قطر او ترکیه هڅه کوي چې د کابل هوايي ډګر نړیوالو الوتنو ته چمتو کړي
قطر او ترکیه په ګډه هڅه کوي چې د کابل نړیوال هوايي ډګر د نړیوالو الوتنو لپاره له تخنیکي پلوه چمتو کړي.
د قطر د بهرنیو چارو وزیر محمد بن عبدالرحمن آلثاني پرون- جمعه پر ټویټر په یوه بیان کې وویل چې له مولوت چاووش اوغلو سره یې د افغانستان په اړه خبرې کړي.
آلثاني ویلي چې د کابل د هوايي ډګر د بیا پرانېستو او له نړۍ سره د افغانستان د بیا وصلېدو په هدف د ترکیې او قطر د همکارۍ له نتایجو څخه خوشاله دی.