Новости за 28.05.2022

Уфа «Нур» татар театрында «Аһ, туган каумем газиз!» дип исемләнгән әдәби-музыкаль кичә булды. Ул XX гасыр башындагы зур эшмәкәр, меценат, алтын җитештерүче-миллионер, татар шигърияте классигы, җәмәгать эшлеклесе, 1нче чакырылыш Россия Дәүләт Думасы депутаты Дәрдмәнднең (Закир Рәмиев) тууына 160 ел тулуга багышланган.

Әлмәт районы санитар-экологик икеайлык нәтиҗәләре буенча лидер булып танылды. Районга «Шәһәр статусында булган муниципаль район» номинациясендә беренче урын бирелде.

«Нәфис Косметикс» акционерлык җәмгыяте территориясендәге биналарның берсенең түбәсендә янгын чыккан. Янгын вакытында шартлау куркынычы турындагы мәгълүмат чынбарлыкка туры килми.

 Чувашиянең Батыр районы Шыгырдан авылында Россиянең атказанган спорт мастеры Минсәет Таҗетдинов призына традицион 33 нче турнир узды. 

Иртәгә, 29 майда, Татарстанда тотрыксыз һава торышы саклана, шул ук вакытта һава температурасы күтәреләчәк.

Бүген Татарстан Республикасы Президенты Рөстәм Миңнеханов «Каравон-2022» рус халык бәйрәмендә катнашты. Бәйрәм гадәттәгечә Татарстан Республикасы Лаеш муниципаль районының Никольское авылында узды. «Каравон» республикада 30нчы тапкыр үткәрелә. Бу турыда Татарстан Президентының матбугат хезмәте хәбәр итә.

Бүген Татарстан Премьер-министры урынбасары, Бөтендөнья татар конгрессының Милли Шура рәисе Васил Шәйхразыев иртән Бурятиянең Кяхтинский районына килде. Биредә «Усть-Кяхта алмагачлары» татар халкының көнкүреше музей-утары ачылды. Бу турыда Бөтендөнья татар конгрессының матбугат хезмәте хәбәр итә.

Татарстан Президенты Рөстәм Миңнеханов традицион шимбә киңәшмәсендә төбәк бюджетындагы акча күләмен бәяләргә кушты. Гражданнарга ярдәм итүнең яңа өстәмә чараларын гамәлгә ашыру өчен акча кирәк булачак. Бу хакта республика җитәкчесенең матбугат хезмәте хәбәр итә.

Татарстанда чәчү кампаниясе планының 86 проценты башкарылган. Аграрийлар барлык көчләрен тупларга һәм аны 5 июньгә кадәр тәмамларга тиеш, диде Татарстан Премьер-министрының урынбасары – авыл хуҗалыгы һәм азык-төлек министры Марат Җаббаров ТР Хөкүмәте Йортында киңәшмәдә.

Быел Татарстанда урып-җыю сроклары соңрак булыр дип фаразлана. Бу хакта Татарстан Хөкүмәте Йортында узган республика киңәшмәсендә ТР вице-премьеры — республика авыл хуҗалыгы һәм азык-төлек министры Марат Җәббаров хәбәр итте.

Габдулла Тукай исемендәге Әтнә татар дәүләт драма театры Илгиз Зәйниевның «Хыял йорты» комедиясе белән театр сезонын япты. Бүген театрда премьераның икенче көне.

Татарстанда капиталь ремонт буенча киң күләмле эшләр мәгариф өлкәсендә алып барыла. Мәктәпләрдә һәм балалар бакчаларында ремонт эшләренең өчтән бер өлеше тәмамланган.

Чечня хакимияте Казанда узган халыкара Коръән уку конкурсында республика данын яклаган хафизларны бүләкләде. Конкурста Муса Гайтиев җиңде, аңа автомобиль һәм Чечня Республикасының иң югары бүләге - Кадыров ордены тапшырылды.

Татарстан Президенты Рөстәм Миңнеханов Рус халык бәйрәме Каравонда булды. Ул утызынчы тапкыр Татарстанның Лаеш районы Никольское авылында уза. Бу турыда «Татар-информ» хәбәрчесе Лиля Шәйхетдинова яза.

Бүген иртән Казан аэропортыннан бер ир-атны һәм аның кызын Республика клиник хастаханәсенә китергәннәр. Ул Казанда яши, үзе Таҗикстан гражданины.

Ульяновск өлкәсенең «Өмет» газетасында хәбәр ителгәнчә, Иске Майна район хакимияте башлыгы Василий Половинкин татар җәмәгатьчелеге вәкилләре белән очрашу үткәрде.

Россия Президенты Владимир Путин хәрби хезмәт узуга беренче контрактны төзү өчен яшь чикләвен гамәлдән чыгару турындагы федераль законны имзалады. Бу документ хокукый мәгълүматның рәсми интернет-порталында чыкты.

Чаллының 5нче шәһәр хастаханәсендә коронавирус инфекциясеннән вафат булган медиклар истәлегенә аллея ясадылар.

Узган тәүлектә Татарстанда 131 кеше коронавирус йоктырган. Шушы ук вакытта республикада 261 кеше ковидтан терелгән.

Хезмәткәр эштән киткән вакытта, эш бирүче хезмәт хакын түләмәгән очракта нинди гамәлләр башкарырга икәнен адвокат Алиса Волхова «Российская газета»га сөйләгән.

Коръән фәннәре докторы, Истанбул университетының теология факультетының ислам фәннәре кафедрасы профессоры Абдуллаһ Эмин Чимен Саратовның «Шәех Сәет» мәдрәсәсендә булды.

11 июньдә Самара өлкәсенең Шентала районы Сабантуе Денискино авылында була. Ул авылның 300 еллыгы кысаларында уза.

Татарстанда 13-20 майда барлык маркадагы бензин бәяләре тотрыклыланды.

28 май иртәсендә Татарстан Президенты Рөстәм Миңнеханов республика халкын Каравон бәйрәме белән котлады. Ул шулай ук социаль челтәргә тантанага багышланган видеороликны куйды.

Менделеевскида Химиклар көнен билгеләп үттеләр, ул шәһәрнең иң яхшы химикларын котлау һәм бүләкләү белән башланып китте. Барлык катнашучыларны Менделеевск районы җитәкчесе Радмир Беляев котлады.