افغان کرکټ بورډ: تر ۱۹ کلنو کشره لوبډله وېسټ انډیز ته ځي
د کرکټ بورډ ویاند فرید هوتک نن شنبې (د لېندۍ ۲۷مه) ازادي راډیو ته په دې وویل: "ټاکل شوې سبا د لیندۍ په ۲۸مه د افغانستان د کرکټ له ۱۹ کلنو څخه د کم عمره لوبډله له کابله د متحده عربي اماراتو پر لور سفر وکړي، څو هلته په اسیايي جام کې ګډون وکړي او له هغه ځایه به وېسټ انډیز ته سفر ولري. د دې سفر موخه به یې په نړیوال جام کې ګډون وي."
تر ۱۹ کلنو د کشرو لوبغاړو د کرکټ نړیوال جام د ۲۰۲۲ میلادي کال د جنوري له ۱۴مې نېټې د فبروري تر پنځمې پورې په وېسټ انډیز کې ترسره کېږي.
افغانستان به له پاکستان، زېمبابوې او پاپو نیوګیني سره په سي ګروپ کې ولوبېږي.