د امریکا دفاع وزیر: د خپلو ګټو د دفاع لپاره هر لازم اقدام به وکړو
د امریکا متحده ایالاتو دفاع وزیر وايي هېواد بهیې د خپلو ګټو د دفاع لپاره هر لازم اقدام وکړي.
لوید استین (Lloyd Austin) دا خبره پرون یکشنبه وروسته تر دې وکړه چې د عراق عینالاسد پوځي اډې ته څېرمه یو راکټ ولګېد.
په دغه پوځي اډه کې د عراقي ځواکونو ترڅنګ د ائتلاف او امریکا پوځیان هم دېره دي.
د امریکا دفاع وزیر استین له «ABC» ټلوېزیون سره په مرکه کې چې پرون خپره شوه وویل، امریکا له عراقه غواړي چې دغه پېښه په جدیت وڅېړي او معلومه کړي چې څوک مسؤل دي.
وروسته له هغې چې د امریکا په یوه هوايي حمله کې د ۲۰۲۰م کال د جنورۍ میاشتې پر درېیمه د عراق پلازمېنې بغداد ته څېرمه د ایران د سپاه پاسداران د قدس ځواک قوماندان قاسم سلیماني ووژل شو، ایران د دې وژنې د غچ اخیستو خبرداری ورکړی و.