د اسرائیل صدراعظم متحده عربي اماراتو ته سفر کوي
دا د خلیج دغه هېواد ته د اسرائیلي صدراعظم لومړنی سفر دی.
بېنټ خپلې کابینې ته ویلي چې د اماراتو سفر نن پيلوي او دفتر یې ویلي چې د اماراتو له ولیعهد محمد بن زاید سره پر اقتصادي او پوځي اړیکو خبرې کوي.
د اسرائیل او متحده عربي اماراتو اړیکې د ۲۰۲۰ کال په سپټمبر میاشت کې د امریکا په منځګړیتوب رسمي شوې او دا له همغه وروسته د لوړې کچې لومړنی اسرائیلی پلاوی دی چې ابوظبي ته ځي.
اسرائیل پر اماراتو سربېره له اردن او مصر سره هم اړیکې رسمي کړې دي.