Новости за 03.11.2018

Министерот за земјоделство, шумарство и водостопансто Љупчо Николовски изјави денеска дека годинава во законскиот рок биле исплатени 95 отсто од субвенциите. Тој за време на посетата на селото Сарамзалино каде врачи десетина договори на индивидуални земјоделци од светиниколскиот регион истакна дека на земјоделците им биле исплаќани субвенциите кога им биле најпотребни и најави дека тој тренд на исплаќање ќе продолжи и во наредниот период.

Илјадници луѓе присуствуваа на погребот на Маулана Самуил Хак, проминентен пакистански свештеник познат како „таткото на авганистанските талибанци“ во пакистанскиот град Ношера. 81 годишниот Хак беше убиен во напад со нож во неговиот дом во градот Равалпинди, кој се наоѓа во близина на Исламабад. На погребот со силно полициско обезбедување беше присутен и гувернерот и шефот на локалната полиција, како и лидери на политички и религиозни групи.

Руското министерство за надворешни работи соопшти дека состојбата со имотот на Српската православна црква во Косово предизвикува сериозна загриженост.  „Ние сметаме дека оваа состојба, меѓу другото, е резултат на неканонските чекори на Цариградската патријаршија во однос на православието во Украина. Имало влошување на политизираните пристапи во врска со канонските православни структури и кршењето на нивните законски права“, се вели во соопштението. Руското МНР бара од УНМИК да изврши притисок врз властите во Приштина... Читать дальше...

Mинистерот за внатрешни работи Оливер Спасовски изјави денеска дека голема мигрантска криза како изминатите години нема повеќе во Македонија и во регионот, но е зголемена илегалната миграција. Според него, во однос на минатата година има зголемување на обидите за илегален премин на границата на Македонија со Грција.  Спасовски порача дека МВР работи заедно со полициски службеници од другите партнерски држави, коишто работат на обезбедувањето на македонско-грчката граница, формирано се и посебни... Читать дальше...

Mинистерот за финансии, Драган Тевдовски денеска на заедничката прес-конференција во Владата со министерката за труд и социјална политика, Мила Царовска изјави дека со воведување на прогресивно праведно даночење се планира да се соберат околу 25 милиони евра во буџетот во 2019 година. Со тие пари, според него, ќе се финансираат мерки за намалување на сиромаштијата. Со даночната реформа се планира за доходот до 90.000 денари месечно, данокот да остане 10 отсто како и до сега, додека само на делот на доходот кој надминува 90.000 денари... Читать дальше...

Украинскиот претседател Петро Порошенко и цариградскиот патријарх Вартоломеј потпишаа договор за создавање самостојна украинска црква. Церемонијата се одржа денеска во резиденцијата на патријархот во Истанбул. Вартоломеј повторно изјави дека правото да се обезбеди автокефалност е дел од неговите ингеренции и додаде дека таквите дејства „ќе помогнат да се надмине расколот кој постои во Украина веќе 30 години“.

Хрватската претседателка Колинда Грабар-Китаровиќ изјави дека е разочарана што не е постигнат напредок во разговорите со Србија за решавање на проблемот со исчезнатите лица, како и дека од тоа зависи нејзината официјална посета на земјата. Китаровиќ во интервју за „Сплитска Далмација“ порача дека пратениците Ивица Вркиќ и Веран Матиќ се трудат по прашањето и изрази надеж дека нивните напори ќе вродат со плод. Но, за тоа, според неа, е потребна и соработка од институциите. Таа порача дека сака „значаен... Читать дальше...

На 54 годишната мајка на четири деца, Асиа Биби и е забрането да го напушти Пакистан додека ја чека судската ревизија на нејзината пресуда за богохулење. Тоа е дел од договорот постигнат меѓу пакистанските власти и партијата Техрик е Лабаик за прекинување на протестите на кои се бараше ревизија на пресудата. Пакистанскиот Врховен суд ја поништи пресудата за богохулење на Биби, која е римокатолик и која за делото во 2010 година и беше изречена смртна казна.

Иранскиот врховен лидер Ајатолахот Али Хаменеи изјави денеска дека САД не успеале да ја потврдат својата доминација врз неговата земја по исламската револуција во 1979 година.  „Америка беше поразена од исламската република во изминатите 40 години“, рекол Хаменеи на средба со студенти.  САД се подготвуваат за нови санкции врз Иран кои треба да стапат на сила на 5 ноември и кое ќе го опфатат нафтениот и финансискиот сектор во земјата.

Патријархот Филарет изјави дека прогласувањето на независноста на украинската православна црква од Русија мора да биде спроведено внимателно со цел да се избегне давањето на изговор на Кремљ за натамошен руски упад во територијата на Украина. Во интервју за РСЕ, патријархот Филарет посочи дека ќе се стремат да имаат една силна православна црква со цел да се осигураат дека руската православна црква ќе се обиде да се скрие под нејзиното име. Според патријархот Филарет, официјалното име на независната... Читать дальше...

Рускиот претседател Владимир Путин упати пофалби до руската разузнавачка агенција која беше обвинета од Западот во текот на годинава за серија напади. На церемонијата на одбележување на 100 годишнината од воената разузнавачка агенција ГРУ, Путин ги поздрави нејзините смели оперативци. Британија ја обвини агенцијата за труењето на поранешниот руски шпион Сергеј Скрипал со нервен гас. Холандија ја обвини ГРУ дека се обидела да изврши хакерски напад врз Меѓународната агенција за контрола на користењето на хемиско оружје. Читать дальше...

Турскиот претседател Реџеп Таип Ердоган изјави дека налогот за убиството на новинарот Џамал Кашоги стигнал од „највисоко ниво“ од Владата на Саудиска Арабија. Ердоган во текст за „Вашингтон пост“ пишува дека во ниту една секунда не поверувал оти кралот Салман го наложил убиството на Кашоги. Тој порачува дека е жално што саудиските власти се обидуваат да го прикријат злосторството и дека мора да се открие идентитетот на сторителите. Според Ердоган, долгогодишното пријателство на Анкара со Ријад... Читать дальше...

Американскиот претседател Доналд Трамп уште еднаш го потенцираше неговото залагање за санкции врз Иран пред изборите на кои Партијата на републиканците ќе се обиде да ја задржи контролата врз двата дома на Конгресот. Трамп на Твитер објави слика со неговиот лик инспирирана од серијата „Игра на тронови“ со што ги најави повторните санкции врз нафтениот и финансискиот сектор во Иран кои ќе стапат на сила на 5 ноември. На сликата е испишано „Санкциите доаѓаат на 5 ноември“. Анкети за јавно мислење... Читать дальше...

Времето во Македонија ќе биде сончево со мала до умерена облачност. Ќе дува слаб до умерен југоисточен ветер. Утринската температура ќе се движи од пет до 13, а дневната од 19 до 27 степени. Во Скопје слично време, сончево со мала до умерена облачност и со слаб до умерен југоисточен ветер. Утринската температура ќе се спушти до девет, а дневната ќе се искачи до 23 степени.

Со влегувањето на Македонија во НАТО земјата ќе влезе под безбедносниот чадор на воената алијанса што не е решение на сите проблеми, но е решение за голем дел од нив, оценуваат властите. Истовремено очекувањата се дека тоа ќе донесе и повеќе пари општо во економија на неколку начини.