Новости за 25.04.2019

Британскиот секретар за надворешни работи Џереми Хант денеска изјави дека би избрал напуштање на Европската унија без договор ако биде соочен со изборот да нема Брегзит или да се напушти Унијата без постигнат договор. Тој вели дека верува оти ризиците да нема Брегзит се поголеми од ризикот да се напушти ЕУ без договор. Британскиот секретар за надворешни работи денеска пред новинарите рече дека следниот лидер на владејачката конзервативна партија треба да биде некој кој верува во Брегзит.

Повеќе од 70 демонстранти беа повредени денеска во Мароко, откако полицијата употреби водени топови да го разбие протестот во илјадници учители, кои работат по договор на определено време, во главниот град, Рабат. Учителите, кои извикуваа „Социјална правда“ и „Не за уништувањето на јавните училишта“, се обидоа да кампуваат пред парламентот, но полицијата го растури протестот. Учителите од државните училишта, од кои повеќето носеа бели мантили, дојдоа од неколку града од целата земја, откако во... Читать дальше...

Полицијата во Словенија соопшти дека во последните два дена се приведени 58 државјани на трети земји, кои нелегално влегле во Словенија од Хрватска. Дел од нив побарале азил, дел се вратени во Хрватска, а за дел постапките се во тек. Приведените мигранти се од Еритреја, Пакистан, Косово, Авганистан, Мароко, Алжир. Според Министерството за внатрешни работи на Словенија, во првите три месеци од оваа година, имало 1.639 нелегални гранични преминувања, со што нивниот број е зголемен за 148 отсто во однос на истиот период минатата година.

Медиумите се занимаваат со постизборни анализи, пренесуваат за работата на Aнтикорупциската комисија, а полни се и со информации во врска со случувањата во ИВЗ.

Српска листа ќе учествува на изборите во северно Косово, откако косовската комисија за жалби и претставки ѝ наложи на Централната изборна комисија (ЦИК) да ги потврди кандидатите на партијата на косовските Срби, за претстојните локални избори. Со оваа одлука се поништи вчерашната одлука на ЦИК, со која им се забрани учеството на кандидатите од редовите на најголемата партија на Србите во Косово на вонредните избори во четирите косовски општини со мнозинско српско население. Вонредни избори на... Читать дальше...

Белгискиот федерален парламент денеска го одобри пристапниот протокол на Северна Македонија во НАТО. A информацијата ја соопшти белгискиот министер за надворешни работи, Дидие Рејндерс на Твитер. „Задоволство ми е да соопштам дека белгискиот Парламент денеска го одобри законот со кој се прифаќа пристапниот протокол на Република Северна Македонија во НАТО, Белгија е на чекор да го финализира процесот на ратификација“, напиша Рејндерс. Според процедурите во Белгија, прво законот треба да добие зелено светло од Државниот совет... Читать дальше...

Министерот за администрација и информатичко општество Дамјан Манчевски од јануари до ноември, минатата години потрошил 10.310 денари по ресторани (околу 160 евра), а не 6150 евра, како што наведува алатката на Владата за отчетност на отчетност на трошоците на носителите на јавни функции на Владата, велат од Министерството за РСЕ. Според фактурите кои ги достави Министерството, по текстот за трошоците на министрите во Владата, вкупната сума на трошоци за услуги во земјата преку надворешни објекти... Читать дальше...

Од Град Скопје реагираат на обвинувањата на опозицијата дека премиерот Зоран Заев им се заканувал на вработени во Град Скопје. Од општината велат дека времињата на закани и притисоци во градската администрација се минато. „Важно е да се потенцира, Град Скопје не ги дели вработените според политичка и партиска припадност, туку спротивно, ги стимулира сите оние што професионално, совесно и посветено ја работат својата работа и придонесуваат за остварување и развој на сите проекти во градот“, стои во соопштението. Читать дальше...

Постаро машко лице попладнево е убиено во вооружен напад на влезот на скопското село Рашче, соопшти порптаролот на МВР, Тони Ангеловски за МИА. Тој вели дека екипи на МВР се упатени на местото на настанот и вршат увид. Повеќе детали се најавуваат за подоцна.

Уругвај, првата земја во светот која легализираше рекреативна употреба на марихуана, го планира наредниот чекор – да стане прва во Јужна Америка која извезува марихуана во медицински цели. За извоз е спремна првата берба од оранжериите 120 километри западно од Монтевидео, пишува Еуроактив. Вработените во американската компанија Фотмер, единствена која има дозвола за извоз, во моментов ги сечат и сушат билките пред да ги испорачаат во Европа, Канада и во Австралија. Меѓу извозниците на медицинска марихуана предничи Велика Британија... Читать дальше...

Педесетина дела, слики и скулптури, ја чинат изложбата „Од кујната на Масин“ на познатиот македонски сликар Мирослав Масин, што од 5 април до 4 мај се одвива во скопската галерија „Акантус“.

Размислуваме за ребаланс на Буџетот заради одличните перформанси, пред сè, во приходниот дел, кои реално можат да предвидат почеток на нови капитални зафати во државата, изјави денеска премиерот Зоран Заев. Ребалансот, како што рече, е можно да се направи во текот на летото, а за подетални информации упатува на Министерството за финансии. „Сè ќе зависи од политичката состојба во државата, успешноста или неуспешноста на изборите. Нашата проекција е димензионирана на успешни избори“, рече Заев, одговарајќи... Читать дальше...

Од прегледани 10 пациенти со клиничка слика на морбили во изминатите 24 часа, вкупно четири се примени на болничко лекување. Хоспитализирани се осумгодишен вакциниран ученик од село Илинден од Скопје, невакцинирано едногодишно дете од Чаир, невакциниран 45-годишник од Студеничани и невакцинирано осуммесечно дете од Студеничани. Ова денеска го изјави доктор Владимир Микиќ, претставник од Комисијата за заразни болести. Како што посочи Микиќ, амбулантски се прегледани уште шест пациенти и се упатени на домашно лекување. Читать дальше...

Рускиот претседател Владимир Путин ги отфрли меѓународните критики за неговата одлука да го олесни процесот на давање руско државјанство на Украинците кои живеат во источниот дел од Украина кој е под контрола на сепаратистите кои се поддржани од Русија. На новинарите во Владивосток тој денеска им кажа дека обвинувањата на Киев се чудни, а ја оправда својата вчерашна одлука со тоа дека таа е слична со политиките на некои земји членки на Европската унија, како Романија и Унгарија, кои им даваат државјанство... Читать дальше...

Државната изборна комисија на денешната седница го поништи гласањето на седум од 14 избирачки места за колку имаше поднесено приговори. Поништени се гласањата на две избирачки места во Кавадарци, на по едно во Центар, Куманово, Охрид, Аеродром и Зајас. Причина за најголем дел од поништувањата е тоа што во гласачките кутии имало повеќе ливчиња од бројот на запишани избирачи кои гласале и се потпишале во избирачките списоци. На овие избирачки места нема да се прегласува, бидејќи резултатот од избирачките места не влијае на конечниот резултат. Читать дальше...

Основното јавно обвинителство Скопје со доставување жалба, му предлага на Врховниот суд да ја преиспита донесената пресуда на Апелацискиот суд за сообраќајката кај Универзална сала во која животот го загуби Фросина Цековска од Крива Паланка. Како што соопшти Јавното обвинителство, жалбата е поднесена по две основи: поради суштествена повреда на одредбите на Законот за кривична постапка, како и поради одлуката за изречената кривична санкција од Законот за кривична постапка. “Основното јавно обвинителство... Читать дальше...

Генералниот секретар на СДСМ Александар Кирацовски денеска на својот профил на социјалната мрежа Фејсбук напиша дека побарал повлекувањe на неговите роднини од работните места за кои Државната комисија за спречување корупција "наоѓала некакви индиции”, иако, пишува дека немал право на тоа оти не влијаел за нивните вработувања. “Од работното место, кое нема никаква поврзаност со непотизам, се повлекуваат и мојата сестра, Мирјана Јосифовска и мајката на мојата сопруга. По нивна волја, како нивна лична одлука”, напиша Кирацовски. Читать дальше...

Поранешниот потпретседател на Соединетите Американски Држави Џо Бајден денеска обелодени дека ќе влезе во трката за претседател на државата, за што прво треба да ја добие поддршката во својата Демократска партија. Тој ова го објави преку видео пост на својот профил на социјалната мрежа Твитер. Со ова Бајден станува засега најистакнатото име од редовите на демократите кое ќе се обиде да влезе во трката за претседателските избори кои ќе се одржат во 2020 година. Ова ќе биде трет негов обид да биде кандидат за претседател. Читать дальше...

Заменик претседателот на Владата задолжен за европски прашања, Бујар Османи денеска на состанокот со шефот на Мисијата на ОБСЕ во Скопје, Клеменс Која разговарал меѓудругото и за случувањата во Исламската верска заедница, соопштија од Секретаријатот за европски прашања. “Инцидентот со упадот во Исламската верска заедница претставува срамен чин кој ја загрозува секуларноста на земјата и уставно загарантираната автономија на верските заедници во Република Северна Македонија и очекувам од владата... Читать дальше...

Постои благо зголемување на тенденцијата новинарите да бидат мета на говор на омраза. Тоа не загрижува и бараме праксата на неказнивост да престане за да можеме да ги спречиме овие појави, рече на денешната прес-конференција претседателот на ЗНМ Младен Чадиковски.

Премиерот кажа дека пораката е примена и дека токму поради таа порака ќе правиме кадровски поместувања веднаш по изборите, кога и законски имаме право тоа да го правиме, рече денеска вицепремиерката и министерка за одбрана Радмила Шекеринска. “Првата екипа ќе биде одлучувана и од страна на премиерот, но не сметам дека кадровските поместувања ќе се ограничат исклучиво на владиниот состав, туку на она што се вика извршна власт и на она што се вика неисполнување на еден дел од очекуваањата на граѓаните”... Читать дальше...

Кабинетот на Претседателот Ѓорге Иванов преку соопштение реагираа на одлуката на Државната комисија за спречување на корупцијата да поднесе прекршочни пријави против шефот на државата нарекувајќи ја “политичка одлука”. Од таму наведуваат дека целосно ги отфрлаат тврдењата дека со донесувањето на указите претседателот постапил спротивно на законите и ги пречекорил овластувањата. Антикорупциската комисија вчера поведе две прекршочни постапки за Иванов поради донесени укази за унапредување и поставување... Читать дальше...

За експертите работата на новиот состав на Државната комисија за спречување на корупцијата е позитивен сигнал дека работите се поместуваат од мртва точка. Сепак предупредуваат дека за вистински реформи се потребни конкретни резултати, а не само добра волја.

Нов претседател на Судскиот совет е судијата Киро Здравев, а негов заменик е Селим Адеми. Ова беше одлучено на денешната седница на советот на која Здравев со тајно гласање беше избран со 12 гласа “за” и ниту еден против, а за Адеми гласаа 11 членови и едно ливче беше неважечко. Здравев доаѓа на позицијата претседател на Судскиот совет по Зоран Караџовски на кому мандатот му истекува утре.Новиот претседател беше избран за член на судскиот совет лани во декември, а функцијата ќе ја врши во наредните две години.

На планетата земја во 2018 година снемало повеќе од 12 милиони хектари тропска шума, што е колку површината на Никарагва, соопшти светскиот институт за природни ресурси. Како што наведува институтот со седиште во Вашингтон, од вкупната површина шума која исчезнала, 3.64 милиони се примарни тропски шуми кои се од огромно значење за климата и биодиверзитетот. Според платформите со кои се надгледуваат шумите во светот 2018 година се рангира како четврта најлоша година кога е во прашање намалувањето на шумите... Читать дальше...