کابل کې ځینو ښځو د طالبانو په ملاتړ لاریون وکړ
شااوخوا درې سوه نجونو چې له سره تر پښو په تورو حجابونو کې پوښلې وې او د طالبانو سپین بیرغونه یې رپول، د لویدیځ ضد ویناوې وکړې او د طالبانو د اسلامي امارت له پالیسیو څخه یې ملاتړ اعلان کړ.
پر کابل د طالبانو له واکمنېدو وروسته په پلازمېنه کابل او ځینو ولایتونو کې یو شمېر معترضانو چې اکثره ښځې وې د هغه څه پر ضد مظاهرې وکړې چې دوی په افغانستان کې د پاکستان لاس وهنه بلله او د آزادۍ شعارونه یې ورکړل.
هغه مهال هم په کندز ولایت کې په اسلامي حجابونو کې پوښلو یو شمېر ښځو د طالبانو په پلوي مظاهره کړې وه.