د پاکستان صدر اعظم عمران خان په کووېډ-۱۹ ناروغۍ اخته شوی
د پاکستان صدر اعظم عمران خان په کووېډ-۱۹ ناروغۍ اخته شوی دی. د پاکستان د روغتیا وزیر د دې خبر په تایید سره ویلي چې دوه ورځې وړاندې عمران خان ته د کرونا ضد واکسین هم شوی و.
د پاکستان د روغتیا سلاکار فیصل سلطان نن شنبه پر خپله ټویټرپاڼه ولیکل چې خان دا مهال په خپل کور کې د قرنطین په حال کې دی.
سینوفارم یوازنی واکسین دی چې پاکستان کې د کرونا پر ضد کاریږي.
چین د دغه واکسین نیم میلیون ډوزه پاکستان ته ورکړي دي.
پاکستان کې چې ۲۲۰ میلیونه نفوس لري تر اوسه د کرونا څه باندې یوولس نیم میلیونه پېښې ثبت شوي دي او نژدې یو لک او شپیته زره کسان ترې مړه شوي دي.