Ердоган: Од највисоко ниво е налогот за убиството на Кашоги
Турскиот претседател Реџеп Таип Ердоган изјави дека налогот за убиството на новинарот Џамал Кашоги стигнал од „највисоко ниво“ од Владата на Саудиска Арабија. Ердоган во текст за „Вашингтон пост“ пишува дека во ниту една секунда не поверувал оти кралот Салман го наложил убиството на Кашоги.
Тој порачува дека е жално што саудиските власти се обидуваат да го прикријат злосторството и дека мора да се открие идентитетот на сторителите. Според Ердоган, долгогодишното пријателство на Анкара со Ријад не значи дека неговата земја ќе го игнорира убиството.