла, гIуллакх дуьхьал долийна, чохь латтон Акиев Киеверчу апелляцин кхело дIахийцира Дечкен-баттахь. Читать дальше...

Оршотдийнахь иттаннаш нохчийн а, гIалгIайн а студенташ лецна Оьрсийчоьнан пачхьалкхан геологин талламийн университетера полицино. ТIаьхьо дIахецна уьш. Полицино шайна гIело йина аьлла, даржийна кегийнаха.

Ноьвран-кIоштан кхело дуьхьало йина "Кавказский узел" агенталлан корреспондент хенал а хьалха набахтера арваккхар доьхуш, адвокато Мусаев Iалавдис чуделлачу дехарна. Гезгамашин-баттахь Ноьвран-кIоштарчу кхело сацам тIеэцнера тоьхначу хенал а хьалха Гериев аравоккхуш, ткъа республикерчу прокуроран гIовсо Душин Максима латкъаме диллинера и гIулакх. Лахьан-беттан 8-чохь Лакхарчу кхело юхатуьйхира Ноьвран-кIоштарчу кхелахойн сацам. Кхин дIа а кхелаца къийса Iалашо ю Гериев Жалавдин а, цуьнан адвокатан а. Читать дальше...

Шела кIоштан администрацин куьйгалхочун, Кадыров Рамзанан шичин Ибрагимов Турпал-Iелин карах кхо адам а дуьйш, некъан хьовзам хиллачул тIаьхьа низамаш ца лардечарна дуьхьал луьра таIзарш даха деза аьлла, дIахьедина Нохчийчоьнан урхалхочо Кадыров Рамзана. Маршо Радионо яздира, карарчу беттан юххьехь хиллачу некъан инцидентна тIе тергояхийтар дехарх Кадыровга бахархоша. Шинарийдийнахь кхеташо дIаяьхьира республикан урхалхочо некъан низамаш лардан дезарх а, адамаш гулделлачохь цIеяларан кхерамзалла лакхаяккхарх а дуьйцуш. Читать дальше...

Шела кIоштарчу 5-зза тIекIелдинчу цIа чохь цIе а яьлла, зудчунна чевнаш йина аьлла, хаамбина махкарчу орцан министралло. Урхаллан информацица, шинарин суьйранна Чири-Юьртарчу лоьмар 10 йолчу цIийнан кхолгIачу гIат тIехь кхерстина хилла и цIе. Цхьана эхасохьтехь цIе ерриг а дIаяйа аьтто баьлла орцанхойн, ягийна цхьа зуда аьлла бу республикерчу орцан министраллан сайт тIехь бина хаам. Дарбан цIийнехь Iуьллучу зудчуьнгара хьал хууш дац.

Масех шарахь Подмосковьехь машенашца курхаллаш, хьарамлонаш лелийначу тобанна тIехь кхелан процесс йолийна кхааридийнахь Балашихехь. 30 стаг хилла оцу тобанах дIакхетта. Царех кхаанна хенаш кхайкхийна. Кхин а 9 лехамашкахь ву. Кхеле хIоттийнарг 18 стаг ву. "Талламчийн хьесапашца, 2015-2016-чу а шерашкахь оцу зуламан тобано керла эцна езачух машенаш лечкъош хилла, - дуьйцу Талламан комитетан официалан векало Петренко Светланас. -  Москохан кIоштарчу автосалонашкахь а, лизинган компанешкара а машенаш кредитца схьа а оьцуш... Читать дальше...

Террорхошна ахчанца гIо латтош хилла аьлла, шеконашца ворхI стаг дIалаьцна Оьрсийчоьнан къайлахчу сервисаша. Банкан карташкахула 39 миллион сом дехьадаьккхина цара Шемахь тIемаш бечу "Исламан пачхьалкх" шех олучу тобанхойн чоьта тIе, хаамбина Талламан комитето. Москох а, ГIалгIайчохь а, Дагестанехь а, Нохчийчохь а уьш бехачу хIусамашкахь банкан картанаш а, информаци дIакхачон техникан гIирс а, экстремистийн литература а, кхийолу атрибутика а карийна. Уьш дIалоьцуш яьккхина видео Iораяьккхина Талламан комитето.

Талламан комитете Москохарчу полисхошна дуьхьал арз кечдеш бу ГIалгIайчуьра бахархой. Цхьа иск ницкъаллийн структурашка дIакхачийна цара хIинцале. Студентийн юкъарчу хIусамехь дIалоьцучу хенахь йиттинера царна дахначу оршотдийнахь. Цу дийнахь дIалаьцнарг 40 жимстаг хиллехь а, адвокате Хашиев Алихане дIаделлачу кехатна куьгяздинарг 13 ГIалгIайчоьнан вахархо бен вац. Жоьпалле озабар доьху цара полисхой. Хашиевс бахарехь, шайн йолчу бакъонел а тIехбевлла, харцонаш лелийна полисхоша кегийрхошца. Ишта цо чIагIдарехь... Читать дальше...

Венехь 7 шо долу нохчийн йоI Хадижат йийна К. Роберт кхетамчуьра ваьлла лерина, цуьнан могушаллина таллам бинчу психиатро Герстло Вернера. Бехкевечуьнца дуккха а къамелаш дина психиатро. Ша дечу зуламан духе кхуьуш ца хилла Роберт, хIунда аьлча, шизофрени олу лазар хилла цуьнца. ЙоIана тIе цо куьг дахьале хьалха а жимчу стеган могушаллица проблемаш хилар тидамза дуьсур дацара говзанчийн. Амма лоьрашкара кIентан дас-нанас гIо ца дехарна, тергамза висина хилла иза аьлла Герстлос. Кхечу лоьро-психиатро Хоффманн Петера бинчу талламашца дуьстича... Читать дальше...