Новости за 12.05.2022

Бүген Минзәлә шәһәренең 2нче урта мәктәбе базасында ПАО АК БАРС БАНКның Минзәләдәге өстәмә офисы җитәкчесе Эльвира Юнысова Минзәлә районы мәктәпләре директорларына 170 яңа ноутбукка сертификатлар тапшырды. 

Һава Шәйдуллина буллингка юлыкмас өчен, иң элек гаиләдәге проблемаларны хәл итәргә киңәш итте.

Җомга көнне, 13 майда, Татарстан территориясендә томан, яшен һәм көчле җил көтелә.

Гаилә психологы, дини белемле сексолог Һава Шәйдуллина рухи яктан сау-сәламәт бала үстерү өчен иң мөһим кагыйдәне әйтте.

«Бездә барлык конфессияләргә, халыкларга сакчыл караш яши, шул ук вакытта һәр милләтнең үз үзенчәлекләре дә саклана», - диде ТР Иҗтимагый палатасы рәисе.

Татарстанның Гидрометеорология һәм әйләнә-тирә мохитне күзәтү идарәсе берничә көнгә һава торышы фаразын әзерләде. Фаразлардан аңлашылганча, республикада җылыта, әмма көннәр яңгырлы булачак.

Татарстанның Баулы районында М5 трассасының 1280нче километрында өч машина катнашында юл-транспорт һәлакәте булган. Хәвеф турында «Татар-информ»га һәлакәт шаһитләре сөйләде.

Ике төшенчәнең аермасы кешенең нинди хисләр кичерүенә бәйле, диде белгеч.

Әлмәттә Сабантуй бәйрәме 11 июньгә планлаштырылган. Район башлыгы Тимур Нагуманов нефть шәһәрендә милли бәйрәм үткәрү көнен туры эфир вакытында әйтте.

2022 елның 13-15 маенда Энгельс шәһәрендә мөселманнар өчен бокс турниры узачак. Ул Идел буе Болгар дәүләтендә ислам динен рәсми кабул итүгә 1100 ел тулуга багышлана. Россия Мөфтиләр шурасы шул турыда хәбәр итә.

Татарстан Дәүләт Советы Рәисе Фәрит Мөхәммәтшин хуҗалык җитәкчеләрен дәүләт ярдәменең барлык программаларында да активрак катнашырга чакырды. Бу хакта парламент башлыгы Буа районында авыл халкының эшлекле активлыгын арттыру мәсьәләләренә багышланган зона киңәшмәсендә белдерде, дип хәбәр итә Татарстан Дәүләт Советының матбугат хезмәте.

Казанда 17-20 май көннәрендә Халыкара Изге Коръән уку бәйгесе уза. Бәйге дин кардәшләребезне Коръән уку традицияләренә җәлеп итү, Коръән хафизлардан иң яхшы укучыларны ачыклау һәм бүләкләү максатыннан үткәрелә.

Татарстан Иҗтимагый палатасында Ислам кабул итүнең 1100 еллыгы уңаеннан түгәрәк өстәл утырышы узды.

Башкортстанның Тәтешле районында Башкортстанның һәм Татарстанның халык артисты Хәния Фәрхи исемендәге «Онытылыр димә...» дип аталган башкорт һәм татар җырларын башкаручыларның Халыкара фестиваль-конкурсы узачак. «Башинформ» шул турыда яза.

«Сабантуйны кайда оештырсаң да, оештыру эшләрендә барыбер бер үк проблемалар кала бирә, алар бәйрәмне үткәрү урыны белән генә үзгәрми», - диде халыкара этник һәм милли проектлар продюсеры.

Татарстан Президенты Рөстәм Миңнеханов Татарстанның ундүрт заводына һәм фабрикасына «Хезмәт батырлыгы предприятиесе 1941-1945» дигән мактаулы исем бирү турында таныклыклар тапшырды. Бүләкләү тантанасы бүген Казан дары заводы территориясендә узды.

Татарстанның 3,86 миллиард сум күләмендә инфраструктура бюджет кредитын алуга гаризасы хупланды. Бу карар Россиядә төбәк үсеше буенча Хөкүмәт комиссиясе президиумы утырышында кабул ителде, дип хәбәр итә Татарстан Президентының матбугат хезмәте.

Республика хакимиятенең төп бурычы – Татарстан предприятиеләре коллективларын саклап калу, аларга ярдәм итү чараларын җиткерү һәм импортны алыштыру һәм кооперация мәсьәләләрен хәл итү. Бүген бу хакта Татарстан Республикасы Президенты Рөстәм Миңнеханов республика сәнәгатен үстерүгә багышланган киңәшмәдә хәбәр итте.

Исламабадта Пакистан татарлары шурасына сайлаулар узарга мөмкин. Бу хакта Россия мөселманнарының Казан хәйрия патриотик фонды генераль директоры Рөстәм Хәбибуллин «Татар – информ»га сөйләде.

Татарстан Республикасы Президенты Рөстәм Миңнеханов «Хезмәт батырлыгы предприятиесе. 1941-1945 еллар» исемен бирү тантанасыннан фотосурәтләр урнаштырды. Аңа республиканың 14 предприятиесе лаек булды, диелә республика җитәкчесенең Telegram-каналында.

Производствосы Чаллыда урнашкан компания проекты федераль дәрәҗәдә Россиянең барлык төбәкләрендә гамәлгә ашырылачак.

Бүген проект институты бинасында «Казан Гипронииавиапром» акционерлык җәмгыятенең легендар җитәкчесе Борис Тихомиров истәлегенә барельеф ачтылар. Тантаналы чарада Татарстан Республикасы Президенты Рөстәм Миңнеханов катнашты.

Татарстанда ТР Президенты каршында Рус теле комиссиясен төзергә ниятлиләр. Аны оештыру турында указ проектын ТР Президентының эчке сәясәт мәсьәләләре департаменты әзерләгән.

13 май 14.00дә Милли китапханәдә «Ялкын» журналы редакциясе журналистика юнәлешендә укучы беренче һәм икенче курс студентлары арасында журналистика буенча кейс-чемпионат үткәрә.

6 майда Азәрбайҗанның татар иҗтимагый оешмалары - «Яшьлек» Татар яшьләре үзәге, «Туган тел» Татар мәдәнияте оешмасы һәм «Ак калфак-Баку» татар хатын-кызлары оешмасы Даими вәкиллек ярдәмендә Хыдыр Нәби (Хыдыр Ильяс) бәйрәменә багышланган чарада катнашты. Бу хакта Татарстанның Азәрбайҗандагы Даими вәкиллеге матбугат хезмәте хәбәр итә.