Новости за 22.05.2022

Алабугада быел 23 күп фатирлы йортка ремонт ясарга җыеналар. Ул капиталь төзекләндерү кысаларында башкарылачак. 

Чирмешәндә Идел буе Болгар дәүләте ислам динен кабул итүгә багышланган чара булды. Нигездә, Тукай районы һәм Чаллы шәһәре инвалид-спортчылары составындагы команда гарәп мәгърифәтчесе, сәяхәтче һәм язучы Ибн Фадлан тарихи маршруты буенча, Лениногорск аша килде. Алар автомашиналарда, дөя һәм атларда хәрәкәт итәләр. Сәяхәтләре 21 май көнне Болгарда тәмамлана.

Түбән Камада «Яшь эшмәкәр мәктәбе» белем бирү проектына йомгак ясадылар. Аны Түбән Кама эшмәкәре, Түбән Кама муниципаль районында эшмәкәрләр хокукларын яклау буенча вәкаләтле вәкил Илнар Сираев оештырды.

14-15 май көннәрендә Казандагы Волейбол үзәгендә «Мәктәп волейбол лигасы» ярышлары үткәрелде. Анда Әлки районының Чуваш Кичүе мәктәбенең волейбол командасы катнашты. Кызларыбыз башка командалар арасында югалып калмады – мактаулы өченче урынны алды.

Бүген Татарстанның Гидрометеорология һәм әйләнә-тирә мохитне күзәтү идарәсе Татарстан территориясендә суыклар аркасында шторм кисәтүе игълан итте.

Әфганстан татарлары шурасы Россия мөселманнарының Казан хәйрия-патриотик фонды вәкиллеге хезмәткәрләре белән берлектә Кабул шәһәрендә Идел буе Болгарының иң танылган галимнәренең берсе –  шәех Хаҗи Болгарины искә алды. Чара Идел буе Болгар дәүләтендә ислам динен рәсми кабул итү көнен бәйрәм итүгә багышланды.

Хәзерге вакытта Татарстанда 1 миллион 494 мең квадрат метр торак төзелгән, әлеге күрсәткеч агымдагы 2022 елга планның 54 процентын тәшкил итә. Бүген бу хакта Татарстан Республикасы Хөкүмәте Йортында узган республика киңәшмәсендә төбәкнең төзелеш, архитектура һәм торак-коммуналь хуҗалык министры Марат Айзатуллин хәбәр итте.

Татарстанда тәүлек эчендә коронавирус йоктырган 174 кеше теркәлгән. Кичә авыручылар саны 175 иде, ә аңа кадәр 176 кешедә авыру расланды. Шул ук вакытта хастаханәгә салынучылар саны (49) кими: шимбә көнне – 56 кеше, җомга – 71 авыручы. Стопкоронавирус.рф сайтында чыккан мәгълүматлар шуны күрсәтә.

Бүген Татарстан Республикасы Президенты Рөстәм Миңнеханов Казан аграр университетының 100 еллыгы уңаеннан курсташлары белән очрашты. Бу хакта ул үзенең Telegram-каналында язган.

Бүген Татарстан Республикасы Президенты Рөстәм Миңнеханов Россия мәгариф министры Сергей Кравцов һәм Яшьләр эшләре буенча федераль агентлык (Росмолодежь) җитәкчесе урынбасары Дамир Фәттахов белән очрашты. Бу хакта Татарстан Президентының матбугат хезмәте хәбәр итә.

Бүген VI чакырылыш Татарстан Республикасы Дәүләт Советы Рәисе Фәрит Мөхәммәтшин 75 яшьлек юбилеен билгеләп үтә.

Бюджет оешмалары да, шәхси предприятиеләр дә товарларга һәм хезмәтләргә куллану бәяләре арту сәбәпле, хезмәт хакларын индексацияләргә тиеш, дип сөйләгән «Прайм» агентлыгына Россиянең атказанган юристы Иван Соловьев. Бу турыда РИА Новости яза.

Республиканың азык-төлек базарында товар запаслары буенча вазгыять тотрыклы, дип хәбәр итте бүген Татарстан Республикасы Премьер-министры урынбасары – ТР икътисад министры Мидхәт Шаһиәхмәтов. Бу хакта ул Министрлар Кабинетында Рөстәм Миңнеханов уздырган киңәшмәдә белдерде.

Бөтендөнья сәламәтлек саклау оешмасы маймыл чәчәк авыруы (оспа обезьян) белән зарарлануның расланган 92 яңа очрагы һәм 28 фаразланган очрак турында хәбәр итте. «Российская газета» шул турыда яза.

Дүшәмбе көнне, 23 майда, Казанда десантчы, Бөек Ватан сугышы ветераны Павел Клетнев белән хушлашу мәрасиме узачак. Бу хакта Татарстан десантчылары берлегендә хәбәр иттеләр.

Испания Европа берлегенә кермәгән дәүләтләрдән килүче туристлар өчен илгә керү кагыйдәләрен йомшартты. Бу хакта ТАСС хөкүмәтнең карарына сылтама белән хәбәр итә.

Икътисад фәннәре кандидаты, финанс аналитигы Михаил Беляев рубльне бүгенге көндә россиялеләр өчен иң отышлы валюта дип атады. «Российская газета» шул хакта яза.

Идел буе Болгар дәүләтендә ислам дине кабул итүнең 1100 еллыгына багышлаган «Изге Болгар җыены»нда оештырылган билбаулы көрәш буенча дөнья кубогында Үзбәкстанның Ургенч шәһәре спортчысы Марат Шахмаев көмеш призер булды. Бу турыда Ташкентта яшәүче милләттәшебез Нариман Кәримов хәбәр итте.

Россиядә маймыл чәчәк авыруы (оспа обезьян) белән зарарлану очраклары теркәлмәгән. Бу хакта Россия сәламәтлек саклау министры Михаил Мурашкога сылтама белән РИА Новости хәбәр итә.

Энергетиклар урамындагы торак йортта чыккан янгын турында хәбәр кичә кичке алтыда 101 номерына килеп ирешә. Куе төтен беренче катта урнашкан фатир тәрәзәләреннән чыккан.

Фәрит Бикчәнтәевнең туган көнендә аның турында китап тәкъдим ителде. Әлегә ул русча чыгарылган. Авторлар аның татарчасы да булачагын вәгъдә итә.

Татарстанда 30 майга кадәр һава температурасы нормадан 5 градуска түбән булачак. Бу хакта республиканың Гидрометеорология үзәгендә сөйләделәр.

Камал театрының баш режиссеры, Театр әһелләре берлеге рәисе Фәрит Бикчәнтәев үзенең 60 яшьлеген күренекле язучы Мәхмүт Галәүнең «Болганчык еллар» һәм «Мөхәҗирләр» романнары буенча куелган спектакльнең генераль прогоны белән каршылады.

22 майда 10.00 сәгатьтә  Кукмара чаңгы базасында Бөтендөнья скандинавиячә йөрүчеләр көненә багышланган фестиваль була.

Чистай районы мәктәпләре укытучыларына яңа ноутбуклар тапшырылды. Техниканы яңарту проекты Татарстанда Цифрлаштыру елы кысаларында, республика Президенты Рөстәм Миңнеханов башлангычы белән Ак Барс Банк тарафыннан гамәлгә ашырыла. Тантаналы чара шәһәр хакимиятендә узды. Чистай районы барлыгы 148 ноутбук алды. Бу турыда «Чистай хәбәрләре» сайтында хәбәр ителә.