واشنګټن ژمنه وکړه چې کییف سره تر ۶۰ میلیونه ډالرو مرسته کوي
د اسوشیټېډ پرېس اژانس د راپور له مخې، د ولسمشر بایډن ادارې پرون په یوه بیان کې کانګرس ته خبر ورکړ چې دا مرستې به د اوکراین په سرحدونو کې د روسیې د پوځي هلو ځلو د زیاتېدو په خاطر کییف ته وسپارل شي.
ولادیمیر زلنسکي د دوشنبې په ورځ د درې ورځني سفر په مخه واشنګټن ته ولاړ او تمه ده چې نن د سېپټمبر په لومړۍ نېټه له ولسمشر بایډن سره ګوري.
اټکل کېږي چې په دې لیدنه کتنه کې به ولسمشر زلنسکي له ښاغلي بایډن څخه وغواړي چې د روسیې د نورډ سټریم دوه په نوم د ګازو د پایپ لاین مخه ونیسي چې جرمني ته تیریږي.
دا پایپ لاین له اوکراینه په کږه تر جرمني پورې رسېږي او زلنسکي په دې باور دی چې مسکو له دې پایپ لاینه د یوې جیو پولیټیکې وسلې په توګه ګټه اخلي.