Новости за 11.11.2020

Арменияда миңдеген адамдар өлкөнүн премьер-министри Никол Пашиняндын кызматтан кетишин талап кылышты. Шаардын борбордук Эркиндик аянтына топтолгон адамдар Пашиняндын Тоолуу Карабак боюнча үч тараптуу келишимге кол коюшун айыптап, кыйкырып жатышты. Акциянын жүрүшүндө полиция менен кагылыш орун алып, бир нече демонстрант кармалды. Еревандагы митингде сүйлөп жатып, Армян революциялык федерациясы кыймылынын лидери Ишхан Сагательян “согуш Пашиняндын ирээтсиз саясатынан улам тутанганын” билдирди. Түнкү 12ге чейин парламент чукул жыйынга чогулуп... Читать дальше...

Бишкекте кыргыз өкмөтүнүн аппаратынын мурдагы башчысы Самат Кылжыевдин кармалганы кабарланды. Бул тууралуу «Азаттыкка» ишенимдүү булактар кабарлады. Маалыматка ылайык, Кылжыев сурактан кийин кармалган. Бирок Улуттук коопсуздук мамлекеттик комитети расмий түрдө Кылжыевдин кармалганы жөнүндө маалымат тарата элек. Айрым маалымат каражаттары Самат Кылжыевдин үйүндө тинтүү болгонун жазып чыгышты. Буга чейин Кылжыев «Скай Мобайл» компаниясына берилген радио жыштык боюнча иштин алкагында сурак берип жүргөнү кабарланган. Читать дальше...

Дональд Трамп АКШдагы президенттик шайлоодо Аляска штатындагы добуш берүүнүн жыйынтыгында жеңүүчү деп табылды, бирок ал шайлоонун жалпы жыйынтыгына таасир этпейт. Америкалык маалымат каражаттары шайлоодон сегиз күн өткөндөн кийин Аляскадагы добуш берүүнүн жыйынтыгын жарыялашты. Мындай жол менен шайлоочулар коллегиясынын үч добушу Трампка кошулуп, расмий түрдө 217 добуш болду. Бул сан азыркыга чейин шайлоочулар коллегиясынын 279 добушун алган Демократиялык партиянын талапкери Жо Байдендин жыйынтыгы менен салыштырганда алда канча аз. Читать дальше...

Ферганада Сох окуясы үчүн айыпталган 22 адамдын сот жараяны башталды. Ишти облустук сот 9-ноябрда карай баштаганын жергиликтүү "Дарё" кабар агенттиги маалымдады.

АКШ Беларус бийлигинин эки британ дипломатын өлкөдөн чыгаруу чечимин айыптады. Бул тууралуу 11-ноябрда Кошмо Штаттардын расмий өкүлү Кейл Браун жасаган билдирдүүдө айтылат. Анда «Бул беларус бийлиги актоого болбой турган жана негизсиз кадамы - демократия үчүн күрөштө беларустар, активисттер, маалымат каражаттарынын өкүлдөрү күн сайын туш болгон куугунтуктар менен репрессияны жаап- жашыруунун акыркы аракети», -деп белгиленген. Мамдепартаменттин өкүлү беларус бийлигин элдин талабына көнүп, куугунтукту токтотуп, кайра шайлоо өткөрүүгө чакырды.

Кыргызстанда гепатитке чалдыккандар жана алардын жакындары бүгүн, 11-ноябрда Бишкекте Саламаттык сактоо министрлигинин алдына нааразылык акциясына чыгышты. Министрликтин алдына чогулгандар 50 кишиге жеткени айтылып жатат.

Нурлан Дарданов башкы прокурордун биринчи орун басары, Нурлан Дүйшембиев башкы прокурордун орун басары кызматынан бошотулду. Тиешелүү буйрукка президенттин милдетин аткаруучу Садыр Жапаров 11-ноябрда кол койгонун президенттик аппараттын маалыматтык саясат бөлүмү маалымдады. Садыр Жапаров ушул эле күнү башка буйруктары менен Нуркамал Набиевди башкы прокурордун биринчи орун басары, Турусбек Ишеналиев жана Абай Молдокматовду башкы прокурордун орун басары кылып дайындады. Сагындык Мукашов башкы прокурордун орун басары ... Читать дальше...

Коронавируска каршы орусиялык «Спутник V» вакцинасынын натыйжалуулугу 92 пайызды түздү. Бул тууралуу вакцинаны өндүрүүнүн үстүнөн иштеп жаткан Гамалея атындагы эпидемиология жана микробиология изилдөө институтунан кабарлашты. Андагы маалыматка караганда, сыноо тажрыйбасына катышкан 16 миңден ашык ыктыярчынын 92 пайызына вакцина эффективдүүлүгүн көрсөткөн. Орус изилдөөчүлөрү мындай билдирүүнү америкалык "Pfizer" жана германиялык "BioNTech" компаниялары өз вакцинасынын эффективдүүлүгү 90 пайыздан ашканы жөнүндө жарыялаган соң таратты. Читать дальше...

Арменияда Тоолуу Карабак келишимине байланыштуу саясий кризис курчуп баратат. АКШнын Коргоо министрлиги 10-ноябрда Пентагондун айрым башчылары алмашканын билдирди. Коронавирустун айынан Москвада 13-ноябрдан тарта чектөө чаралары катаалдашат.

Жогорку Кеңеш 6-октябрдагы элдик толкундоодон кийин парламентке өтүүнүн жол-жобосун жеңилдеткен мыйзам долбоорун кабыл алган. Бул мыйзамга мамлекет башчынын милдетин аткаруучу, өкмөт башчы Садыр Жапаров кол койду.  Шайлоо мыйзамдарына өзгөртүү киргизүү тууралуу мыйзам долбоору парламентте кызыл чеке талаш менен кабыл алынган. Жогорку Кеңештин 21-октябрдагы жыйынында мыйзамдын авторлорунун бири, депутат Алтынбек Сулайманов шайлоо мыйзамын өзгөртүү 6-октябрда көчөгө чыккан жаштардын талабы болгонун белгилеп... Читать дальше...

Кара-Кечеде көмүр ташыган "КамАЗ" кырсыкка учурап, бир киши каза болду. Айдоочулар буга жаңы салынган жолдо коопсуздук чаралары каралбаганы себеп болду дешет.

Сауд Арабиясындагы Жидда шаарында Биринчи дүйнөлүк согуштун аяктаганынын 102 жылдыгына арналган эскерүү иш-чарасы өтүп жатканда жардыруу болду. Иш-чара шаардагы мусулман эместердин мүрзөсүндө өтүп жаткан. Жардыруудан төрт киши жарадар болгону кабарланууда. Бул иш-чарага Европа Биримдигине кирген өлкөлөрдүн элчиликтеринин өкүлдөрү катышып жаткан. Анын ичинде француз консулдугунун кызматкери да болгон. Франциянын Тышкы иштер министрлиги муну «коркок, эч качан актоого болбой турган кол салуу» деп атады. Читать дальше...

Кыргызстанда коронавирус пандемиясы жана соңку саясий окуялар ансыз да араң дем алып жаткан өлкө экономикасын оор абалга кептеди. Ушу тапта өкмөт антикризистик пландарды даярдап жатканын билдирүүдө. Ал программалар канчалык эффективдүу боло алат, деги эле алдыдагы тобокелдиктер кандай жана кырдаалдан чыгуунун жолдору барбы? Студиянын коноктору - мурдагы экономика министри Эмил Үмөталиев, экономика министринин орун басары Автандил Алыбаев, Эл аралык ишкерлер кеңешинин аткаруучу директору Аскар Сыдыков... Читать дальше...

Жаза аткаруу мамлекеттик кызматы (ЖАМК) Бишкектеги №47 абакта отурган «мыйзамдагы ууру» атыккан Камчыбек Көлбаев (Камчыбек Асанбек) жана башка соттолуучулардын Интернетке тараган видеосу боюнча түшүндүрмө берди. ЖАМК 5-ноябрда «Тарых жана ата-бабаларды эскерүү күнүнө» карата абакта кичи футбол боюнча мелдеш жана менюга ылайык футбол аянтчасында соттолуучуларга тамак берилгенин кабарлады. «Түшкү тамактануу учурунда жупуну дасторкон жайылып, анда спорттук иш-чаранын жыйынтыгы чыгарылды, ошондой эле диний жөрөлгөлөр (Куран окуу) өткөрүлдү»... Читать дальше...

Президенттин милдетин аткарып жаткан премьер-министр Садыр Жапаров 11-ноябрда «Кыргыз Республикасынын президентин жана Жогорку Кеңешинин депутаттарын шайлоо жөнүндө» мыйзамга өзгөртүүлөрдү киргизүү тууралуу мыйзамга кол койду. Ага ылайык, парламентке өтүүнүн шайлоо босогосу азыркы жети пайыздан үчкө, шайлоо күрөөсү беш миллион сомдон бир миллион сомго ылдыйлатылды. Ошондой эле Кыргызстандын ичинде №2 форма менен добуш берүү ыкмасы жоюлду. Мындай документ менен чет өлкөдө жүргөн кыргызстандыктар гана добуш бере алат. Читать дальше...

Ысык-Көлдүн тургуну Бакытбек Жакиев машинеси менен айыл аралап, массаж жасайт. Үч жылдан бери бул кесипти аркалап келген жигитти Тоң районунда жакшы таанышат. Өзгөчө жай мезгилинде анын кардарлары арбыйт. Бакытбек пандемия бүтсө, Көлдү айланып иштөөнү жана шакирттерин көбөйтүүнү максат кылууда.

Чет элдик инвесторлордун каражатына иштеп жаткан компанияларга кол салуу фактылары терең иликтенип, айыптуулар жазага тартылмайынча мындай кооптуу көрүнүш улана бериши ыктымал. Бул тууралуу 11-ноябрда «Азаттыктын» «Эксперттер талдайт» талкуусунда Эл аралык ишкер кеңештин аткаруучу директору Аскар Сыдыков билдирди. Ал инвестициялык капитал өлкөдөн чыгып кетип жатканын тастыктады: «Эгерде жылдын биринчи жарымында пандемиядан улам чыгарылса, азыр ага саясий кризис кошулду. Саясий кризис учурунда жеке менчикти басып алуу аракеттери... Читать дальше...

Армениянын борбору Ереванда өкмөттүн кызматтан кетишин талап кылган оппозициянын тарапкерлери менен полиция кагылышты. Шаардагы борбордук Эркиндик аянтына чыккан миңдеген демонстранттар Тоолуу Карабак боюнча үч тараптуу келишимге кол койгон премьер-министр Никол Пашиняндын кызматтан кетишин талап кылып жатышат. Алар «Никол чыккынчы» деп кыйкырып жатышат. Армян полициясынын атайын бөлүгү алардын бир бөлүгүн кармап кетти. Кармалгандардын арасында оппозициячыл «Гүлдөгөн Армения» партиясынын лидери Гарик Царукян да бар экени кабарланды. Читать дальше...

Кыргызстанда мөөнөтүнөн мурда президенттик шайлоого катышуу үчүн Борбордук шайлоо комиссиясына (Боршайком) кайрылгандардын саны 15 киши болду. Бүгүн, 11-ноябрда Конституциялык палатанын мурдагы судьясы Клара Сооронкуловадан тышкары дагы эки жаран – “Альфа-Телеком” ишканасынын кызматкери Азамат Эсенбеков, Чехиядагы Нью-Йорк университетинин студенти  Аймен Касенов жана "Чындык" партиясынын лидери Кубанычбек Кадыров кайрылышты. Кыргызстанда 4-октябрда кезектеги парламенттик шайлоо өтүп, анын бурмаланган... Читать дальше...

Бишкектин Свердлов райондук сотунда кримтөбөл Азиз Батукаевдин түрмөдөн мыйзамсыз бошотулушуна байланыштуу мурдагы башкы прокурор Аида Салянованын ишин кароо 11-ноябрда уланды. Аида Салянованын тууганы Чынара Турдалиева «Азаттыкка» билдиргендей, бүгүнкү сотто башкы прокурордун мурдагы орун басары Людмила Усманованы мажбурлап алып келүү тууралуу соттун чечими аткарылган жок. Усманова сотто Салянованын туугандары басым көрсөтүп жатат деген негизде жана коронавирус пандемиясына байланыштуу саламаттыгынан чоочулап жараянга өзү келген эмес... Читать дальше...

Венгрияда Будапешт театр жана кино университетинин окутуучулары жана студенттери коронавируска байланыштуу нааразылык акциясын токтотушту. Алар премьер-министр Виктор Орбандын окуу жайынын башкаруу укугун чектеген чечимине каршылык иретинде 71 күндөн бери акцияларды уюштуруп келишкен. Буга чейин Венгриянын өкмөтү 11-ноябрдан тартып коронавируска чалдыккандар көбөйгөндүктөн жарым-жартылай карантин киргизген. Бул өлкөдө 10-ноябрда жугуштуу илдеттен улам 103 адам каза болгону кабарланды. Жаңы чектөөлөргө ылайык... Читать дальше...

Кыргыз өкмөтү ишкерлерге колдоо көрсөтүү боюнча жаңы программа иштеп чыгууда. Бул тууралуу 11-ноябрда «Азаттык» радиосунун «Эксперттер талдайт» талкуусунда экономика министринин орун басары Автандил Алыбаев билдирди. Анын айтымында, жалпысынан буга чейин быйыл ишкерлерге жардам берүү максатында төрт план иштелип чыккан. Аларда коронавирус пандемиясынан улам киргизилген чектөөлөрдөн жабыркаган жеке ишкерлерге жеңилдетилген насыя берүү, текшерүүлөргө мораторий киргизүү каралган. Алыбаев бул чараларды... Читать дальше...

Бишкекте бүгүн, 11-ноябрда жалпы жонунан сегиз нааразылык акциясы өттү. «Караван» соода борборунун ижарачылары кезектеги акция уюштуруп, соода күркөлөрүн электрондук сатып алуу порталынан алууну талап кылышты. Гепатитке чалдыккандар дары-дармектин, эмдөө үчүн вакцинанын кымбаттыгын чечип берүү, гемодиализ алгандар өз маселелерин чечүү тууралуу талаптар менен Саламаттык сактоо министрлигинин алдына чыгышты. «Түндүкэлектр» ишканасынын бир топ кызматкерлери кайрадан Өкмөт Үйүнүн алдына чыгып, мурдагы жетекчини кайра кызматка дайындоону... Читать дальше...

Кара-Кечеде көмүр ташыган "КамАЗ" кырсыкка учурап, бир киши каза болду. Айдоочулар буга жаңы салынган жолдо коопсуздук чаралары каралбаганы себеп болду дешет.

Армениянын өкмөтү премьер-министр Николь Пашиняндын кызматтан кетишин талап кылган оппозицияны «төңкөрүш» аракетинен карманууга чакырды. Буга чейин оппозиция 11-ноябрда нааразылык акциясын өткөрөрүн жарыялаган. Бирок полиция 27-сентябрда Тоолуу Карабакта башталган салгылашуулардан улам өлкөдө жарыяланган аскердик абал дагы эле күчүндө экенин, митингдерге уруксат берилбей турганын эскертти. Биринчи вице-премьер-министр Тигран Авинян өкмөттүн кызматтан кетүү ыктымалдыгын жокко чыгарбаганы менен «мамлекеттик төңкөрүшкө» жол бербөөгө чакырды... Читать дальше...