Мақат ауданында биыл 69 жоба қаржыландырылды
Бұл туралы Мақат ауданының әкімі Ринат Ибрагимов мәлім етті, деп хабарлайды Өңірлік коммуникациялар қызметі. Жыл басынан бері мемлекеттік бағдарламалар есебінен 258 миллион 137 мың теңгеге 69 жоба қаржыландырылды. Бүгінде 1 784 шағын және орта кәсіпкерлік субъектілері аудан тұрғындарына қызмет көрсетіп келеді. Бұл көрсеткіш былтыр осы кезеңмен салыстырғанда 25,9 пайызға өсіп отыр.
-Ауданда әлеуметтік маңызы бар азық-түлік тауарларының бағасын тұрақтандыру мақсатында «Атырау Әлеуметтік Қолдау Корпорациясы»-мен келісім-шарт арқылы «Лидер» халықтық дүкені арқылы баға тұрақтандырылып келеді. Сонымен қатар, «Карат» жауапкершілігі шектеулі серіктестігімен келісім орнап, осы жылы «Дәулет нан» өнімдері делдалсыз тікелей сатылуы үшін ауданнан 3 жерден сауда нүктелері ашылды,- деді Р.Ибрагимов.
Айта кетейік, жыл басынан бері ауданда 12 кәсіпкерлік нысан іске қосылып, 70 адам тұрақты жұмыспен қамтылған.