انګلا مېرکل: طالبانو سره باید د خپل افغان کارکوونکو د ایستلو په اړه وغږېږو
مېرکل پرون یکشنبه خبریالانو ته وویل دوی له طالبانو سره پر دې خبرې کوي چې څنګه خپل همکاران په خوندي ډول له افغانستانه وباسي.
د جرمني صدراعظمې ویلي، هېواد یې غواړي له هغو نړیوالو بشرپالو سازمانونو سره هم مرسته وکړي چې د افغانستان دننه د بشري مرستو د همغږۍ چارې مخته وړي.
له دې وړاندې د اروپایي ټولنې د بهرني سیاست مشر جوزف بورېل هم ویلي و چې د طالبانو له جوړېدونکي حکومت سره به د افغانانو د لاسنیوي په خاطر اړیکه ساتي.