Новости за 29.05.2018

"Кыргыз темир жолу" мамлекеттик ишканасынын Бишкек-Москва каттамындагы бир нече поезд коштоочулары мекеме жетекчилери рейске билетсиз жүргүнчүлөрдү салып жатканын айтып чыгышты. Кассада "Москвага билет 14 миң сом" деп турганы менен жетекчилери ортомчулар менен сүйлөшүп, билетсиз жүргүнчүлөрдү эки эсе арзан баа менен поездге салышат. Ошондой эле Бишкек-Москва рейсинин "Азаттыкка" кайрылган поезд коштоочулары "билетсиз жүргүнчү салмай Казакстан менен Орусиянын станцияларында да улантылат" дешет.

Улуттук коопсуздук боюнча мамлекеттик комитетке (УКМК) сурак бериш үчүн келген мурдагы премьер-министр Сапар Исаков Улуттук тарых музейин оңдоо иши боюнча да түшүндүрмө берди. Ал музейди оңдоого алгач Түркия акча бергенин, кийин Кыргызстан өзү акча тапканын билдирди:   - Казакстанды алалы, башка мамлекеттерди алалы, ар бир өзүн сыйлаган мамлекетте заңгыраган тарых музейи бар. Кыргызстандын тарыхы жөнүндө билгиси келгендер, Кыргызстанга келген коноктор ушул музейге киришет. Анан мурда музейде Ленин атабыздан башка эч нерсе жок болчу. Читать дальше...

Ереванда кечээ Франция менен Армениянын тышкы саясий мекемелеринин жетекчилери жолугушту. Анын алдында француз тышкы иштер министри Жан-Ив Ле Дриан Париж Армения менен Азербайжандын ортосундагы Тоолуу Карабак чатагын жөнгө салуу аракеттерин күчөтөөрүн билдирген. Армениянын тышкы иштер министри Зограб Мнацаканян жолугушуудан кийинки басма сөз жыйынында Франциянын президенти күзүндө Ереванга келерин билдирди. 27-майда Бакуда болгон кезде Ле Дриан "Франция келерки айларда Тоолуу Карабак жаңжалын жөнгө... Читать дальше...

Москвада азыркы убакта жүздөгөн кыргызстандыктар эмгек акысын ала албай келатышат.

Эч кимге окшобогон акын жана адам Түмөнбай Байзаков... Качан болсо тамашасы даяр, аскиясы белен, чын-чынында ички күйүтүн тышкы күлкү менен баскан кайран Түмөке!

Жогорку Кеңештин депутаты, “Республика – Ата Журт” фракциясынын мүчөсү Мирлан Жээнчороев Баткен, Ош бажысынын жетекчилеринин иш бөлмөсүнөн тыңшоочу аппараттар табылганын бүгүн комитет жыйынында билдирди. Ал бул фактыга укуктук баа берилбей жатканын, иш козголуп, ким, эмнеге тыңшап жатканы аныкталышы керек экенин айтты. Конституциялык мыйзамдар, мамлекеттик түзүлүш, сот-укуктук маселелер жана Жогорку Кеңештин регламенти боюнча комитет ушул маселе боюнча башкы прокурорго протоколдук тапшырма берди. Читать дальше...

Литванын тышкы иштер министри Линас Линкявичюс футбол боюнча дүйнө биринчилигин Орусияда өткөрүүнү “аңкоо идея” деп атап, ошол эле маалда Евробиримдик мелдешке дипломатиялык бойкот жарыялабай турганын айтты.  - Орусияда бардыгы саясатка байланган – спорт, маданият өлкөнү дүйнөнүн борбору кылып даңазалоого кызмат кылат. Бул дайыма үгүт үчүн жакшы. 2014-жылы Сочидеги Олимпиадада аны жакшы көрдүк. Оюндардан кийин эле Украинага каршы агрессия болду, - деди министр шаркеттин Брюсселдеги жыйынынан кийин... Читать дальше...

“Ата Мекен” партиясынын камактагы лидери Өмүрбек Текебаевдин ишиндеги жаңы жагдай катары көрсөтүлгөн учурлар каралып жатат. Бул тууралуу бүгүн башкы прокурор Өткүрбек Жамшитов “Азаттык” менен болгон маегинде билдирди. Ал тиешелүү башкармалыктын жетекчисине тапшырма берилгенин кошумчалады. - Депутаттар "жаңы жагдай" деп беш учурду көрсөтүп, "карап чыккыла" деген өтүнүч менен кайрылган. Ал боюнча атайын башкармалыктын башчысына тапшырма берилип, алар реалдуу түрдө карап жатат. Жыйынтыгы тууралуу тараптарга малымат берилет. Читать дальше...

Пакистандын чалгын кызматынын мурдагы жетекчисине өлкөдөн чыгууга тыюу салынды. Отставкадагы генерал-лейтенант Асад Дуррани Индиянын атайын кызматынын мурдагы башчысы менен кошо эскерүүлөрдү чыгаргандан кийин дүйшөмбү күнү куралдуу күчтөр аны суракка чакырган. Дуррани чалгын мекемесин 1990-92-жылдары жетектеген. Өткөн аптада чыккан китепте эки өлкөнүн Ооганстан, талашка түшкөн Кашмир аймагы боюнча атаандаштыгы баяндалган. Кошмо Штаттар көптөн бери Пакистанды Ооганстандагы согушкерлерди колдогону үчүн айыптап келатат. Читать дальше...

Башкы прокурорлук кызматка дайындалганына бир ай болгон Өткүрбек Жамшитов “Азаттыктын” суроолоруна жооп берди. Жамшитов прокуратура тармагын тазалоо аракети болуп жатканын, чуулгандуу кылмыш иштерин аягына чыгараарын жана бийликтин саясий буйруктарын аткарбай тургандыгын билдирди.

Башкы прокурор Өткүрбек Жамшитов “Азаттыктын” суроолоруна жооп берип жатып, саясатка аралашпай, мыйзам чегинде иштей турганын айтты. Ал ар бир кылмыш ишинин артында адамдын тагдыры турганын, прокурорлор адам тагдыры менен ойнобошу керек деген оюн билдирди.  - Адамдын тагдырын биз жеңил ойлобошубуз керек. Мыйзам чегинде кандай болсо - ошондой айтышыбыз керек. Күнөөсү жок болсо - "сотко жеткире албайбыз" деп айтышыбыз керек. Азыркы талап деле ушундай болуп жатат – бардык иштер мыйзамдын чегинде болсун. Читать дальше...

Роскомнадзор "Apple" компаниясынан тиркемелерден Орусияда тыюу салынган "Telegram" мессенжерин алып салууну талап кылды. Бул тууралуу маалымат жана байланыш технологияларын тескеген агенттиктин сайтында айтылат. "Интерфакс" агенттиги маалымдагандай, мекеменин жетекчиси Александр Жаров компанияга бир ай мөөнөт берилерин эскертти. Роскомнадзор "Apple" кызматынын иши үзгүлтүккө учурашы мүмкүн экенин кошумчалады. 16-апрелде агенттик  кат жазышуу ачкычтарын атайын кызматка берүүдөн баш тарткандыгы үчүн... Читать дальше...

Санжар Исабаев президенттик аппараттын соттук реформа жана мыйзамдуулук бөлүмүнүн башчысы болуп дайындалды. Буга байланыштуу жарлыкка президент Сооронбай Жээнбеков кол койду. Бул тууралуу президенттик аппараттын маалыматтык саясат бөлүмү кабарлады. Санжар Исабаев 1981-жылы туулган. 2004-жылы Кыргыз-Орус Славян университетин аяктаган. Юстициянын 3-класстагы кеңешчиси. 2005-жылдан 2015-жылга чейин Жогорку соттун аппаратында улук референт, улук консультант, бөлүм башчысы жана Жогорку соттун төрайымынын жардамчысы болуп эмгектенген. Читать дальше...

Башкы прокуратуранын бүгүн тараткан маалыматына караганда, кошумча нарк салыгы боюнча козголгон кылмыш ишинин алкагында жаңы жагдайлар аныкталды. Маалыматка караганда, Финансы министрлигинин Борбордук казыналыгы “БК”, “Д” жана “С” аттуу жоопкерчилиги чектелген коомго жалпысынан 20 млн. сомго жакын каражатты мыйзамсыз төлөгөнү белгилүү болду. Буга байланыштуу тиешелүү мамлекеттик кызматтын өкүлдөрүнө Кылмыш-жаза кодексинин 166-беренеси (“Алдамчылык”), 221-беренеси (“Коммерциялык же башка уюмдардын... Читать дальше...

Ооганстандын өкмөттүк күчтөрү Нангархар провинциясында адашып рейд жүргүзгөн учурда 9 киши окко учту. Губернатордун басма сөз катчысы Атаулла Хогияни дагы 8 киши, арасында бир аял менен анын жаш баласы жарадар болушканын билдирди. Окуя териштириле баштады. Айрым маалыматтарга караганда, курман болгондордун арасында жергиликтүү полиция башчысы жана парламенттин жогорку палатасынын төрагасы Фазилла Муслимьярдын жакындары да бар. Атышуунун добушу чыкканда аскерлер турак жайга рейд жасашкан. Бирок операция аяктаганда... Читать дальше...

Орусиялык мурдагы тыңчы Сергей Скрипаль кызы Юлия менен дарыланган оорукананын дарыгерлери аларды кантип куткарып калышканын биринчи жолу айтып беришти. BBC менен болгон маекте Солсбери бейтапканасынын жандандыруу бөлүмүнүн консультанты Стивен Жукс дарыгерлер Скрипалдар нервди шал кылчу зат менен ууландырылганын билгенден кийин алар аман калбайт деп ойлошконун айтып берди. Оорукананын башкы дарыгери Кристиан Бланшард болсо бейтаптардын саламаттыгы келечекте начарлашы мүмкүн экенин айтты. Медиктер берген интервью бүгүн эфирге чыкмакчы. Читать дальше...

Мектеп окуучулары үчүн окуу жылынын башталышын 10-сентябрга жылдыруу жөнүндө сунуш өкмөттө каралган соң, маселе июнь айында чечилет. Бул тууралуу бүгүн басма сөз жыйынында билим берүү жана илим министри Гүлмира Кудайбердиева билдирди. Анын айтымында, министрлик окуу жылын 10-сентябрда баштап, 31-майда аяктоону сунуш кылууда.  Буга чейин Кудайбердиева окуу жылынын башталышын которууну 2018-2020-жылдары сынап көрүп, андан соң акыркы чечим кабыл алуу каралып жатканын билдирген. Министр мындай жол менен туристтик сезон да узартылып... Читать дальше...

Президент Сооронбай Жээнбеков бүгүн, 29-майда Куралдуу күчтөрдүн кызматкерлери үчүн салынган үйдүн салтанаттуу ачылыш аземине катышып, батирлердин ачкычтарын тапшырды. Мамлекет башчы армиянын баркы көтөрүлүп, жоокердик милдетин аткарууну каалаган жаштардын көбөйүп жатканын айтып, “учурдун талабына жооп бере турган армия түптөлдү” деп белгиледи. “Жалпысынан алганда 2481 батирлүү 77 турак жайлардын курулушу аяктады. Азыркы учурда 1250 батирлүү 22 объектинин курулушу жүрүп жатат. Бүгүн 54 жаңы батирдин ачкычтары тапшырылат. Читать дальше...

Дели АКШнын санкцияларына карабай Иран жана Венесуэла менен соодасын уланта берет. Бул тууралуу кечээ Индиянын тышкы иштер министри Сушма Свараи Ирандын тышкы саясий мекемесинин жетекчиси Мохаммад Жавад Зариф менен жолугушуунун алдында басма сөз жыйынында билдирди. Ушу тапта Индия Ирандан мунай сатып алган өлкөлөрдүн сап башында турат. Тегерандын өзөктүк программасы боюнча келишимден чыгуу боюнча Вашингтондун чечимине комментарий берип жатып, министр Дели кайсы бир өлкөлөрдүн эмес, БУУнун гана санкцияларын аткараарын белгиледи. Читать дальше...

Жети-Өгүздө окуучулар мушташып, бир бала бычак жеп ооруканага түштү. Ысык-Көл облустук милициясынын басма сөз катчысы Сталбек Усубакуновдун "Азаттыкка" билдиргени боюнча, 28-майда райондук ички иштер бөлүмүнө аймактык ооруканага Оргочор айылынын 17 жаштагы тургуну бычакталып "Тез жардам" кызматы менен түшкөнү тууралуу билдирүү болгон. Териштирүү учурунда жабыркаган бала 27-майда Бишкектен Оргочор айылына келгени аныкталган. Ошол эле күнү түнкү саат 23.30дар чамасында айылдашы менен жолугуп, ал... Читать дальше...

"Эже-сиңдилер" телеберүүрүүсүндө бул жолу хижабчан кыз-келиндерге карата стереотиптер тууралуу кеп кылдык. Теле баарлашууга "Мутакалим" уюмунун төрайымы жамал Фронтбек кызы, журналист Ызаат Тургунбаева жана теолог Изаура Масеитова катышты.

Кыргыз мамлекеттик курулуш, транспорт жана архитектура университетинин (КГУСТА) окутуучусу миң доллар пара алып жаткан жеринен кармалды. Экономикалык кылмыштарга каршы күрөш кызматы бүгүн тараткан маалыматка караганда, дипломдук ишин даярдоо жана аны ийгиликтүү жактоо үчүн 1,5 миң доллар пара талап кылган К.А. аттуу кафедра башчысына карата чара көрүүнү суранып окуу жайынын студенти кайрылган. Ыкчам иликтөө иштеринин натыйжасында окутуучу студенттен миң доллар пара алып жаткан жеринен 21-майда кармалган. Читать дальше...

Кыргызстандын ири энергетикалык компаниясы – “Электр станциялары” ачык акционердик коомунун директору болуп Аскар Эшимбеков дайындалды. Бул тууралуу ишкананын басма сөз кызматы кабарлады. Эшимбеков 56 жашта, электр станциялары, тармактары жана системалары боюнча адис. Энергетика системасында 33 жыл иштеген. Эмгек жолун Ош жылуулук электр борборунда баштап, “Түндүк электр” ишканасында катардагы жумушчудан башкы директорлукка чейин жеткен. Ош шаардык кеңешинин депутаты болгон, Жогорку Кеңеште эксперт болуп иштеген. Читать дальше...

Мурдагы премьер-министр Сапар Исаков бүгүн саат 14:00дө сурак берүү үчүн Улуттук коопсуздук боюнча мамлекеттик комитетке (УКМК) чакырылды. Бул тууралуу Кыргызстан социал-демократтар партиясынын расмий өкүлү Кундуз Жолдубаева “Азаттык” радиосуна билдирди. Мурдагы премьер-министр Сапар Исаков Бишкек жылуулук электр борборун оңдоп-түзөө иштерине байланыштуу козголгон кылмыш ишинин алкагында күбө катары 14-майда жана 26-апрелде УКМКга сурак берип чыккан. 17-майда Жогорку Кеңеш ЖЭБ чуусун иликтеген депутаттык комиссиянын бүтүмүнө ылайык... Читать дальше...

Жогорку Соттун коллегиялык соту камактагы саясатчы Садыр Жапаровдун ишин кароону 5-июнда, саат 14:30да карамай болду. Буга ишти карай турган үч соттун бири ооруп, келбей калганы себеп болду. Соттун жактоочуларынын бири Бактыбек Асамудинов коомчулукта резонанс жаратып, бир-эки ай мурда жарыяланган соттук отурумга соттордун биринин келбей калышын сынга алып, "чогулгандарды сыйлабастык" катары баалады. Жогорку сот камактагы саясатчы Садыр Жапаровдун апелляциялык арызын кабыл алып, соттук отурумду 29-майга белгилеген. Читать дальше...