ملګروملتونو د افغانستان د احتمالي اقتصادي سقوط په اړه خبرداری ورکړ
د ملګروملتونو سرمنشي انتونیو ګوتېرېش د افغانستان د احتمالي اقتصادي سقوط په اړه خبرداری ورکړی.
ښاغلي ګوتېریش پرون خبریالانو ته د څرګندونو پرمهال، د داسې یوه احتمال د مخنیوي لپاره افغانستان ته د پیسو د جاري کولو غوښتنه کړه.
ګوتېرېش وویل، اقتصادي سقوط به د افغانستان لپاره د یوه ناورین او تروریستانو ته د یوې تحفې حیثیت ولري.
د ملګرو ملتونو سرمنشي دا خبرداری وروسته له هغه کوي چې د افغانستان لپاره د ده ځانګړې استازې دیبرالاینز د پنجشنبې په ورځ امنیت شورا ته د وینا پر مهال وویل، د میلیاردونه ډالرو په ارزښت په بهر کې د افغانستان د شتمنیو کنګل کېدل به خامخا د افغانستان پر اقتصاد ډېر ناوړه اغیز وکړي.
ګوتېرېش وویل، باید داسې یوه لاره وموندل شي چې د داسې یوه ناورین مخه ونیول شي.