Новости за 16.04.2019

Кандидатите за претседател на Украина Петро Порошнеко и Володимир Зеленски сепак се согласиле да се сретнат на дебата на Олимпискиот стадион во Киев на 19 април. Изборните штабови на кандидатите потпишале договор за дебатата, соопштија од тимот на Порошенко. Се уште нема коментар од штабот на Зеленски.Зеленски инсистираше дебатата да се одржи на 19 април, а Порошенко сакаше таа да биде на 14 април. Тој и се појави на стадионот на 14, но Зеленски не дојде, па Порошенко зборуваше со новинарите и со поддржувачи.

Битолската полиција потврди дека од нив побарале да постапи во случаите на ученици кои се самоповредувале. Барањето го доставиле директорот на основното училиште „Коле Канински“, Зоран Мирчевски. Било пријавено дека неколку ученици се самоповредувале. Полицијата го расчистува случајот. Претходно медиумите пренесоа изјави на директорот, според кого во Битола имало неколку случаи на ученици кои се самоповредиле како последица на влијание од видео игри.

Пендаровски - Ако победи Сиљановска на власт останува Иванов Кандидатот за претседател Стево Пендаровски денеска ги повика граѓаните на денот на изборите да излезат масовно, бидејќи, кaко што рече, овие избори се историски за државата. „Нашиот концепт е да одиме заедно напред, без разлика на етничката и верска припадност. Законот за јазици е исполнување на обврските кон Охридскиот договор. Замина времето кога некој беше газда, а друг кираџија , затоа ние сакаме да одиме напред, а тоа значи и... Читать дальше...

Стотици милиони евра се ветени како помош за обновување на изгорената катедрала Нотр дам во Париз, откако во пожар беше делумно уништена. Пожарот денеска е целосно изгаснат, по 15 часа од избувнувањето. Многу компании и бизнисмени ветија дека ќе помогнат во обновувањето.Досега се ветени 600 милиони евра. Пораките на сочувство и поддршка за реконструкцијата доаѓаат од цел свет. Претседателот на Европскиот совет Доналд Туск ги повика земјите-членки на ЕУ да и помогнат на Франција. Претседателот... Читать дальше...

Парламентот на Холандија го изгласа барањето на група пратеници за враќање на визите со Албанија, поради „зголемениот албански криминал“ во оваа земја. Оваа одлука и дава право на Владата на Холандија да се обрати до Брисел, бидејќи последниот збор во врска со барањето за враќање на визниот режим за албанските граѓани го има Европска унија. Во барање за укинување на визите за албанските граѓани се наведува дека тоа е неопходно поради видно зголемување на криминалот од страна на албанската мафија во Холандија... Читать дальше...

Од СДСМ преку соопштени ги демантираат информациите што ги пласираше тимот на претседателската кандидатка Гордана Сиљановска - Давкова за постоење интернет апликација која СДСМ ја користи за прибирање лични податоци од граѓаните. „Не е точно дека постои апликација „Големото око“, како лажно што обвинува ВМРО-ДПМНЕ, ниту пак дека е прекршен изборниот процес или личните права на граѓаните, најмалку дека се прекршени законите“, велат од СДСМ. Во соопштението наведуваат дека партијата користи современ... Читать дальше...

Надлежните утврдиле над 3.500 слободни места за запишување во тетовските средни училишта, но се запишуваат двојно помалку ученици.

Со цел зголемување на безбедноста на податоците на децата корисници на социјалните мрежи, Велика Британија најавува сет мерки за промена на правилата за Фејсбук и Снепчет.

Се зголемува почитта на Русите за Јозеф Сталин, покажува анкетата на анкетниот центар „Левада“. Вкупно 70 проценти од анкетираните Руси изјавиле дека Сталин одиграл сосема позитивна или релативно позитивна улога во животот на земјата, што е повеќе од 54 проценти колку што биле регистрирани со истражувањата во 2016 година. Истражувањето објавено од независниот анкетен центар „Левада“ покажува дека само 19 отсто рекле дека Сталин одиграл релативно негативна или многу негативна улога, а тој процент во 2016 бил 30. Читать дальше...

Партијата Правда и развој, на турскиот претседател Реџеп Таип Ердоган поднесе жалба со која бара да се поништат и повторно да се одржат општинските избори во Истанбул. Доколку биде усвоена жалбата, повторените избори ќе се одржат на 2 јуни, односно 60 дена после првото гласање. Според првичните резултати, главната опозициска Републиканска народна партија тесно победи во Истанбул, откако 25 години тој град беше под контрола на партијата на Ердоган.

Владата на денешната 130 седница донесе одлуки 5 мај да се прогласи за Ден на македонскиот јазик, потоа ја усвои информацијата за прогласување епидемија на мали сипаници, одлучи земјата да биде домаќин на американски војници на најголемата воена вежба, а нуди и помош на Франција за Нотр Дам. Владата го задолжила Министерството за надворешни работи да се координира со француските власти за помош за реставрација на опожарената црква Нотр Дам. На седницата донесена е одлука со која 5 мај е прогласен за Ден на македонскиот јазик... Читать дальше...

Руското тело за надзор на медиумите им даде девет месеци на социјалните мрежи Твитер и Фејсбук да ги пренесат податоците на руските корисници на сервери во Русија, објави новинската агенција Интерфакс. Директорот на надзорното тело Александар Жаров, изјави дека се надева оти компаниите ќе се усогласат со руското право за податоци и дека властите во земјата нема да мора да ги блокираат. Тој вели дека компаниите биле казнети и дека добиле време да ги исполнат руските закони. Според руските закони... Читать дальше...

Најмалку пет луѓе загинаа, 17 се водат за исчезнати, а стотици куќи се уништени при поројните дождови и поплавите кои го зафатија поголемиот дел од Авганистан, соопштија властите. Од Националното тело за справување со катастрофи соопштија дека обилните дождови и поплавите во последните 24 часа погодиле 16 од 34 провинции во Авганистан. Властите ги предупредија жителите на главниот град што живеат по должината на реката Кабул да бидат подготвени да се евакуираат, оти се зголемува нивото на водата.

Од тимот на претседателската кандидатка Гордана Сиљановска - Давкова преку соопштение информираат дека таканаречен свиркач им доставил документ, кој, според нив, укажува на сериозно прекршување на изборниот процес и на правата на граѓаните. Од тимот на Сиљановска соопштуваат дека документот укажувал на тоа дека преку апликација за смарт телефон од СДСМ прибирале лични податоци и мета дата од телефони на сите што ја симнале апликацијата. Во соопштението се наведува и дека членови на СДСМ со помош... Читать дальше...

Советот за безбедност на Обединетите нации ја осуди најавата на талибанците за пролетна воена офанзива, затоа што, како што се вели во соопштението, тоа само ќе „резултира со зголемени непотребни страдања и уништување на авганистанскиот народ“. Талибанците ја започнаа пролетната офанзива на 12 април, кога ОН ги укинаа забраните за патување за 11 талибански лидери, со што требаше да се олеснат мировните разговори. Преговарачите на САД и талибанците одржаа неколку рунди мировни разговори во Катар... Читать дальше...

При вчерашниот вооружен грабеж на експозитурата на НЛБ Банка во скопската населба Чаир биле украдени 150 илјади евра, соопштиБанката. При грабежот беше повреден вработениот 26 годишен маж како обезбедување, а нападнати но со лесни повреди поминале и двајца вработени во експозитурата и кои биле пуштени на домашно лекување. Во соопштението е наведено дека од утре експозитурата продолжува да работи редовно и дека веќе соработува со надлежните органи за најбрзо и ефикасно решавање на случајот.

Три бремени жени заболени од мобили биле примени на Универзитетската клиника за гинекологија во изминативе три месеци, по што едната имала спонтан абортус додека другите две побарале од првостепена комисија прекин на бременоста. Во нивното соопштение е наведено дека пациентките заразени од мали сипаници се изолираат во посебна просторија и имаат посебен хигиенски третман. „По завршување на интервенцијата просториите се чистат со дезинфекциски средства и се кварцаат. Персоналот користи заштитни маски. Читать дальше...

Долниот дом на рускиот Парламент го усвои контроверзниот закон за кој голем дел од критичарите предупредуваат дека е дел од напорите на претседателот Владимир Путин да ја прошири владината контрола врз интернетот. Со предлог-законот се предвидува инсталирање опрема за контрола на интернет сообраќајот преку сервери во Русија. Тоа ги зголемува овластувањата на државните агенции и им отежнува на корисниците да ги заобиколат владините ограничувања. Со 307 гласа „за“ пратениците го одобрија предлог... Читать дальше...

Рускиот суд донесе пресуда со која го осуди Норвежанецот Фроде Берг на 14 години затвор. Станува збор за пензиониран инспектор на норвешко-руската граница кој беше осуден во Москва во процес зад затворени врати за јавноста. Тој беше обвинет од федералните безбедносни служби за барање на класифицирани документи поврзани со руските нуклеарни подморници. Во текот на судските рочишта Берг се декларираше како невин по обвинението дека шпионирал во име на Норвешка. На сослушувањето обвинителот изјави... Читать дальше...

Заврши неколкучасовниот распит на поранешниот претседател на Собранието Трајко Вељаноски во Обвинителството за гонење на организиран криминал и корупција. Тој на излегување од зградата пред новинарите кратко изјави само дека бил поканет на распит и дека се одзвал на поканата при што не направил увид во доказите. Вељаноски е осомничен дека е дел од организаторите на „крвавиот четврток“ . Пред два месеци со полиција беше спроведен во Основниот суд Скопје по барање на Јавното обвинителство за да му се изрече мерка притвор... Читать дальше...

Судскиот предмет на СЈО „Талир“ е повторно одложен, овој пат за 16 мај, после претседателските избори. Причината за денешното одложување е отсуството на овластените претставници на ВМРО-ДПМНЕИгор Јанушев и Наум Стоилковски. Одбраната на партијата тврди дека поради претседателската кампања и обврските околу неа претставниците на партијата не може да присуствуваат на ова рочиште. За обвинителката од СЈО Ленче Ристоска ова е уште еден обид на обвинителите да го одолговлекуваат судењето. Претседателот... Читать дальше...

Таџикистанскиот претседател Емомали Рахмон денеска треба да пристигне во дводневна посета на Москва на покана на претседателот Владимир Путин, соопшти Кремљ. Во соопштението е наведено дека разговорите ќе бидат насочени кон клучните прашања за подобрување на билатералната соработка како и за мерките за развивање на профитабилно соработка во трговски-економските сфери.Рускиот амбасадор во Душанбе, Игор Лјакин Флоров изјави дека документите кои ќе го потпишат двајцата претседатели ќе овозможат подобрување... Читать дальше...

Прогласена е епидемија на мали сипаници на ниво на цела држава, соопшти денеска Центарот за јавно здравје. Причината за ваквата одлука на Kомисијата за здравство е дека бројот на евидентирани заболени од морбили од почетокот на годинава изнесува 961. Дополнително веќе 6 центри за јавно здравје имаат прогласено епидемија на мали сипаници, а евидентирани се морбили во 20 градови. Прогласувањето на епидемијата е со цел спроведување на дополнителни мерки како забрана на посета на невакцинирани деца во градинки на ниво на цела држава. Читать дальше...

Поранешниот претседател на Парламентот Трајко Вељаноски од утринава е на распит во Обвинителството за гонење на организиран криминал и корупција, јавуваат македонските медиуми. Тој е осомничен дека е дел од организаторите на „крвавиот четврток“ . Пред два месеци со полиција беше спроведен во Основниот суд Скопје по барање на Јавното обвинителство за да му се изрече мерка притвор, но откако се повика на пратеничкиот имунитет беше ослободен. Потоа во Собранието беше прекината седницата на која требаше... Читать дальше...

Бројот на патници во градскиот превоз од 2015 до 2018 година е намален за 20 проценти, во ситуација кога истражувањата покажуваат дека сообраќајот е еден од главните фактори за загадување на воздухот.