د ارزګان چارواکي: ترینکوټ کې سلګونه نوي سرتیري ځای پرځای شوي
دغه ولایت کې د ملي پولیسو د لومړي کنډک قوماندان ملک زین الله ازادي راډيو ته وویل: "زه د ټولو پولیسو په استازيتوب د ارزګان ښار اوسیدونکو ته ډاډ ورکوم چې هېڅ د دښمن په تبلیغ پسې ونه ګرځي، مشکل نشته، زموږ کمربندونه ټول پیاوړي دي او په دغه تېرو څو ورځو کې موږ نوي پوستې په کمربندونو کې ځای پرځای کړي."
د ارزګان چارواکي داسې مهال دا خبر ورکوي چې په دې وروستیو کې ګڼ خلک له ترینکوټ ښاره د خپلو کورونو په اېستلو بوخت دي.
دا په داسې حال کې ده چې د دغه ولایت ټولې ولسوالۍ په بشپړه توګه له طالبانو سره دي.