له طالبانو د افغانستان د سوداګرۍ او پانګونې خونې د مسوولینو غوښتنې
![له طالبانو د افغانستان د سوداګرۍ او پانګونې خونې د مسوولینو غوښتنې](https://gdb.rferl.org/e6aa1a74-9f2a-492f-82f3-3668be25211f_w800_h450.jpg)
د افغانستان د سوداګرۍ او پانګونې خونې له طالبانو غوښتي چې د پانګوالو د پانګو، شتمنيو او تاسيساتو ساتنه وکړي.
د افغانستان د سوداګرۍ او پانګونې خونې مرستیال یونس مومند نن ازادي راډیو ته وویل چې د افغانستان د سوداګرۍ او پانګونې خونې په مرکز او ولاياتو کې خپل ټول دفترونه بېرته پرانېستې دي.
دغه خونه وایي، د هېواد سوداګر او پانګوال کولی شي چې د پخوا په څېر د نوموړو دفترونو له خدماتو څخه ګټه واخلي.
یادې خونې د سوداګرو او پانګوالو څخه هم غوښتي چې خپلو سوداګريزو او پانګه یيزو فعاليتونو ته دوام ورکړي.