Новости за 05.05.2022

Мөслим районының Түреш авылында туган шагыйрь Ләбиб Леронга Тукай скверында элмә такта куелды. Ул быел Г.Тукай бүләгенә ия булды.

Самарада «Яктылык» мәктәбенең «Йолдыз» бию театры Россиянең спорт мастеры А.В.Рыбакин истәлегенә оештырылган грек-рим көрәше буенча өченче турнир ачылышы тантанасында катнашты.

Җиңү көне алдыннан Мәскәү Кремлендә Билгесез солдат каберенә чәчәкләр салу тантанасы узды. Башкалада яшәүче татарлар, гадәттәгечә, Бөек Ватан сугышы геройларын искә алу өчен, Маршал Жуков һәйкәле янында җыелды.

Җиңү көне алдыннан, 6 һәм 7 май көннәрендә, 9 май бәйрәмендә Мостай Кәрим исемендәге Милли яшьләр театрында «Герой йолдызы» спектакленең премьерасы була.

Һәр айның беренче сишәмбесендә Татарстан музейларына түләүсез кереп була. Быел 32,1 мең кеше әлеге мөмкинлектән файдаланган.

Иртәгә Татарстан территориясендә көчле җил һәм бераз явым-төшем көтелә. Бу хакта Татарстан Гидрометеорология үзәгенең матбугат хезмәте хәбәр итә.

Ульяновскиның «Өмет» газетасында Рузия Хәлимованың «Сембер карлыгачлары» сәләтле балаларга канат куя» дигән мәкаләсе чыкты.

Бүген Россия фәннәр академиясенең Уфа федераль тикшеренү үзәге галим-этнолог Илдар Габдрәфыйковны кабат эшкә алды.

Республикада музейга йөрүчеләр саны үткән елның I кварталы белән чагыштырганда 17,8 процентка арткан, дип хәбәр итә Татарстан Мәдәният министрлыгының матбугат үзәге. Быелның өч аенда музейларга 1 миллионнан артык кеше килгән.

Казанда Җиңү көнендә бәйрәм салютын карау өчен иң яхшы урыннарны Казан Башкарма комитетының мәдәният идарәсе җитәкчесе Азат Абзалов әйтеп үтте. Бу хакта ул «Татар-информ»да узган матбугат конференциясендә сөйләде.

Ата-аналардан күп санлы мөрәҗәгатьләр килү сәбәпле, Татарстан Республикасының Мәгариф һәм фән министрлыгы мәктәп укучыларының җәйге каникулы кайчан башланачагын аңлатты.

Бүген ТР Спорт министрлыгында ТР Волейбол федерациясенең хисап-сайлау конференциясе узды, анда Фәрит Мөхәммәтшин биш елга кабат федерация президенты итеп сайланды. Конференция эшендә Бөтенроссия волейбол федерациясе генераль секретаре Александр Яременко катнашты. Бу турыда Татарстан Дәүләт Советының матбугат хезмәте хәбәр итте.

Бүген көннең икенче яртысында Чаллыда кар яуган. Биредә яшәүчеләр әлеге хәлләрне видеога төшергән. Видеязмалардан күренә, кар шәһәр урамнарына бик күп яуган.

Татарстан Республикасы буенча Эчке эшләр министрлыгы башлыгы Артем Хохорин Россия Эчке эшләр министрлыгының Казан буенча идарәсе башлыгы Александр Мищихин белән бергә эчке хезмәтнең отставкадагы өлкән сержанты – 102 яшьлек Гафият Әкбәров янына барды.

Чокырның диаметры якынча 25 метр, ә тирәнлеге кимендә 10 метр.

Россия Президенты Владимир Путин телевидениедә халыкны агарту тапшырулары санын арттыру идеясен хупларга әзер. Бу хакта Кремльнең матбугат хезмәте хәбәр итә.

9 майда Казанда кадет мәктәбе территориясендә Советлар Союзы Герое Борис Кузнецов бюстын ачачаклар. Бу хакта бүген «Татар-информ» мәгълүмат агентлыгында узган матбугат конференциясендә ТР Премьер-министры урынбасары Ләйлә Фазлыева хәбәр итте.

Казанның Идел буе районы Отары бистәсендә янгын чыккан. Бистәнең Приволжская урамындагы ике шәхси йортка ут каба. Янгын турында хәбәр 101 нче янгын сагы номерына көндезге сәгать икеләр тирәсендә килеп ирешә.

Бүген Татарстан циклонның тыл өлеше йогынтысына эләкте. Шул сәбәпле, Төньяк-Көнбатыш һава агымнары республика районнарына Төньяк киңлекләрнең салкын һавасын алып килде. Алдагы көннәрдә һава торышы үзгәрәчәк, дип хәбәр итә Татарстанның Гидрометеорология үзәге матбугат хезмәте.

Татарстанда Җиңү көненә багышланган бәйрәм чаралары вакытында күчмә медицина пунктлары эшләячәк һәм ашыгыч ярдәм бригадалары кизү торачак. ТР сәламәтлек саклау министры урынбасары – Казан шәһәренең Сәламәтлек саклау идарәсе башлыгы Владимир Жаворонков «Татар-информ» агентлыгында узган матбугат конференциясендә шулай дип белдерде.

«Татспиртпром» дәүләт компаниясе 2021 елда продукция чыгаруны 6 процентка –  9,3 миллион декалитрга кадәр арттырды. Сатуларның рентабельлелеге 24,9 процент тәшкил итә һәм 2020 ел дәрәҗәсенә карата 1,7 процент пунктка арткан. Компаниянең эш нәтиҗәләре турында директорлар советының Татарстан Премьер-министры Алексей Песошин үткәргән утырышында фикер алыштылар, дип хәбәр итә Татарстан Президентының матбугат хезмәте.

Татарстан Югары суды Казанның 175нче гимназиясенә һөҗүм итүдә гаепләнүчегә карата чик кую чарасын озайтты. Тикшерүчеләр аны тикшерү изоляторында калдыру үтенече белән мөрәҗәгать итте һәм судтан аны кулга алу вакытын тагын өч айга озайтуны сорады, гаепләнүче моңа каршы килмәде. Ул 11 августка кадәр тикшерү изоляторында калачак.

2022 елда Татарстанда алты Бөек Ватан сугышы ветеранының торак шартлары яхшыртылачак, тагын 10 йортка капиталь ремонт ясалачак. Әлеге максатларга федераль бюджеттан 23 миллион сумга якын акча юнәлдереләчәк. ТР хезмәт, халыкны эш белән тәэмин итү һәм социаль яклау министры Эльмира Зарипова бүген «Татар-информ» агентлыгында узган матбугат конференциясендә шулай дип белдерде.

Соңгы тәүлектә Татарстанда коронавирус инфекциясенең  201 очрагы расланган. 85 пациентны хастаханәгә озатканнар, дигән мәгълүматлар китерелә стопкоронавирус.рф порталында.

Казанда барлыкка киләчәк «Манзара» паркы территориясендә 7 майда «Чиста уеннар» ярышлары узачак.