د افغانستان ښځو چارو وزارت د ښځو پیاوړتیا لپاره فعال بنسټونه څاري
د دغه وزارت ویاندې رویا دادرس د مارچ د اتمې یا د ښځو د پیوستون د نړیوالې ورځې په مناسبت له ازادي راډیو سره په خبرو کې وویل: "د ښځو چارو وزارت په پام کې لري، ټولې ملي او نړیوالې مؤسسې چې د ښځو په برخه کې فعالیت کوي، باید د ښځو چارو وزارت ته ځواب ویونکي وي. زموږ د وزارت تر پام او پالېسۍ لاندې فعالیت وکړي. په تېرو کلونو کې د ښځو په اړه ډېر فعالیتونه شوي، خو دا پاشلي فعالیتونه وو، ځکه نهیو توانېدلي د ښځو وضعیت بهتره کړای شو."
مېرمن دادرس وايي په ۱۳۹۹ لمریز کال په افغانستان کې د ښځو د پیاوړتیا په برخه کې د پام وړ هڅې شوي او د نورو کلونو پرتله د ښځو ستونزې پهکې کمې وې، خو هدفي وژنو د ښځو ژوند تریخ کړی و.