Новости за 03.12.2018

Хетарехь Нохчийчуьрчу Ойсхара эвланна тIехула хилла эккхийтар, дуьйцу меттигерчу бахархоша, яздо "Кавказан узел" агенталло. Telegram-канал ChechnyaNews хьостано Iораяьккхина хиллачу эккхийтарх информаци. "ХIаваэхь иккхинчух тера дара. Цкъачунна хууш дац, хIун яра иккхинарг", аьлла ду хаамехь. Кеп-кепара версеш юьйцу и сурт гинчара. Кема иккхинчух тера ду, я кеман тIера бомба кхоьсинехь а, дуьйцу социалан машанашкахь. Инстаграмерчу chp_groznyy группехь momento737 ник йолчо яздо: "Со аэропортна уллохь Iаш ю. Читать дальше...

Аргентинехь G20 саммитехь йоьдучу заманчохь СаIуда Iаьрбийчоьнан элас Салман бен Мухьаммда а, Оьрсийчоьнан президенто Путин Владимира а доттагIаллица вовшашка маршалла хаттар, цу шинна юкъахь дика юкъаметтигаш хиларца доьзна ду аьлла, журналисташка дIахьедина президентан пресс-секретаро Песков Дмитрийс. Карладоккху, кхеташо йолаялале хьалха политикаша вовшашка куьйгаш лучу заманчохь шина доттагIчо санна маршалла хаьттинера элас а, Путина а. Ишта шина политикан дийцарш дикачу жамIашца дирзина, ОПЕК+ бертах куьйгашяздеш. Читать дальше...

ТIаьххьарчу дийнахь, бусий Украине чу ца витина Оьрсийчуьра 50 сов вахархо аьлла, хаамбина Украинан дозанхойн урхаллан векало Демченко Антона. Белоруссин Iедалхоша дийцарехь, 200 сов Оьрсийчоьнан вахархочунна бакъо ца еллера церан дозанашкахула Украине кхача а. Дехьа ца бовлийтиначарна юкъахь бу ишта зударий а, дийцина "Керланаш" агенталле Белоруссерчу дозанхойн комитетан векало Бычковский Антона. Украине баха некъаш къевлинчу 228 стагах 189 кеманца кхаьчнера, бисинарш шайн доларчу машенашца. КIезиг... Читать дальше...

Бизнес-проекташ йоло Iалашонца кIирандийнахь Новосибирске кхаьчна францхойн артист Депардье Жерар. Шинаридийнахь кIоштан губернаторо дIаяхьа леринчу синбахамаллин Кхеташоне кхайкхина а ву актер. ГIалин вахархо санна тIеязвина ву Депардье Новосибирскехь, цуьнан бизнес-партнеро а, векало а Мосман Юлияс дийцарехь. "Депардьен тобано Новосибирскехь бизнес йолош ю кхачан сурсаташ арахоьцуш, яржош. Ишта Депардьен  Iалашо ю, Хьалхарчу каналца а, шен продюсерца Фрилле Арноца а цхьана Новосибирсках лаьцна документалан кино яккха", - дийцина Мосмана. Читать дальше...

1918-чу шарахь, шен массо а битам-хьаьркашца, Темир-Хан-Шурахь шахьар а йолуш, кхоллаелира йозуш йоцу Ламанхойн Республика. Амма нийсса шо даьлча юьйжира иза. Iедал шен караийцира "кIайчу боламан" баьччас Деникина. Ша даьккхинчу шера чохь кхузза хийцира Республико шен лидерш, ахчанца гIодийхира Азербайджане, майра дуьхьарлаьттира арахьара тIегIертачу бIонна.   Дагестанхо-историк Доного Хьажа-Мурд цецвуьйлу, стенна ца бира кавказхоша Ламанхойн Республикан деношкахь 100 шо дузарх ларам, бохуш ... Читать дальше...

2019-чу шеран хьалхарчу баттахь мехкадаьтта доккхучу пачхьалкхийн вовшахтохараллана (ОПЕК) юкъара йолуш ю Катар.  Пачхьалкхан энергетикан министраллан керлачу урхалхочо ал-Кхааби СаIида бина хаам оршотдийнахь. Цо бахарехь, организацига хIинцале а Катаран планех хаам дIакхачийна. Уггар а коьртехь СаIуда-Iаьрбийчоь а йолуш, ОПЕК юкъа йогIу 15 пачхьалкх. Дахначу шарахь дуьйнна телхина йогIу Катаран а,  СаIуда-Iаьрбийчоьнан а юкъаметтигаш. Дохаца шен зIенаш дIахедийна Эр-Риядо.

Оьрсийчохь иттанашкахь зуламаш динчу гоьваьллачу криминалан авторитетна Гагиев Асланна бекх тIечIагIбина талламчаша. Австрино Оьрсийчу экстрадици йира Гагиевна пхи бутт хьалха. Иза бехкево зуламан юкъаралла кхолларна а, талорхойн кхо гIера вовшахтохарна а, бакъо йоцуш герз лелорна а. Шена дохку бехкаш тIе ца лоцу Гагиевс, яздо "Коммерсанто". Газетан хаамашца, цунна дуьхьал айдина гIуллакх 160 томах лаьтташ ду. Гуьржийчуьра схьавалар долчу Гагиевс шен криминалан карьера йолийна Къилба ХIирийчохь. Читать дальше...

Iамеркан Цхьанатоьхначу Штатийн Коалицин куьйгаллийца кIирандийнахь кеманашца динчу тохаршкахь вийна Шемарчу "Исламан пачхьалкх" шех олучу тобан цхьахволу лидер. Reuters агенталло бо и хаам, Вашингтонерчу администрацин векалан информацина тIе а тевжаш. Цо бахарехь, вийнарг ву Ал-Iумарайн Абу. Шайлахь Iамеркахо Кассиг Питер а волуш, байинчу закъалтхойх жоьпалла цунна тIехь дара. ТIаьххьарчу кхаа шерачохь даIишхойн карара яьлла цара дIалаьцна лаьттина территори. Ишта схьаяьккхина цаьргара Шеман Ракка а, Иракъан Мосул а. Читать дальше...

2000-чу шарахь Нохчийчохь Псковн десантхошна тIелатар дина аьлла, лаьцначу Донашев ИбрехIимна а, Дудиев Нажмуддина а бехкаш тIечIагIдина аьлла, хаамбо Талламан комитетехь. Байначу беттан 29-чохь Дудиев а, Донашев а чохь вуьтуш, кхело сацам тIеэцна. Талораш лелор а, зуламечу тобанехь дакъалацар а, эскархошна тIелатар дар а бухе а дуьллуш, жоьпалле озийна 41 шо долу Донашев ИбрехIим а, 43 шо долу Дудиев Нажмудди а, хаамбо "Кавказан узел" агенталло, Талламан комитетерчу хьостанна тIе а тевжаш. Цхьадолчу декъанна бехк тIеэцна цара аьлла талламчаша.

Украинан президенто Порошенко Петрос шайн пачхьалкхе бакха дихкина Оьрсийчуьрчу 16 шарера 60 шаре кхаччалц болчу божаршна. Цуьнан сацамах комментари йитина Нохчийчоьнан куьйгалхочо Кадыров Рамзана. "Украинхой даймахкахь баьхна Порошенко Петрос. Оьрсийчуьрчу боьршачу нахана доза дIакъовларца оьрсашна а, пачхьалкхерчу кхечу къаьмнашна а ша тохар до моьттура цунна. Ма-дарра аьлча, исторехь буьйцучу диктаторшна коьрте ца деанарг ду цо динарг. Официалан терахьашца, ши миллион сов украинхо ву тахана Оьрсийчохь вехаш. Читать дальше...

Оьрсийчоьнан мехкашкахь лакхара а, лахара а алапаш оьцучу регионийн рейтинг зорбане яьккхина "Рейтинг" агенталло. Церан зерашца, хIора Оьрсийчуьра пхоьалгIачу вахархочо 15 эзар сом алапа оьцу баттахь. 4, 5 процент гергга вахархочунна хIора баттахь 100 эзар сов алапа догIу. Ямало-Ненецк а, Чукотка а ю белхан алапаш лакхара хиларца тептаран хьалхарчу могIарехь. Къилбаседа Кавказан республикаш лахарчу тIегIанехь ю. Баттахь 100 эзар сом, уггар лахара 15 эзар сом алапа оьцу белхалой беха мехкаш ду гайтаме эцнарш. Читать дальше...