Кхиазхошна тIехь къизаллаш лелорна бехкейина Иракъ
Иракъан Iедалша а, пачхьалкхан къилбаседанерчу курдойн тобанаша а лецна латтош бу, "Исламан пачхьалкх" шех олучу тобанхошца уьйрашкахь лаьттина бу бохуш, бехкебен цхьа эзар ах эзар гергга кхиазхой. Euronews хьостано бина и хаам, Human Rights Watch организацина тIе а тевжина. Бу царлахь 180 сов кхечу пачхьалкхашкара кегийрхой а.
Бакъонашларъярхоша бахарехь, дукха хьолахь тIехь ницкъ а беш, тIелоьцуьйтуш ду кхиазхошка бехкаш. Human Rights Watch организацин белхахоша билгалдоккху, даIишхойх дIакхеттарш, дукха хьолахь, шайх кхоьруш, я шайн гергарчарна тIехь ницкъбарна кхоьруш царна тIебирзина хилар. Ткъа хIинца юха шолгIа а кхерамна буха нисбелла уьш.