ایران: د کمرې د ورکېدو په اړه د اټمي انرژۍ د نړیوالې ادارې ادعا ردوو
د اټمي انرژۍ د نړیوالې ادارې 'IAEA' مشر پرون د دې کمرې د ورکېدو په اړه د ایران د وضاحت په اړه شک څرګند کړ، خو د ایران د اټمي انرژۍ ادارې نن په یوه بیان کې ټینګار وکړ چې دا کمره په هغه برید کې له منځه تللې چې تهران یې پړه پر اسراییلو اچولې ده.
ایران په دې وروستیو کې 'IAEA' ته اجازه ورکړه چې ویجاړه شوې کمره بدله کړي، خو د دې ادارې مشر پرون وویل چې تهران د دې کمرې د ورکو معلوماتو په اړه د قناعت وړ وضاحت نه دی ورکړی.
پرون په ویانا کې د ایران د اټمي تړون په اړه د مذاکراتو د وروستي پړاو په پای کې بریتانیا، فرانسې او جرمني په یو ګډ بیان کې وویل چې په دې خبرو کې یوازې تخنیکي پرمختګ شوی، خو دوی زیاتوي چې دا مذاکرات په ډېرې چټکۍ سره د واټ پای ته د رسېدو په حال کې دي.