Новости за 14.04.2019

Српскиот претседател Александар Вучиќ изјавил дека е подготвен за дијалог со опозицијата. Коментирајќи го вчерашниот протест на опозицијата, тој на новинарите им изјави дека од терасата на претседателството ги слушал и дека на митингот немало повеќе од 7.500 лица. Вучиќ оцени дека вчерашниот собир покажал дека опозицијата може да го помине изборниот цензус и изјави дека спикерот на српскиот парламент Маја Гојковиќ ги поканила на дијалог и дека тоа е место на кое треба да се разговара. „Што се однесува до нас, ние сме подготвени за дијалог. Читать дальше...

Министерот за надворешни работи на Грција, Јоргос Катругалос вели дека Договорот од Преспа е чесен компромис, ги задоволува националните интереси на двете страни и еднаш засекогаш го отстранува отровот на меѓусебното сомневање. Тој во интервју за неделното издание на грчкиот весник „Етнос“, вели дека не се сомнева во тоа дека до изборите, владата ќе успее да ги убеди сите оние кои ја критикуваат за придобивките од договорот. Во однос на комисиите за учебниците и за трговските ознаки, министерот... Читать дальше...

ВМРО-ДПМНЕ со Државната комисија за спречување корупција поднесе нови приговори за кршење и на изборниот законик и на законот за антикорупција и судир на интереси, соопшти денеска на прес-конференција партискиот портпарол Наум Стоилковски. Првиот приговор се однесува на тоа што, како што велат од партијата, Агенцијата за финансиска поддршка на земјоделството за време на кампања соопштила дека се исплатени над 1 милион и 250 илјади евра на над 2.000 лозари. Со тоа, како што велат од ВМРО-ДПМНЕ направен... Читать дальше...

Претседателскиот кандидат Стево Пендаровски, поддржан од владејачката коалицијата на централниот митинг во Скопје ги повика сите да му се придружат на патот заедно напред. Тој вели дека треба да му покажат на светот дека може да се организираат фер и достоинствени избори на кои ќе се потврди успехот и ќе се завери билетот кон подобра иднина. Пендаровски очекува поддршка и од Македонците, од Албанците, од Србите, Ромите, Бошњаците, Власите и од сите останати, за како што рече, оти само заедно може да газат напред. Читать дальше...

Финците денеска гласаат на парламентарни избори. Опозициската Социјалдемократска партија се надева дека ќе ја собори централнодесничарската влада по неколкугодишното штедење, а се очекува успех да постигне и крајната десница. Додека социјалдемократите ги критикуваат мерките за штедење, крајната десница води антиимигрантска кампања и ја критикува „хистеријата“ околу климатските промени.

Полицијата синоќа уапсила 22-годишник од село Петралица кој превезувал 11 мигранти – шест од Авганистан, тројца од Сирија и по еден од Ирак и Пакистан, соопшти Министерството за внатрешни работи. Околу 22 часот на автопатот А1 Неготино – Градско, кај археолошкиот локалитет Стоби, полицајци од Полициската станица за граничен надзор „Михајлово“ запреле патничко мoторно возило „волво“ со скопски регистарски ознаки. Притоа возачот С.А. (22) се обидел да избега, но е лишен од слобода. За криумчарењето мигранти известен е и јавен обвинител.

Американската компанија Стратолонч денеска објави дека го извела првиот пробен лет на најголемиот авион на светот по распонот на крила над калифорниската пустина. Чудното двотрупно летало, кое го произведе компанијата „Скејлд композајтс“ има шест мотори од Боинг 747. Авионот на Стратолонч полета вчера од пустината Мохаве во Калифорнија и леташе 2,5 часа, соопшти денеска компанијата. Неговиот распон на крилата е 117 метри, додека на пример Ербас А380 има распон од помалку од 80 метри. Максималната... Читать дальше...

Здружението на новинарите на Македонија реагира на говорот на лидерот на ВМРО-ДПМНЕ Христијан Мицкоски во Крушево и смета дека е непримерно и недолично за еден лидер на политичка партија да етикетира медиуми. „Мицкоски за време на митингот во Крушево, кажа дека СДСМ ги вклучило своите скапо платени главни уредници и медиуми да лиферуваат анкети. Настапот на Мицкоски коинцидираше со објавата на анкетата на ТВ Телма. Ваквите јавни настапи на политичарите се неприфатливи и претставуваат директна закана... Читать дальше...

Најмалку 121 луѓе се убиени, а 561 се ранети од 4 април кога почна офанзивата на либискиот командант Калифа Хафтар кон Триполи, главниот град на Либија, соопшти Светската здравствена организација (СЗО). Канцеларијата на СЗО во Либија исто така ги осуди повторните напади врз болничкиот персонал и возилата на Брза помош во Триполи. Не се наведува колку од жртвите се цивили. Канцеларијата на ОН за координација на хуманитарните прашања соопшти дека поради борбите биле раселени 13500 луѓе, од кои 900 се сместени во прифатни центри. Читать дальше...

Иранката која ги поттикна анти-хиџаб протестите, симнувајќи ја нејзината задолжителна исламска шамија како јавен гест на пркос била осудена на една година затвор, но била помилувана од врховниот лидер, соопшти нејзиниот адвокат. Адвокатот Пајам Дерфшан денеска соопшти дека 32-годишната Вида Мовахад била осудена во март. Таа беше уапсена во ноември минатата година. Адвокатот рече дека таа е на листата за помилување, но оти процедурата за ослободување сè уште е во тек. Засега нема коментар од иранските власти. Читать дальше...

Кампањата за шестите претседателски избори денеска продолжува со претставување на програмите на тројцата кандидати. Кандидатот за претседател од СДСМ и Коалицијата Стево Пендаровски денеска во 14 часот ќе одржи централен митинг Скопје кој ќе се одржи пред Делегацијата на ЕУ, а ќе почне со граѓански марш од пред зградата на Црвениот крст. Кандидатот за претседател од ВМРО-ДПМНЕ и Коалицијата, Гордана Сиљановска-Давкова, која централниот митинг во главниот град го имаше синоќа, вечер ќе има собири во Свети Николе и во Велес. Читать дальше...

Американскиот државен секретар Мајк Помпео изјави дека „нема сомнеж“ за иранското финансиско присуство во Јужна Америка и оти Техеран останува глобална закана. „Иранските пари остануваат во Јужна Америка и се користат за малигни цели, за поддршка на Хезболах, за поддршка на транснационалните криминални организации, за поддршка на тероризмот во регионот“, рече вчера Помпео во интервју за Гласот на Америка за време на посетата на регионот. Помпео забележа дека авиокомпанијата Махан Ер, која е под санкции од Вашингтон... Читать дальше...

Најмалку тројца луѓе загинаа, а четворица се повредени денеска, кога мал авион при полетувањето од еден непалски аеродром во областа Еверест удри во паркиран хеликоптер. Авионот на компанијата Самир ер се излизгал од пистата и удрил во хеликоптер на Манинг ер. Авионот требало да полета од Лукла за Катманду. Двете компании се приватни и услужуваат туристи и Непалци во оддалечените области во земјата. Повредените со хеликоптер биле префрлени во Катманду. Меѓу загинатите се пилотот на авионот... Читать дальше...

Слоганот „Правда за Македонија“ е одбран врз основа на истражувања. Искрено јас не очекував, но најголемиот дел од фокус групите што беа анкетирани го одбраа ова и така мнозинството од оние кои одлучуваа рекоа дека ова е најсоодветното мото, вели претседателскиот кандидат Гордана Сиљановска – Давкова, во неделното интервју на Радио Слободна Европа. Таа зборува и за тоа како гледа на бегството на Груевски, за експертиските групи кои планира да ги формира, за одржливоста на Преспанскиот договор, барањата за аболиции.

Претседателкиот кандидат Гордана Сиљановска - Давкова прашана како лично гледа на бегството на Никола Груевски од Македонија, вели: „Лично не можам воопшто ни да кажам како гледам, како на нешто што укажува на неспособноста на правниот и на безбедносниот систем на Македонија или пак можеби на тоа што има способности на Индијана Џонс, или пак заради тоа што некој тоа пропушти да го спречи или му го овозможи“.