Новости за 27.11.2020

Дүйнө коомчулугу быйыл атактуу казак акыны Абай Кунанбай уулунун 175 жылдык мааракесин белгилеп жатат. Тарыхчы Т.Чоротегин Абай өз доорунун айтылуу заманачыларынын кыртышынан жаңы сереге өнүп чыккан ойчул акын болгондугун өз блогунда баса белгилейт.

Пакистандын ар кыл этностогу уруулар жашаган Түндүк Вазиристан аймагында курулушта иштеп жаткан төрт куруучу өлтүрүлдү. Окуя Мирали шаарынын жанында болгон. Пакистандын куралдуу күчтөрүнүн инженердик бригадасында иштеп жаткан алты адамды атып кетишкен. Түндүк Вазиристандын полициясынын башчысы Шафиулла Гандапур учурда аталган район курчалып, кылмышка шектүүлөрдү кармоо операциясы жүрүп жатканын билдирди. Ооганстан менен чектешкен бул аймакта өкмөттүк кызматкерлерге кол салуулар көп катталат.... Читать дальше...

Кыргызстандын өнөрпоз жаштары үй-бүлөлүк зомбулукка каршы 16 күндүк өнөктүктү жигердүү колдоп чыгышты. "Азаттыктын" кабарчысы Айгерим Акылбекова баяндайт.

Александр Лукашенко Беларуста жаңы конституция кабыл алынган соң кызматтан кетерин жарыялады. Бул тууралуу БелТА маалымат агенттиги жазып чыкты. Лукашенко Минсктеги ооруканага барган учурунда “Жаңы конституция кабыл алынган учурда силер менен президент катары иштешпей калган болом”, - деп айткан. Ал жаңы конституция качан кабыл алынарын тактаган эмес. Бирок Беларус Баш мыйзамын жана президенттин укуктары боюнча өзгөртүү киргизүү зарылдыгын белгилеген. Лукашенко буга чейин Конституцияны өзгөртүү... Читать дальше...

Президенттикке ат салышууга арыз бергендердин бири - экономика министринин мурдагы орун басары Элдар Абакиров. Ал “Азаттык” менен болгон маегинде Кыргызстанда парламенттик башкарууну бекемдеп, бийликтин тең салмактуулугун камсыз кылган система түзүүнү жактай турганын айтты.

Ирандын өзөктүк программасынын жетекчилеринин бири, физик Мохсен Фахризаде Тегерандын жака белиндеги шаарчада өлтүрүлдү. Бул тууралуу Ирандын мамлекеттик телеканалы баштаган маалымат каражаттары жазып чыкты. Ирандын Ислам ыңкылабынын сакчылары корпусуна жакын Fars маалымат агенттиги окуянын күбөлөрүнүн сөзүнө таянып, алгач жардыруу болуп, андан соң атылган октун үнү угулганын жазып чыкты. Андагы маалыматка караганда, Фахризаде түшкөн автоунааны белгисиз адамдар аткылашкан. Анын кесепетинен физик жараат алып, оорукананага жеткирилген. Читать дальше...

«Клооп» басылмасынын Чаткалдагы алтын казуунун күнгөй-тескейин иликтеген кабарчысы Аскарбек Мырзабеков 25-ноябрь күнү милицияга суракка чакырылды. Муну редакция басым катары баалады.

27-ноябрда кечинде УКМКнын төрагасынын мурдагы орун басары, генерал-майор Дүйшөнбек Чоткараевди күч органдары кармап кетти. Бул тууралуу президенттик шайлоого талапкер болуш үчүн арыз жазган УКМКнын экс-төрагасы Абдил Сегизбаев билдирди. Анын айтымында, Чоткараев Сегизбаевдин шайлоо штабынын башчысынын орун басары болуп иштеп жаткан. «Чоткараев менин талапкерлигим үчүн кол топтоо иштерин координациялап жаткан. Аны кармоону саясий кысым катары баалайм. Бизди шайлоого катыштырбоо аракети болуп жатат», - деди Сегизбаев. Читать дальше...

Америка Кошмо Штаттары Кыргызстанда конституциялык реформа боюнча референдумду жазга же андан кийинге калтыруу боюнча сунушту кубаттайт. Бул тууралуу АКШнын Кыргызстандагы элчилиги 27-ноябрда тараткан билдирүүдө айтылат. Анда элчилик кыргыз элине өз мамлекетин кандайча башкаруу зарыл экени боюнча бир пикирге келиш үчүн убакыт керек экенин белгилеген. «Конституцияга киргизилчү бардык өзгөртүүлөрдү кыргыз эли кеңири коомдук талкуудан кийин чечиши керек. Конституциялык кеңешме жарандык коомдун,... Читать дальше...

Саясатчы, Бектур Асанов мөөнөтсүз ачкачылык жарыялай баштады. Ал муну сотто акталбай, иши каралбай жатканы менен байланыштырууда. Президенттик шайлоого катышуу ниетин билдирген Асановду Борбордук шайлоо комиссиясы соттуулугу жоюла элек деген негиз менен жарыштан четтеткен.

Түркмөн бийлиги 45 жаштан өткөн адамдарга өлкө ичинде бир аймактан экинчисине барууга чектөө киргизди. АКШ президенти Дональд Трамп эгер шайлоочулар коллегиясы Жо Байденди жеңүүчү деп атаса, Ак үйдөн кетүүгө даяр экенин айтты. Британиялык «AstraZeneca» фармацевтик компаниясы коронавирустун вакцинасын кошумча иликтөөгө киришти.

Орусиялык оппозиционер Алексей Навальный Евробиримдикти орус президенти Владимир Путинге жакын олигархтарга санкция киргизүүгө чакырды. Бул тууралуу ал Европарламенттин эл аралык иштер боюнча комитетиндеги онлайн талкуунун жүрүшүндө билдирди. Жыйынга Навальный менен катар орусиялык оппозиционерлер Илья Яшин, Владимир Кара-Мурза, Владимир Милов катышты. Алексей Навальный Евробиримдикти Орусия менен кызматташтыктын жаңы стратегиясын иштеп чыгууга үндөдү. Ал ошондой эле Европа Биримдигине президент... Читать дальше...

УКМК 12-мартта Түп райондук ички иштер бөлүмүнүн беш кызматкери келе жаткан машинени токтотуп, баңгизатка байланыштуу кылмышка шектүү катары милициянын капитаны Айбек Жакыповду кармаган.

Баш мыйзамды өзгөртүүнү колдогондор Конституциянын жаңы долбоору 10-январда референдумга чыгарылбай калганын айтышууда. Анын ордуна башкаруунун формасын тандоого коюу тууралуу сунуш берилди. Ал эми Конституциялык реформага каршы чыккандар өлкөдөгү саясий, экономикалык кризисти эске алып бул маселени президенттик жана парламенттик шайлоодон кийин талкуулаш керек деп эсептешет. Алар ушул жол мыйзамдуу экенин, ошондой эле бардык тараптардын пикири да эске алынарын белгилешти. Конституцияны өзгөртүүнү... Читать дальше...

Кой-Таш окуясы боюнча сотко мурдагы президент Алмазбек Атамбаевге карата козголгон үч иш кошулганына байланыштуу, 27-ноябрга белгиленген сот жараяны болгон жок. Буга «Кой-Таштагы жер тилкеси» боюнча иште айыпталып жаткан экс-мэр Албек Ибраимовдун өлкөдө жоктугу себеп болду. Атамбаевдин адвокаты Замир Жоошевдин «Азаттыкка» билдиргенине караганда, адвокаттар соттон бириктирилген иштерди өз алдынча бөлүп кароону өтүнүшмөкчү. «Биринчи май райондук сотунда каралып жаткан Кой-Таш окуясы тууралуу иштен... Читать дальше...

Кыргыз өкмөтү коронавируска кабылган медицина кызматкерлерине кенемте төлөө үчүн документтерди кабыл алууну убактылуу токтотту.

«Кыргызстанды кыйнап, коррупция кылып, байып, саясатка киришкендер, кландардын башчылары, өндүрүштү басып алгандар элдин 0,1% да түзбөйт. Бирок алар бүгүнкү күнү өлкөнү бузуп, элди кыйнап атышат». Мындай пикирин коомдук ишмер, экс-спикер, мурдагы биринчи вице-премьер-министр Алмамбет Матубраимов «Азаттыктын» «Бийлик сырлары» программасындагы маегинде билдирди. Анын айтымында ушул бир ууч кишилер жаатташууну, тирешүүнү, коррупцияны токтотсо, өлкө өнүгүп, эл кыйналбайт эле. «Калыстык кылып, өлкөнү туңгуюктан чыгарыш керек. Читать дальше...

Жогорку Кеңештин мурдагы депутаты, президенттикке талапкерлигин койгон саясатчы Садык Шер-Нияз конституциялык реформанын алдында башкаруунун формасын аныктап алуу тууралуу сунуштан улам Конституциялык кеңешме ишин токтотушу керек деп эсептейт. Бул тууралуу ал 27-ноябрда «Азаттыктын» суроолоруна жооп берип жатып айтты. Садык Шер-Нияз эгерде 10-январда Конституциянын жаңы долбоору референдумга чыгарылбаса кеңешме ишин токтотушу керек деген пикирде. «Азыр эмне үчүн Конституциялык кеңешме иштеп жатат? Читать дальше...

Экономикалык кылмыштарга каршы күрөш боюнча мамлекеттик кызмат (Финансы полициясы) мурдагы вице-премьер-министр Тайырбек Сарпашевге карата мыйзамсыз баюу фактысы боюнча сотко чейинки териштирүү баштаганын 27-ноябрда кабарлады. Мекеменин маалыматына караганда, «ал мамлекеттик мекемеде жетекчилик кызмат ордун ээлеп турганда көп сандаган кыймылдуу жана кыймылсыз мүлктү сатып алган, кийин аны декларацияларда көрсөтпөстөн жакын туугандарына каттаган». Финпол Сарпашев бул боюнча суракка чакырыларын кабарлады. Читать дальше...

Кыргызстандын Улуу Британиядагы ыйгарым укуктуу элчиси Эдил Байсалов конституциялык кеңешмеге эмнеге мүчө болгону, азыркы Баш мыйзамдын кемчилиги эмнеде экени тууралуу “Азаттыкка” маек курду. Демократиялык баалуулуктар үчүн күрөшүп келген саясатчы Эдил Байсалов мурдагы президенттер А.Акаев менен К.Бакиевди бийликтен кубалоонун айынан өлкө соңку жылдары артка кеткенин белгиледи.

Австралия армиясынын кол башчысы Рик Бурр атайын бөлүктүн 13 жоокери Ооганстан боюнча баяндамага байланыштуу кызматтарынан алынарын жума күнү билдирди. Өткөн аптада жарык көргөн документте австралиялык аскерлер 2005-2016-жылдар аралыгында 39 карапайым ооганды жана туткунду мыйзамсыз өлтүргөнү айтылган. Генерал Бурр чара көрүлө турган жоокерлердин ысымдарын атаган жок, бирок алар адам өлтүрүү беренеси боюнча айып тагылышы мүмкүн деген азыркы жана мурдагы 19 аскердин катарына кирбейт деди. Сөз... Читать дальше...

Европа парламенти 26-ноябрда Беларуста адам укуктарынын бузулушун жана Роман Бондаренко аттуу жигиттин өлтүрүлүшүн айыптаган резолюция кабыл алды. Европанын депутаттары Беларус бийлигин зомбулукту токтотууга үндөп,  9-августтагы шайлоонун жыйынтыгын тааныбай турганын билдиришти. Ошондой эле документте Еврошаркеттин фондунан Беларус өкмөтүнө акча которууну толугу менен токтотуу жөнүндө чакырык да камтылган. 31 жаштагы Роман Бондаренко Минксиде 11-ноябрда табышмактуу жагдайда каза болгон. Анда... Читать дальше...

Айжан Акылбекова бир кездери калың элге "Апамдын махабаты" сериалындагы ролунан кийин кеңири таанылган. Азыр улуттук көркөм өнөрдү сүрөгөн жеке ишкердик менен алектенет.

Кыргызстанда жакшы мыйзамдар кабыл алынганы менен ошол мыйзамдар иштебей турганын белгилеген коомдук ишмер Алмамбет Матубраимов бул мүчүлүштүк бийлик башындагыларда да бар деп эсептейт. Экс-спикер бул тууралуу «Азаттыктын» «Бийлик сырлары» программасына маек куруп жатып билдирди: «Мына, мыйзам боюнча Кыргызстанда парламенттик башкаруу системасы. Президенттин бийлиги жок. Парламент өкмөттү бекитет, кааласа кетирет. Президент коргоо министри менен коопсуздук кызматынын жетекчисин коё алат. Калган укуктун баары парламентте. Читать дальше...

Бишкекте «Жаштардын жергиликтүү деңгээлдеги тынчтыкты бекемдөө демилгелери» деп аталган улуттук “тегерек стол” талкуусу өттү. Талкуу “Жаш тынчтык куруучулар” долбоорунун алкагында уюштурулду. Долбоорду “Тынчтык жана өнүктүрүү институту” (IPD) коомдук фонду “Жаштар кеңештери жана уюмдары” ассоциациясы, Жаштар иштери, дене тарбия жана спорт боюнча мамлекеттик агенттик, Билим берүү жана илим министрлиги жана Эл аралык мамилелер институту (IFA) менен биргеликте ишке ашырууда. Жыл башынан бери долбоордун... Читать дальше...