Новости за 26.03.2020

(Әлмәт, 26 март, «Татар-информ», «Әлмәт таңнары»). Әлмәттә Бөек Ватан сугышында Җиңүнең 75 еллыгы уңаеннан 75нче светофор объекты урнаштырылды. Бу турыда район газетасы шәһәрнең автомобиль юллары идарәсенә сылтама белән хәбәр итә.

(Кукмара, 26 март, «Татар-информ», «Хезмәт даны»). Ресурс үзәгендә укучы Кукмара аграр көллияте студентлары саклагыч битлекләр тегә башлады. Яңа коронавирус инфекциясе таралу һәм даруханәләрдә медицина битлекләре дефицит булу сәбәпле, Татарстан Мәгариф һәм фән министрлыгы республика көллиятләрен әлеге эшкә җәлеп иткән. Бу турыда район басмасы хәбәр итә.

(Казан, 26 март, «Татар-информ»). Казаннан май аенда Горно-Алтайскига һәм кире юнәлештә авиарейслар яңартылачак. Бу хакта «ЮВТ АЭРО» матбугат хезмәте хәбәр итә.

(Истанбул, 26 март, “Татар-информ”, Рушания Алтай). Төркиянең “Төрки дөнья тел һәм әдәбият” журналында татар дин әһеле, мөгаллим Гыйльман Кәрими хакында фәнни мәкалә дөнья күрде. Аның авторы – Җәләл Баяр исемендәге университет галиме Җиһан Чакмак. 

(Казан, 26 март, «Татар-информ», Эльвира Зәйнуллина). Чаллыда һавага предприятиедән химик матдәләр сөреме ташланган, шунлыктан кар сары төскә кергән. «Сары карның» гомуми мәйданы 12,6 квадрат метр тәшкил итә. Бу хакта ТР Экология министрлыгының матбугат хезмәте хәбәр итә.

(Казан, 26 март, «Татар-информ»). Татарстан аграрийлары һәм фермерлары, Россия Федерациясе Президенты Владимир Путин тарафыннан игълан ителгән ялларга карамастан, 30 марттан 3 апрельгә кадәр үз эшләрен дәвам итәчәк. Бу хакта Татарстан Республикасы Авыл хуҗалыгы һәм азык-төлек министрлыгының матбугат хезмәте хәбәр итә.

(Казан, 26 март, «Татар-информ»). 30 марттан 3 апрельгә кадәр Татарстанда күп функцияле үзәк офислары элек кабул ителгән гозерләр буенча әзер документларны бирү өчен генә эшләячәк. Шул ук вакытта яңа документлар кабул ителмәячәк.

(Казан, 26 март, «Татар-информ», Зилә Мөбәрәкшина). Татарстанның һәм Башкортстанның атказанган артисты Ришат Төхвәтуллин, коронавирус булу сәбәпле, тамашачыларга онлайн-концерт бирә. «Без — бердәмлек белән зәхмәтне ерып чыга алырдай халык. Халкыбыз Бөек Ватан сугышы чорында да бирешмәгән, хәзер дә без бирешмәбез», — диде ул концертында.

(Казан, 26 март, "Татар-информ"). Екатеринбургта яшьләр татар телендә "Әйдә, сөйләшик!" марафонын башлап җибәрә. Бу хакта Урал татарлары сайтында хәбәр ителә.

(Казан, 26 март, «Татар-информ»). 27 мартта Калининград мөселманнары җәмгыятенә нигез салган, Кенигсбергны штурмлауда катнашкан Хәким  Биктиевкә 95 яшь тула. Бу хакта Россия мөселманнары Диния нәзарәте сайтында хәбәр ителә.

(Казан, 26 март, «Татар-информ»). Кариев театрының «Питер Пэн» спектакле БольшиеГастроли.РФ сайты аша күрсәтеләчәк. Бу хакта театрның матбугат үзәге хәбәр итә.

(Саба, 26 март, «Татар-информ», Гөлнар Гарифуллина). Саба районында яшь белгечләр һәм гаиләләр өчен шәхси торак төзелешен киңәйтәләр. Бүген Татарстан Президенты каршындагы Дәүләт торак фонды уздырган пресс-тур барышында журналистларга шундый берничә йортны күрсәттеләр.

(Казан, 26 март, «Татар-информ»). Нәзарәтнең Голәмәләр шурасы мәчетләрдә коронавирус таралуны булдырмый калу буенча өстәмә чаралар турында хәбәр итә. Бу хакта ТР Диния нәзарәте хәбәр итә.

(Казан, 26 март, «Татар-информ»). Бүген Татарстан Республикасы Президенты Рөстәм Миңнеханов Лаеш районының Усад авылында ICL компанияләр төркеме хезмәткәрләре өчен төзелгән яңа күп фатирлы йортны карады. Бу хакта республика җитәкчесенең матбугат хезмәте хәбәр итә.

(Казан, 26 март, «Татар-информ»). Коронавирус булу сәбәпле, республиканың популяр артистлары чыгышларын, гастрольләрен туктата, онлайн концертлар сериясен ачып җибәрә. Бүген #Айдадомой онлайн-концертлар сериясен Татарстанның атказанган артисты Ришат Төхвәтуллин дәвам итә

(Казан, 26 март, «Татар-информ», Екатерина Ларионова). 14 меңнән артык татарстанлы чит илдәге сәфәрләреннән соң үзлектән изоляциядә тора. Бу хакта ТР Министрлар Кабинетында узган брифингта Роспотребнадзорның ТР буенча идарәсе җитәкчесе һәм ТР буенча баш дәүләт санитар табибы Марина Патяшина хәбәр итте.

Татарстанда хәзер 14 мең кеше карантинда тотыла.

Как обезопасить себя от заболевания:

(Казан, 26 март, «Татар-информ», Ксения Перепеченова). Эшләми торган атна мәктәпкәчә белем бирү оешмаларына кагылмый, шулай итеп, ата-аналар балаларын балалар бакчасына китерә алачак. Бу хакта «Коронавирус инфекциясенә каршы көрәш буенча республика оператив штабы эше турында»гы брифингта Татарстан Республикасы Премьер-министры урынбасары Ләйлә Фазлыева хәбәр итте.

Сегодня в КДЦ «Грани» глава Нурлатского муниципального района Алмаз Ахметшин встретился с представителями малого и среднего бизнеса района.

(Казан, 26 март, «Татар-информ»). «Зенит-Казан» клубы волейболчысы Эрвин Нгапет коронавирустан дәваланды һәм Республика клиник йогышлы авырулар хастаханәсеннән чыкты. Бу хакта «Татар-информ»га Татарстан Сәламәтлек саклау министрлыгының матбугат хезмәтендә хәбәр иттеләр.

Какое мыло лучше выбрать для борьбы с коронавирусом? Многие россияне сегодня используют антибактериальное в надежде на то, что именно оно защитит от опасного вируса. Однако это далеко не так.

(Казан, 26 март, «Татар-информ», Әдилә Зыятдинова). Татарстан Президенты Рөстәм Миңнеханов йөкләмәсе буенча Казанда 28 марттан 5 апрельгә кадәр барлык сәүдә-күңел ачу үзәкләре ябылачак, бары аларда урнашкан азык-төлек кибетләре һәм даруханәләр генә эшләрен дәвам итә. Бу хакта ТР Министрлар Кабинетында узган брифингта ТР Премьер-министры урынбасары Ләйлә Фазлыева хәбәр итте.

Граждане предстанут перед судом, если заразят коронавирусной инфекцией окружающих за пределами квартиры.

Республика хөкүмәте бу хакта яңа карар әзерли.