«Үзбәк хатыннары болай киенми» – Данир Сабировның хатыны Миләүшә матур фотосын күрсәтте
Пародист Данир Сабировның хатыны Миләүшә социаль челтәрдәге сәхифәсендә матур фото куйган.
«Әгәр син матурлыкны күрергә сәләтле икән… матурлыкны үз эчеңдә йөрткәнгә генә!» – дип, акыллы сүз дә язган Миләүшә ханым.
Артист хатынының язылучылары матурлыкка соклана белүчеләр икән. «Миль, ут булган бит бу», «Искитмәле», «Бик матур» кебек комментарийлар һәм күпсанлы бу матурлыкны «хуплаучы» смайликлар тезгәннәр.
«Миләүшә, мин сезнең үзенчәлекле булуыгызга сокланам. Комментарийларда мондый фотолар астына языла торган ямьсез сүзләр дә күрмим. Алардан ничек кача алдыгыз?» – дип язучыны озак көттермәгәннәр.
«Үзбәк хатыннары болай фотога төшми. Адәм мәсхәрәсе», «Киенеп бетмәгәнме, чишенеп бетмәгәнме? Данир, аңламыйм. Сиңа бөтен дөньяга хатыныңны менә шулай ярымшәрә күрсәтү ошыймы? Әти-әниең дә күрәдер бит бу галәмәтне?» – дигән комментарийлар да бар.