مېرکل: له ګازه دې د جیوپولټیکي وسلې په توګه کار نه اخیستل کېږي
مېرمن مېرکل پرون یکشنبه (د زمري په ۳۱مه) په کییف کې د اوکراین له ولسمشر ولودیمیر زلنسکي سره په ګډه خبري غونډه کې وویل، له اوکراین سره د انرژۍ هغه تړون باید بیا تمدید شي چې د اعتبار موده یې په ۲۰۱۴ میلادي کال کې پای ته رسېږي.
مېرمن مېرکل د نورډ سټریم دوه په نوم د اروپا او روسیې ترمنځ د ګاز د نللیکې د ملاتړ له کبله له انتقادونو سره مخامخ وه ځکه واشنګټن او کییف استدلال کوي چې دا نللیکه نه یوازې د اروپا د انرژۍ پر سکتور د مسکو ولکه پراخوي، بلکې اوکراین هم د ګاز د پایپ لاین د ټرانزیټ له پیسو څخه محروموي.
اوکراین ته سفر به د صدراعظمې په توګه د انګېلامېرکل وروستی سفر وي، ځکه د را روانې میاشتې له انتخاباتو وروسته یې دنده پای ته رسېږي.
مېرکل له دې دوه ورځې مخکې په مسکو کې له ولسمشر ولادیمیر پوتین سره وکتل.