Новости за 03.11.2020

Кыргызстан тышкы карызынан өз ресурстары менен кутула алат. Бул тууралуу 3-ноябрда “Region” телеканалына курган маегинде президенттин милдетин аткаруучу, өкмөт башчы Садыр Жапаров билдирди. Ал тышкы карызды төлөө үчүн элден жардам сунуш кылынып жатканын, бул үчүн Финансы министрлиги президенттик фонд түрүндө атайын эсеп ачканын айтып, ал тууралуу эртең-бүрсүгүнү жарыяланарын кошумчалады. Ошону менен катар Жапаров бул маселени чечүүдө ички жаратылыш ресурстарын колдонуу мүмкүнчүлүгү каралып жатканын белгиледи: “Жолдору бар экен. Читать дальше...

Пандемия учурунда өтүп жаткан шайлоодо таптакыр эки башка көз караштагы талапкерлер президенттикке ат салышууда. 97 миллиондон ашык жаран алдын ала добуш берүү укугунан пайдаланды.

Жогорку Кеңеш бүгүн, 4-ноябрда жалпы жыйынга чогулуп, Борбордук шайлоо комиссиясынын (Боршайком) мүчөсүн шайлоо тууралуу маселени карайт. Бул тууралуу парламенттин маалымат кызматы кабарлады. Парламенттин Конституциялык мыйзамдар, мамлекеттик түзүлүш, сот-укук маселелери жана регламенти боюнча комитети кечээ Боршайкомдун мүчөлүгүнө Акылбек Сариевдин талапкерлигин жактырып, жалпы жыйындын кароосуна жөнөттү. 2010-2011-жылдары Боршайкомдун төрагасы, 2002-2008-жылдары мүчөсү болгон Сариев талапкерлиги коюлуп жатканын «Азаттыкка» тастыктап... Читать дальше...

Манасчылык өнөрдү Гиннестин рекорддор китебине киргизүү максатында Бишкекте атайын акция өтөт. Бул тууралуу “Азаттык” радиосуна иш-чаранын уюштуруучусу, журналист Элнура Кулуева билдирди. 12-ноябрда Бишкектин Ала-Тоо аянтында айнектен жасалган боз үй тигилип, тийиштүү акустикалык аппараттар коюлуп, манасчы Дөөлөт Сыдыков сааттап “Манас” айтат. Кулуева белгилегендей, акциянын максаты – кыргыздын “Манас” эпосун, манасчылык өнөрдү, анын уникалдуулугун, өзгөчөлүгүн дүйнө жүзүнө жайылтуу жана даңазалоо... Читать дальше...

Жогорку сотто мурдагы президент Алмазбек Атамбаевдин кеңешчиси Икрамжан Илмияновдун иши каралды. Бул тууралуу “Азаттыкка” мекеменин маалымат кызматы кабарлады. Башкы сот органына кассациялык даттануу менен Бишкек шаардык прокуратурасы кайрылган. 3-ноябрдагы отурумда Жогорку сот шаардык соттун жазалоо өкүмүн күчүндө калтырып, редакциялык гана өзгөртүү киргизди. Атамбаевдин эң ишенимдүү адамдарынын бири катары аты чыккан Илмиянов 2018-жылы октябрда кармалганын Улуттук коопсуздук боюнча мамлекетик комитет (УКМК) кабарлаган. Читать дальше...

Бишкекте муниципалдык менчиктеги жер участогун пайдаланганы үчүн ижара акысын төлөбөй жүргөндөрдүн шаардык бюджетке карызы 380 миллион сомго жетти. Бул тууралуу шаар башкармалыгы кабарлады. 3-ноябрда мэрия ижара боюнча карызы бар ишкерлерге кайрылып, мыйзамдарды сактоого жана келишимдин шарттарын аткарууга чакырды. Айрымдары менен түзүлгөн келишимдерди бир тараптуу токтотууга мажбур болорун эскертти. Мэриянын маалыматына караганда, ижара акысын төлөбөй же шаарга таандык жерди башка максатта пайдаланып жаткан ишкерлердин саны 223тү түзүүдө. Читать дальше...

Кыргызстан Борбор Азия өлкөлөрүнүн коронавирустан кийинки экономикасын калыбына келтирүү маселесине арналган аймактык форумга катышат. АКШнын Эл аралык өнүгүү агенттиги (USAID) быйыл онунчу жыл уюштуруп жаткан аймактык соода боюнча эл аралык форум виртуалдык форматта 16-20-ноябрь күндөрү өтөт.  Быйылкы форумдун темасы – “Борбор Азия – өнүгүү жана гүлдөп өсүү”. Ага эл аралык жана жергиликтүү эксперттер катышып, пандемияга байланыштуу киргизилген чектөөлөрдүн аймактагы бизнеске тийгизген таасири... Читать дальше...

АКШдагы айрым штаттардын губернаторлору Улуттук Гвардияга жана өлкөдөгү соода тармактарынын кожоюндарына президенттик шайлоодон кийинки ыктымал башаламандыкка даяр турууну эскертишти. Вашингтондун борборунда бир нече ишкана жана мамлекеттик мекемелер имараттарынын терезе-эшиктерин бекемдеп жапты. Нью-Йоркто болсо көптөгөн дүкөн, ресторан жана мейманканалар да коопсуздук чараларды көрүштү. Дал ушундай эле көрүнүш Дэнвер, Миннеаполис жана Лос-Анжелесте бар. АКШда чоң соода түйүндөрү быйылкы коронавирус... Читать дальше...

Президенттин милдетин аткаруучу, премьер-министр Садыр Жапаров 3-ноябрь күнү Ошто иш сапары менен болду. Анын эл менен жолугушуусу борбордук стадиондо өтүп ага 5 миңге чукул киши катышты.

Президенттин милдетин аткаруучу, премьер-министр Садыр Жапаров Кыргызстан парламенттик башкаруу системасына өткөндөн бери өлкөдө эл менен бийликтин ортосундагы байланыш жоголду деп эсептейт. Мындай пикирин ал 3-ноябрда “Region” телеканалына курган маегинде айтты. Сунуштала турган конституциялык реформа жөнүндө айтып жатып ал президенттик башкарууга өтүү жана курултай институтун киргизүү зарылдыгын белгиледи: “2007-жылдан баштап партиялык система деди. Партиянын башына бир лидерди алып келет, калганынын баарын эл тааныбайт... Читать дальше...

Азербайжан Тоолу Каарбактагы бир айдан ашык убакыттан бери уланып жаткан куралдуу кагылышуудан каза болгон тынч жарандардын саны 91 кишиге жеткенин билдирди. Бул тууралуу өлкөнүн прокуратурасы кабарлады. Андагы маалыматка караганда, кагылышуудан жарадар болгон жарандардын саны 400дөн ашык. 3-ноябрда Азербайжандын Коргоо министрлиги армян аскерлери Физули шаарын оор аскердик куралдан аткылаганын билдирди. Буга чейин расмий Баку Физули шаары соңку операциялардын жүрүшүндө бошотулганын кабарлаган эле. Читать дальше...

Казакстанда активист аялдар бийликтин саясий куугунтугуна каршы чыгып, чачын кырып салышты. АКШда президенттик шайлоо өтүүдө. Австриянын полициясы Венада жөн-жай тургундарга ок аткандарды издеп жатат.

Франциянын борбору Парижде ар 30 секундада коронавирус бир адамга жугуп, шаардагы ооруканаларга ар 15 мүнөттө бир бейтап кайрылып жатат. Мындай статистиканы Франциянын саламаттык сактоо министри Оливье Веран айтты. Ал «RTL Radioдогу» маегинде Париждин мэри Анн Идальгонун кичи дүкөндөрдү ачуу тууралуу сунушун комментарийлеп, мындай чечим өлкөдө коронавирустун жайылышын шартташы мүмкүн экенин белгиледи. 2-ноябрда Францияда 52 миңден ашык адамдан вирус табылды. Бул пандемия башталган учурундан берки эң жогорку көрсөткүч болуп калды. Читать дальше...

Пандемия учурунда өтүп жаткан шайлоодо таптакыр эки башка көз караштагы талапкерлер президенттикке ат салышууда. 97 миллиондон ашык жаран алдын ала добуш берүү укугунан пайдаланды.

Кыш жакындаган сайын дүйнөдө коронавируска кабылгандар көбөйүүдө. Украинанын саламаттык сактоо министри абал оор экенин жана мындан да начарлашы мүмкүн экенин эскертти. Ал эми Францияда ар 30 секундада бир адам коронавирус жуктуруп жатканы маалым болду.

Австриянын борбор шаары Венадагы кол салуудан жабыркагандардын арасында кыргызстандыктар жок. Бул тууралуу 3-ноябрда Кыргызстандын Австриядагы элчилигинин маалыматына таянып өлкөнүн Тышкы иштер министрлиги кабарлады. Коркунуч ыктымалдыгы жогору болуп жаткандыктан Венадагы кыргыз жарандарына эл көп топтолгон жерлерге барбай, коомдук транспортко түшпөй коё туруу сунушталды. 2-ноябрда Венанын алты жеринде ок атуу менен коштолгон кол салуу болгон. Соңку маалыматка караганда, төрт адамдын өмүрү кыйылды, 18 адам түрдүү жараат алды. Читать дальше...

Экономикалык кылмыштарга каршы күрөш боюнча мамлекеттик кызмат (Финансы полициясы) Кыргызстандан Кытайга 180 миллион долларды мыйзамсыз чыгарып кеткен адамды кармады.

Соңку күндөрү Кыргызстанда азык-түлүктүн баасы күндөн-күнгө кымбаттап жатат. Монополияга каршы жөнгө салуу боюнча мамлекеттик агенттиктин маалыматына караганда, кымбатчылыкка доллардын кунунун өсүшү жана тышкы жагдайлар себеп болууда. Кыргызстан азык-түлүктүн 60% ашыгын чет өлкөдөн ташыйт. Мунун айынан азык-түлүктүн баасы дагы өсүшү мүмкүн деген божомолдор бар.

Кошмо Штаттарда президенттик шайлоо өтүп жатат. Анда Республикалык партиядан 74 жаштагы президент Дональд Трамп жана Демократиялык партиядан 78 жаштагы мурдагы вице-президент Жо Байден ат салышууда.

Мамлекет башчынын милдетин аткарып жаткан өкмөт башчы Садыр Жапаровго Алай районунун тургуну Исабай Сулайманов кайрылып, бажыдагы коррупция жөнүндө айтып берди. Сулаймановдун пикиринде бажыда жүктөрдү документтештириш үчүн акча сураган көрүнүштөр жоюла элек. Ошондой эле ал бажыда артыкчылык берилип келген деп «Абу-Сахий» ишканасынын ишмердүүлүгүн коррупцияга байланыштуу айыптады. «Угуп, билип жүрөсүз. 2007-жылдан бери «Абу-Сахий» деген мите курт пайда болгон. 2007-жылдан бери биздин эсептөөбүз... Читать дальше...

3-ноябрда тышкы иштер министри Руслан Казакбаев Түркиянын Кыргызстан менен кызматташкан ишкер чөйрөсүнүн өкүлдөрү менен жолугушту. Бул тууралуу ТИМдин сайты жазды. Маалыматка караганда жолугушууда министр Измирдеги зилзала курмандыктарына байланыштуу көңүл айтып, жабыр тарткандардын тезирээк сакайып кетишин каалады. Кыргызстандын бийлигинин коронавируска каршы күрөш, саясий турукташтыруу, конституциялык реформа жүргүзүү багытында жасап жаткан аракеттери тууралуу маалымат берди. Кыргызстанда иштеп... Читать дальше...

Түркиянын Измир аймагында 30-октябрда болгон жер титирөөдө кыргызстандык үч мигрант жашаган батир жарактан чыгып калган. Алардын кийим-кечеги, документтери ураган үйдүн ичинде калып, учурда иштеген жерлеринде баш калкалап турушат.

Уюшкан кылмыштуу топтун мүчөсү деген шек менен кармалган адам оозун тигип, билек тамырларын кесүүгө аракет кылды. 28-октябрда Данияр К. аттуу жаран Түркиянын атуулунан Камчы Көлбаев үчүн 20 миң сом опузалап өндүрдү деп шек саналып, Бишкек шаардык ички иштер башкармалыгынын убактылуу кармоочу жайына камалган. Анын жактоочусу Самат Матцаков «Азаттык» радиосуна: «Данияр өзүн «уюшкан кылмыштуу топтун мүчөсү эмесмин» деп жатат. Ал өзүнө карата милиция психологиялык-моралдык кысым жасаганын айтты. 1-ноябрда... Читать дальше...

Австриянын полициясы Венада жай тургундарга ок аткан куралчандарды издеп табуу үчүн ири операция жүргүзүүдө. Бийлик полиция атып өлтүргөн шектүү Австрия менен Түндүк Македониянын жарандыгын алган 20 жаштагы жигит экенин билдирди.

Түркмөнстандын бийлиги жарандардын өлкө аймагында кийинки жылдын 1-январына чейин себепсиз сапарга чыгышына чектөө киргизди. Мындай чектөө расмий эмес мүнөздө болуп, коронавирусту жайылтпоо максатында болушу мүмкүн. Түркмөнстандын бийлиги өлкөдө коронавирус бар экенин расмий түрдө тааныбай келет. «Азаттыктын» түркмөн кызматы кабарлагандай, жолго чыгууну каалагандар атайын комиссиядан уруксат алышы керек болот. Бул комиссиянын курамына полициянын, Миграциялык кызматтын, Улуттук коопсуздук министрлигинин... Читать дальше...