Новости за 12.11.2020

12-ноябрдагы маалымат жыйында президенттин милдетин аткаруучу өкмөт башчы Садыр Жапаров казынада пенсия, жөлөк пул, айлык акы төлөөгө каражат бар экенин айтып, жыл аягына чейин бары убагында берилерин маалымдады: “Өлкөдө экономикалык абал өтө жакшы же жаман деп да айта албайм. Орточо деп айтам. Жылдын аягына чейин корголгон беренелер боюнча беребиз. Эч кандай кармалбайт”. Быйыл коронавирус пандемиясы башталгандан кийин кайра саналган бюджеттин таңкыстыгы 28-30 млрд сомду түзөрү белгилүү болгон. Читать дальше...

Ош шаарынын тургуну Кундуз Усупбаева сиңдисин 6-октябрга караган түнү унаа сүзүп кеткенин айтып, иш акыйкат тергелбей жатканына нааразы. Анын айтымында, бир тууганын ошол күнү кабыл алган травматолог Максат Келдибаев аны дарылабай туруп үйүнө чыгарып жиберген. Мындан улам ал ачкачылык жарыялаганын айтып мэриянын алдына плакат менен чыкты. Ал ишти УКМК жана ИИМдин башчылары жана Саламаттык сактоо министринин көзөмөлгө алуусун суранууда. Усупбаева ишти карабаган тергөөчү Илим Гуламов жабыркаган тараптан кабар алган эмес деп билдирди. Читать дальше...

Президенттин милдетин аткарып жаткан премьер-министр Садыр Жапаров 12-ноябрдагы басма сөз жыйынында абактарда күнөөсүз отурган адам көп экенин белгилеп, ырайым берүүдө соттолуучунун таржымалы дыкат караларын билдирди: “Мисалы, 5 миң адам түрмөдө отурса ошонун эки миңдейинин ичинде адилетсиз отурганы бар. Алар жалаң карапайым калктын балдары. Ырайым берүү боюнча эки миңдей адам жазган экен. Азыр Ырайым берүү комиссиясы, Жаза аткаруу мекемеси карап жатат. Мен дароо эле айтып койсом, булардын арасында киши өлтүргөн... Читать дальше...

12-октябрь күнү 50дөн ашык киши Эрматбек Исмаиловду Кара-Суу районуна аким кылып дайындоону суранып өкмөттүн Оштогу облустук өкүлчүлүккө келишти. Алар менен облус жетекчисинин биринчи орун басары Бактыбек Алайчиев жолугуп, өтүнүчүн жогорку бийлик өкүлдөрүнө жеткире турганын айтты. Исмаиловдун аким болуусун кубаттап баргандардын бири Арстанбек Абдышов топтолгондор Кара-Суу районунун ар кайсы айыл өкмөттөрүнөн экенин айтты: «Жалпы Кара-Суу районунда 16 айыл өкмөтү бар. Ошол айыл өкмөттөрдөн келе калган адамдар. Читать дальше...

Президенттин милдетин аткарып жаткан премьер-министр Садыр Жапаров кызматын тапшырар алдында жалпыга маалымдоо каражаттарына басма сөз жыйынын өткөрдү. Анда коррупцияга каршы күрөш, өлкөдөгү кен байлыктары, тышкы карыз жана конституциялык реформа тууралуу суроолорго жооп берди. Баш мыйзамдын жаңы долбоору Бул Кыргызстанда парламенттик шайлоодон кийин бийликке келген Садыр Жапаровдун президенттин милдетин аткаруучу катары биринчи жана акыркы басма сөз жыйыны болуп калды. Жапаровдун пресс-конференциясы... Читать дальше...

Минскинин Фрунзе райондук соту «Азаттык» радиосунун Беларус кызматынын кабарчысы Олег Груздиловичти 15 суткага камакка алды. 61 жаштагы журналист нааразылык акциясын чагылдырып жүргөндө «уруксатсыз митингге катышкан» деген айып тагышты. Груздилович Беларустагы таанымал журналисттердин бири, ал 25 жылдан бери «Азаттык» радиосунда иштеп келген. Беларус бийлиги журналисттин каттоосун жокко чыгарганы үчүн Груздилович “Элдин эрки” гезитинин атынан 25-октябрдагы нааразылык акциясын чагылдырганы барган. Читать дальше...

Президентин милдетин аткаруучу, өкмөт башчы Садыр Жапаров Орусия лидери Владимир Путин менен телефон аркылуу сүйлөшүп, эки тараптуу кызматташууну талкуулашты. Бул тууралуу президенттин басма сөз кызматы кабарлады. Жапаров Путинге Кыргызстанга көрсөткөн бардык жардамы үчүн ыраазычылыгын билдирди. Басма сөз кызматы тараткан маалыматта “сүйлөшүүнүн аягында Садыр Жапаров Кыргызстандын Орусия менен болгон мамилелерди мындан ары да стратегиялык өнөктөштүктүн өңүтүндө өнүктүрүү ниети бар экенине ишендирди”, - деп жазылат. Читать дальше...

Армениянын борбору Ереванда премьер-министр Никол Пашиняндын отставкасын талап кылган оппозициянын акциялары уланууда. 12-ноябрда шаардын борбордук көчөлөрүнө миңдеген адамдар чыгып, өкмөт башчысынын кызматтан кетишин талап кылышты. Алар «Чыккынчы, кет» деп кыйкырып жатышты. “Сасна Црер” партиясынын тарапкерлери да борбордук Эркиндик аянтында митинг өткөрүп, бирок полициянын эскертүүсүнөн соң мурда пландалган жүрүшүн уюштурган жок. Буга чейин армян бийлиги өлкөдө аскердик абал дале болсо күчүндө экенин айтып... Читать дальше...

АКШ өкмөтү бул өлкөнүн Эл аралык өнүктүрүү агенттиги (USAID) аркылуу Кыргызстандагы президенттик жана парламенттик шайлоого каражат бөлүү ниетин билдирүүдө. Бул тууралуу АКШнын Кыргызстандагы элчилиги кабарлады. Элчилик тараткан маалыматта “каражат Борбордук шайлоо комиссиясынын (БШК) демократиялык стандарттарды сактап, кыргыз мыйзамдарын туу тутуп, президенттик жана парламенттик шайлоолорду өткөрүүсү үчүн колдоо көрсөтөт” деп жазылды. Ошондой эле USAID Кыргызстандын көз каранды эмес демократиялык... Читать дальше...

Коррупцияга шек саналып кармалган Аламүдүн районунун прокурору Эдилбек Стакеев Кой-Таш окуясы боюнча айыптоочулар тобунун мүчөсү болгон. Бул тууралуу мурдагы президент Алмазбек Атамбаевди колдогон «Социал-демократтар» партиясынын басма сөз кызматы тараткан маалыматта айтылат. Кой-Таш окуясы боюнча айыпталгандардын кайрылуусунда кармалган прокурорду мурдагы бийликтин саясий буйруктарын аткарган деп сындап, тергөө мыйзам бузуу менен өткөрүлгөнү айтылат. Кайрылууда “Кой-Таштагы окуялар боюнча кылмыш иши 84 томдон турат. Читать дальше...

Аксынын Кербен шаарында 7-октябрдагы жапырт мушташта жараат алып каза болгон адамдын жакындары тергөө бир жактуу жүрүп, тополоң уюштургандар жазасыз калып, жабырлануучу тарапты басмырлап, окуянын күбөлөрүн кысымга алып жатканына даттанышты.

УКМК 12-ноябрда ички иштер министринин биринчи орун басары Сүйүн Өмүрзаковдун иниси, Ош облустук прокуратурасынын бөлүмүнүн прокурору Улукбек Өмүрзаковду көмүр кенин рейдерлик жол менен басып алууну уюштурушу мүмкүн деген шек менен кармаганын билдирди.

Дүйнөлүк рекорддор күнүнө карата 12-ноябрда Манасчы Дөөлөт Сыдыков узак мөөнөт “Манас” айтуу менен Гиннестин рекорддор китебине катталууга аракет кылууда. 2017-жылы 4-декабрда Сагынбай Орозбаковдун 150 жылдыгына карата «Үч күн, үч түн “Манас” айтуу» иш-чарасы болгон. «Манас» коомунун демилгеси менен борбор калаада, облустарда, аймактарда 3 күн, 3 түн “Манас” айтуу иш-чарасы уюштурулуп жүрөт. Манасчы Дөөлөт Сыдыков 12 саат “Манас” айтууну пландап жатат. Ал эртең мененки саат 9:47де “Манас” айта баштаган.

Орусиянын тышкы иштер министри Сергей Лавров оппозициячыл саясатчы Алексей Навальныйдын ишине байланыштуу Москва Германия менен Франциянын кызмат адамдарына каршы санкцияларды киргизе турганын билдирди. Буга чейин Европа Биримдиги атайын адистердин бүтүмүнөн соң оппозиционер Навальный «Новичок» уусу менен уландырылган деген жыйынтыкка келген. Буга байланыштуу Евробиримдик Орусиянын алты жаранына, анын ичинде президенттик администрациянын башчысынын биринчи орун басары Сергей Кириенкого, Федералдык... Читать дальше...

Президенттин милдетин аткарып жаткан премьер-министр Садыр Жапаров кызматын тапшырар алдында жалпыга маалымдоо каражаттарына басма сөз жыйынын өткөрдү. Анда коррупцияга каршы күрөш, өлкөдөгү кен байлыктары маселеси, тышкы карыз жана конституциялык реформа тууралуу суроолорго жооп берди. Жыйын 12-ноябрда Коомдук телерадио корпорациясында (КТРК) өттү.

Кошмо Штаттарда жетинчи күн катары менен COVID-19га бир суткада 100 миңден көп киши чалдыгып жатат. Арменияда 12-ноябрга белгиленген митингдин алдында 10 оппозициячыл саясатчыны полиция кармап кетти. Украинанын президенти Владимир Зеленский коронавируска чалдыгып, ооруканага жаткырылды.

Тышкы иштер министри Руслан Казакбаевдин Түркиядагы иш сапарынын алкагында Билим жана илим министрлиги менен түркиялык «Маариф» фонду Кыргызстанда менчик билим берүү мекемелерин ачуу жана иш алып баруу боюнча макулдашууга кол коюлду. Бул тууралуу Кыргызстандын Тышкы иштер министрлиги кабарлады.  Мекеме тараткан маалыматка ылайык, макулдашуунун долбоору эки өлкөнүн тийиштүү органдары тарабынан кылдат каралып чыккан. 2018-жылы Түркиянын президенти Режеп Тайып Эрдогандын 1-сентябрда Кыргызстандагы... Читать дальше...

Бишкек-Ош жолунда Төө-Ашуудагы жана Суусамыр аймагындагы аба ырайына байланыштуу кырсыктардын жана тыгындардын алдын алыш үчүн Сосновка өткөрмө жайынан жүк ташуучу машинелерди өткөрүүгө чектөө киргизилди. Бул тууралуу Чүй облустук жол кыймыл коопсуздугун камсыз кылуу башкармалыгы маалымдады. Чектөө качан алынары кабарланган жок. Ошондой эле 12-ноябрда жолдорго кум төгүлөт. Жол кыймыл коопсуздугун камсыз кылуу башкармалыгы тоолуу аймакта айдоочуларды сак болууга жана аралыкты сактоо чакырат. (TSh)

Ош облусунун аймагында 2020-жылдын тогуз айында 522 жол кырсыгы катталып, 107 жаран каза болгон. Миңге жакын киши ар кандай оор жаракат алган. Бул тууралуу Ош облустук ички иштер башкармалыгы билдирди. Мекеме тараткан маалыматка ылайык, Ош аймагында жол кырсыктарынын алдын алыш үчүн Жол кыймыл коопсуздугун камсыз кылуу башкармалыгы (ЖКККБ) туристтик милиция бөлүмү менен чогуу иш алып барууда. Алар айдоочуларга жол коопсуздугу жөнүндө баракчаларды таратып, негизги эрежелерди эскертип жатышат. ... Читать дальше...

Өнөр жайы, энергетика жана жер казынасын пайдалануу боюнча мамлекеттик комитеттин төрагасы Жыргалбек Сагынбаев Таластагы Жерүй кени жаңы жылга чейин иштей турганын билдирди.

Бүгүн, 12-ноябрда Бишкектин Октябрь райондук сотунда блогер Элмир Сыдымановдун иши боюнча процесс уланды. Анда адвокат экспертиза жүргүзгөн адистерди чакыруу өтүнүчүн келтирди. Судья бул өтүнүчтү канааттандырып, кийинки отурумду 18-ноябрга белгиледи. Адвокат Али Магеев “Азаттык” радиосуна билдиргендей, психиатриялык-психологиялык-лингвистикалык комплекстүү экспертизанын жыйынтыгы чыкты. Психиатр блогердин акыл-эси соо деген бүтүм чыгарган. Ал эми психологдун жана лингвисттин бүтүмдөрү боюнча... Читать дальше...

Нью-Йорк штатында коронавируска каршы чаралар кайрадан күчөтүлдү.

Бишкектин Свердлов райондук сотунда 12-ноябрда Матраимовдордун үй-бүлөсүнүн «Азаттык» радиосуна, мурдагы кабарчы Али Токтакуновго жана «Kloop.kg» сайттарына каршы жазган доо арызы боюнча соттук иш 11-декабрга жылды.  Соттун мындай чечимине "Ысмайыл Матраимов" атындагы фонддун өкүлүнүн жараянга келбей калганы себеп болду.   Сот бүгүн  "Азаттыктын" мурдагы кабарчысы, иликтөөчү журналист Али Токтакуновдун кийинки жараянга катышуусу боюнча чакыруу берди.  Матраимовдордун үй-бүлөсү «Азаттык» радиосун... Читать дальше...

Тоолуу Карабактагы 44 күндүк куралдуу кармаштан кийин Армения менен Азербайжан Москванын ортомчулугу астында тынчтык келишимине кол койду. Жыйынтыгы Азербайжанда чоң жеңиш катары мүнөздөлсө, Арменияда премьер-министр Никол Пашиняндын өкмөтүнө каршы маанайды күчөтүп койду.

Мурдагы депутат жана экс-маданият министри, «Айтыш» фондунун негиздөөчүсү Садык Шер-Нияз Борбордук шайлоо комиссиясына президенттикке талапкерлигин каттоо жөнүндө арыз тапшырды. Бул тууралуу анын тарапташтары «Фейсбук» социалдык тармагында кабарлашты. 11-ноябрда БШК президенттикке талапкерлигин каттоого арыз тапшыргандар 16 кишиге жеткенин кабарлаган. Буга чейин президенттикке талапкер болуш үчүн Адахан Мадумаров, Арстанбек Абдылдаев, Назарбек Нышанов, Кубан Чороев, Бектур Асанов, Бакыт Бакетаев... Читать дальше...