Новости за 02.11.2018

Најновата прогноза на Европската банка за обнова и развој за растот на македонската економија за годинава е два отсто. Во извештајот за економските перспективи, ЕБОР за 2019 година предвидува раст на БДП од три проценти. Во делот за Македонија Банката наведува дека се забележува умерено раздвижување, но сè уште помало од вкупниот раст на регионот. ЕБОР предвидува раст во регионот на ЈИЕ од 3,5 отсто. Највисок раст се прогнозира во Србија и во Црна Гора од 4,2 отсто, Албанија и Косово по четири... Читать дальше...

Тешко остварилив е владиниот оптимизам за економски раст од 2,8 отсто, покажуваат проекциите на домашните и на меѓународните институции. Само структурни институционални реформи за конкурентност ќе можат да го зголемат растот, вели гувернерката на НБРМ Анита Ангеловска - Бежовска.

Европската унија истакнува дека сите земји, без разлика дали се во ЕУ или надвор од неа, се должни да ги заштитат слободата на изразување и сигурноста на новинарите. Ова се наведува во соопштението што беше издадено од високиот претставник Федерика Могерини по повод денешниот Меѓународен ден за борба против неказнивоста на злосторствата против новинарите. „Од сите очекуваме да ги засилат превентивните мерки, да се мобилизираат сите засегнати страни и да се создадат механизми за националната безбедност... Читать дальше...

Претседателите на Турција и на САД Реџеп Таип Ердога и Доналд Трамп телефонски разговарале за ситуацијата во Сирија по тензиите меѓу Анкара и арапско курдската коалиција во Сирија која ја има поддршката на Вашингтон. Кабинетот на Ердоган соопшти дека разговорот бил одржан неколку часа по стартот на заедничкото турско американско патролирање во Минбеџ, град на северот на Сирија каде што се наоѓаат курдски борци кои Анкара ги смета за терористи, а САД за сојузници.

Најголемата социјалистичка организација во Соединетите држави забележува експлозивен раст на членството откако Доналд Трамп влезе во Белата куќа.

Израелскиот премиер Бенјамин Нетанјаху го нарече Иран „најмоќна сила на милитантниот исламизам“, додавајќи дека ја предупредил Европа од можни ирански напади на европско тло. Говорејќи на прес конференција во Софија по средбата со бугарскиот премиер Бојко Борисов, Нетанјаху оцени дека радикалниот исламизам е закана за светот и оти Израел неодамна открил голем број заговори за напади во Европа. Нетанјаху не даде детали, а ваквите наводи се поврзуваат со иранските заговори за напади врз ирански опозициски групи или личности во Франција и Данска.

Лидерот на ВМРО-ДПМНЕ, Христијан Мицкоски очекува да остане компактна пратеничката група на ВМРО-ДПМНЕ по серијата оставки од функциите и исклучувањето на седумте пратеници кои гласаа за потребата од носење на уставни измени, што се неопходни за имплементација на Договорот од Преспа. Мицкоски во интервју за ТВ Алсат-М на прашaњете дали смета дека по последните случувања во државата, ВМРО-ДПМНЕ е изолирана од меѓународните претставници, посочи дека во идната недела ќе оди во Хелсинки на конгрес на Европската народна партија.

На денешната седница на македонската влада, според најавите, би требало да биде утврден текстот на нацрт амандманите на Уставот, согласно со Договорот од Преспа. Веднаш потоа амандманите треба да бидат доставени до Собранието, за да се запази рокот од 15 дена што Владата го доби за прецизирање на деталите. Со доставувањето на Нацрт-амандманите во Собранието, почнува да тече рокот од 30 дена до одржувањето на собраниската седница. Комисиската расправа најверојатно ќе почне на 6 ноември, а пленарната на 3 декември. Читать дальше...

Во Македонија ќе биде сончево со мала до умерена облачност. Ќе дува слаб до умерен југоисточен ветер. Утринската температура ќе се движи од шест до 13, а дневната од 19 до 28 степени. Во Скопје и околината слично време со температура до 24 степени.