Страсбургерчу кхело толлуш бу Муртазалиева Зараан латкъам
Оьрсийчохь шена тIехь йинчу кхелехь хилла цхьа могIа кхачамбацаршна тIе тидам а бохуьйтуш, Страсбургерчу кхеле латкъам бинера Муртазалиевас масех шо хьалха. Амма дахначу шеран Стигалкъекъа-баттахь Европерчу кхело юхатеттира и латкъам. Бахьана – кхелахойх дукхахболчарна Муртазалиеван бакъонаш оьрсийн кхело йохийна аьлла ца хетар.
Латкъамхочуьн адвоката Коротеев Кирилла цул тIаьхьа Европерчу кхелан Йоккхачу палате керла латкъам хьажийра. ХIинца Страсбургехь цу Йоккхачу палатин декъашхоша толлур ду и гIуллакх.
Масала, цара тидаме оьцур ду, Москохарчу кхело Муртазалиеван процессехь коьрта теш хила везаш волу полисхо Ахмаев СаIид хеттамашка хIунда ца кхайкхина бохург.
Карарчу хенахь и Ахмаев коррупцина бехке а вина набахтехь волллуш ву.